فتاة تظلم بسبب عادات المجتمع القاسية وتحرم من حلم طفولتها لكن تضع املها الاخير في زوجها الذي اجبرت عليه هل ستحقق حلمها المنتظر ام تستسلم للمجتمع ؟
الكاتبة : سارة 🩺
طلال : كلامي واضح وانتهى النقاش معاك بتتزوجينه ورجلك فوق راسك ! سارة ببكي : يبه تكفى طلبتك لا تسويها فيني دفها طلال : انا دلعتك كثييير وانتهى الدلع ذا بيجون يخطبونك نهاية الاسبوع تجهزي وطلع طلال من البيت ، جلست سارة في وسط البيت وتبكي ماتعرف وش تسوي - اتصلت على لمى ماعندها غيرها تهديها سارة : لمى الحقيني صار الشي الي خفت منه لمى : بسسم الله وش فيك يابنت سارة تبكي : ابوي بيزوجتي ولد عمي غصباً عني ومني عارفه وش اسوي لمى : طيب انتي الحين هدي يابنت لا تبكي قال متى بيخطبونك ؟ سارة : اي قال نهاية الاسبوع لمى : تمام عندي خطه سارة : وش هي ؟ لمى : اقولها لك لما نتقابل بكرة بس دحين اهدي ولا تخافي ان شالله كل شي بيكون كويس سارة : تمام لمى احبك الله لا يحرمني منك ياحبيبتي لمى : وانا احبك ياعيني يلا تبي شي ؟ سارة : لا سلامتك مع السلامه
قفلو الخط طلعت سارة غرفتها عشان لا تشوف ابوها ويعطيها كلام ثاني وقفلت غرفتها بالمفتاح ونامت "ثاني يوم " صحيت بدري وفطرت بسرعه وخرجت من البيت عشان ابوها لا يمنعها من تخصصها و وصلت قبل صحباتها للمستشفى قابلت دكتور احمد في الممر دكتور احمد : السلام عليكم سارة جايه بدري اليوم ؟ سارة بتسليك : اي اي سمعت كلامك امس وجيت دكتور احمد : اتمنى تقعدين كذا تجين بدري سارة : ان شالله يلا مع السلامه
وبعدت عن الدكتور احمد بسرعه ولفت على الجهه الثانيه وصقعت في احد وانكبت القهوه على الشخص سارة تشهق : اووو اسفه معليش وقاعدة تمسح القهوه من لابكوت الشخص : عميه ماتشوفين انتي ! سارة : قلت لك اسفة شسوي : ابعدي عني بس مشي معصب ودف كتفها بشويش سارة : ناس نفسيه
لمحت سارة لمى واتجهت لها بسرعه سارة : ببكي صقعت بالغلط بدكتور الي هناك لمى : اح ساره مالقيتي تصقعين الا ذا الدكتور سارة: ليه مين ذا ؟ لمى : ذا من أشطر الدكاتره هنا بطب العام دكتور ايمن والناس يقولو كمان انو مشهور في السوشل ميديا سارة : امانه يافشيلتي ، يلا ماعليا فيه ياكلها مره ثانيه لمى بضحك : التناقض الي فيك غرريب الا وش سويتي امس ؟ سارة : ماقابلت ابوي من امس قفلت على نفسي الباب ونمت واليوم صحيت بدري وخرجت بسرعه لمى : كويس يابنت عدت على خير تعالي اقولك خطتي اجل حكت سارة الخطة ( تعرفونه لما يجون يخطبونها ) سارة : تتوقعي تضبط ؟ لمى : ممكن تضبط على حسب يعني سارة : اه ياربي الله لا يوفقهم واحد واحد ، شوفي نور جات اخيرا نور : هلا هلا بالواحشيينيي مووت لمى : وحشتينا اكثر يعني ، شفتي صحبتك الغبيه كبت القهوه على مين ؟ نور : مين اصدميني لمى : على الحلو الدكتور ايمن الي مخقق نص الممرضات نور : اووف يابختك ياسارة شفتيه من قريب سارة : ويع عليكم اسلوبه خايس ، واحس ضميري انبني بروح اجيب له قهوه ثانيه غير الي كبيتها لمى تضحك : مسرع خقيتي روحي روحي تجاهلتها سارة وراحت تشتري قهوه لدكتور ايمن ، طقت باب غرفة ايمن ايمن : تفضل سارة : دكتور هاذي انا ايمن : وش تبغين لايكون بتكبينها علي مره ثانيه سارة بعصبيه: جايه بعطيك هيا بدال الي كبيته ماعندك اسلوب ! ايمن : انتي هيه لا ترفعي صوتك مابيها القهوه انسدت نفسي عليها سارة تطالع قامت شربت القهوه قدامه : احسن شربتها انا ايمن بتجاهل : اذا خلصتي يابنت قفلي الباب واطلعي عندي شغل سارة : اسمي سارة مو يابنت ويلا انقلع من زين وجهك وقفلت الباب بقووة ايمن : اوه سارة اجل مزيونة البنت ذي ورجع ايمن لشغله راحت سارة للبنات ومعاها القهوه نور : ها وش صار سارة : الله يقلعه ردني بس صقعت باب غرفتة بقوة لمى : مجنونه ذي البنت امشو تاخرنا كالعادة على تدريب التنفس نور : هيا اجل
خلصو التدريب وكل وحدة رجعت بيتها
عند سارة دخلت بيتها وحصلت ابوها بوجها طلال : امسكي يابنت ذي فلوس اشتري لك كل شي تحتاجيه للخطوبة قلت لك يوم الخميس بيجون لك سارة : يبه هون عليها تكفى عشاني طلال بعصبيه : الولد ماينرد يابنت اعقلي وخلي الخطبة تمر على خير سارة والدمعه بخدها : تمام انا رايحه السوق
دقت على البنات وخرجو معاها السوق نور : شوفي ذا الفستان يجنن ياسارة خذيه لمى : اي والله يجنن ولونه يموووت سارة وشوي وتبكي: تمام بشتريه دامني مرح البسه وانا مبسوطه صورة الفستان :
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
لمى : اوه سارة تكفين لا تزعلين ان شالله خير انتي شوفي الرجال ممكن كويس نور : اي صح كلام لمى ممكن الرجال احسن من ابوك ، مو هو ولد عمك ماتعرفيه ؟ سارة : الا ولد عمي بس ماشفته ولا اعرف شكله ولا اسمه حتى ، عشان العادات والتقاليد عندنا مايخلونا نشوفهم وهم صغار او حتى كبار لمى : يع وش ذي العادات الي عندكم نور : الله يعينك ياسارة وش نقول سارة بتغير السالفه : خلاص بنات خلونا ننبسط تعالو كوفي نحلي ونشرب قهوه راحو وطلبو وكلو ورجعو البيت
"تسريع احداث " عدت باقي الايام على الخطوبة زي اي يوم عادي مافيه احداث كثيره
يوم الخطبة : لمى تكلم سارة على التلفون : خلاص جهزتي صح ؟ سارة : اي خلصت بس اعدل روجي لمى : لا تحطي لون غامق حطي فاتح وحتى مكياجك لا يكون ثقيل سارة : مكياجي خفيف من يومي لمى : كويس اجل لا تنسين خطتي تمام ؟ سارة : اي اي معليك طلال : يابنت هيا سارة : اسمعي بقفل ابوي ينادي يلا مع السلامه قفلت الخط ونزلت تحت طلال : ادخلي يابنت هنا المعرس سارة تدخل وماطالعت فيه المعرس بشهقه : انتي !! سارة تطالع فيه : انت وش جابك هنا !!!
انتهى . ——————————————————————— شرايكم بالبارت ؟ مين تتوقعون الشخص الي خطب سارة ؟
الانستقرام eruw.x تبون ازيد احداث في البارتات الجايه ؟
