———————————————————————
قامت ليان من عندهم بتروح لحمام لكن تجذبها ريحة غريبة من صالة الحفلات حقت سارة ماترددت وراحت تشوف وش مصدر الريحة
فجاءة
تصرخ بصوت عالي : ساااارة اييييمن الحقو
ركضت سارة متوجهه عند ليان وتشوف النار مولعة في الستاير وتصرخ لين كلهم جو مصدومين من الحريق المفاجئ الي صار !
ايمن بصريخ على البنات : بسرعة ليان ولمى وسارة اطلعو بسرعة!
سحبت سارة البنات وخرجو من البيت اما العيال بدو يحاولو يطفو النار لكن ماقدرو واكتمو من الدخان والنار كل شوي قاعدة تزيد .
خرجو الكل من البيت حتا ايمن وفايز و حكيم الي حاولو يطفو النار ولا قدرو وبدو يتفقدون الكل
ليان بصريخ : نور اختي وين ؟؟؟
يناظرون حولهم كلهم ولا حصلوها
ضربت سارة راسها : نور راحت ترتاح !! جوا البيت
انجن جنون البنات وبدو يحاولو يدخلو للبيت لكن ايمن وحكيم منعوهم
ليان تضرب صدر حكيم الي ماسكها : ابعد اختي داخل اببعد!!
حكيم : ماتدخلين داخل الا على جثتي الحين الدفاع يجي يخرجها
ناظر لهم فايز وبعقلانية وهدوء دخل بسرعة للبيت بدون لحد ينتبه له وبدا يدور على نور في جميع الغرف " بيت سارة كبير وغرفه كثيرة "
دخل تقريبا اغلب الغرف ولا حصلها انكتم من ريحة الدخان والنار كل شوي تزيد وتولع بالغرف .
عند نور
انسدحت على السرير وجدا تعبانة ومالها خلق احد سمعت صريخ البنات وانفجعت وقامت تشوف وش السالفه لكن الصدمة الباب مقفل ولا هو راضي يفتح !
فجاءه تشم ريحة الدخان وتتمنى مايكون الي في بالها
مرت عشر دقايق تقريبا وريحة الدخان ملت الغرفة كلها وهي تحاول تصرخ وتدق الباب لكن محد يسمعها ، تحاول تلتقط انفسها وتهدي نفسها قد ماتقدر بعدت عن الباب وراحت للزواية وضامة رجولها تفكر كيف تطلع !
اما فايز
حاول يفتح جميع الغرف قد مايقدر ويصرخ باسم نور والنار تزيد ومسبب له رعب خايف تكون نور بخطر وهو مو قادر يساعدها
خارج البيت
انتبه ايمن لفايز الي دخل للبيت وبدا يهدي في ساره وليان ولمى ويطمنهم ان فايز دخل
اتصل حكيم على الدفاع المدني وباقل من خمس دقايق وصلو المكان
سارة والبنات كانت كل وحدة تدعي انو نور تكون بخير ومتاملين ان فايز مرح يخليها وبيطلعها
عند نور
بدا التنفس عندها يقل وتحس بحراره مو طبيعية فجاءه تسمع صوت يناديها تقدمت عند الباب وبدات تدق الباب وتصرخ : انا هنا تسمعوني
سمعها فايز وتقدم للغرفة بسرعة وحاول يفتح الباب وماقدر : نور نور ! تسمعيني
نور بصريخ : اسمعك افتح الباب انكتمت
حاول فايز يلتقط انفاسه لان الدخان زاد : نور الباب مقفل وخري عن الباب بكسره
نور تتنفس بسرعة : طيب بسرعة
أنت تقرأ
حَقق لي حِلمي
Mystery / Thrillerفتاة تظلم بسبب عادات المجتمع القاسية وتحرم من حلم طفولتها لكن تضع املها الاخير في زوجها الذي اجبرت عليه هل ستحقق حلمها المنتظر ام تستسلم للمجتمع ؟ الكاتبة : سارة 🩺
