———————————————————————
جات عينها بعينه وهو منسدح على السرير وحالة وجه حاله واضح ماياكل ولا ياخذ ادويته
طلال عيونه تدمع مو مصدق : بنتي؟
سارة : السلام عليكم كيفك اليوم
رفع نفسه من السرير وهو يتامل بنته ماكان متوقع انها بتزوره بعد كل عمايله فيها اشر لها تقعد على الكرسي الي جنبه : وعليكم السلام اقعدي يابنتي اقعدي ارتاحي
سارة ببرود : ارتاح انت ايمن ادخل
ايمن كان ينتظر سارة عند الباب ولما سمع اسمه دخل وجلس جنب زوجته : السلام عليكم
طلال تجمعت الدموع في عينه بنته وحيدته حرمها من كل شي تحبه وضربها وعذبها سنين طوويله الحين مساندته وهو في اصعب ايام حياته حس ان بنته ماتتعوض ابدا
طلال مسح دموعه : عرفتي باصابتي صح ؟
هزت سارة راسها بنعم : الله يشفيك
طلال مسك يد بنته : انا جاني شلل نصفي يابنتي ماعاد اقدر امشي مالي غيرك بذي الدنيا لا تخليني انا اسف على كل شي سويته سامحيني ماعرف متى ربي ياخذ امانتي حلليني طلبتك
سحبت سارة يدها بسرعة وبدات تناظر في ايمن ماتبي تشوف ابوها وهو يترجاها
تنهد طلال : مالومك يابنتي لا تسامحيني بس لا تخليني هنا لوحدي
قامت بسرعة من الكرسي وبصوت مبحوح : يلا يا ايمن
ناظر ايمن في عمه طلال : مع السلامه ياعم ماتشوف شر ان شالله
خرجت سارة بسرعة وكان ايمن بيلحقها لكن طلال نادى باسمه
طلال : ايمن
ايمن : نعم ياعم
طلال : تكفى خلها تساعدني وتحللني اخاف اموت وهي مو راضية علي
ايمن : ابشر ياعم اوعدك اكلمها انتبه على نفسك
طلال : تسلم ياوليدي
خرج بسرعة ايمن يدور سارة وماحصلها في المستشفى
دق على جوالها وردت
سارة : انا عند البوابة تعال
ايمن تنهد وقفل الخط وبسرعة راح للبوابة سحبها بدون لا يتكلم واخذها للسيارة
دخلها في المرتبة الخلفية ودخل من الجهه الثانية وقفل الابواب
حضنها بقوة الحضن الدافئ الي تحتاجه اخيرا حصلته بادلته الحضن وسندت راسها على كتفه
مسح على ظهرها : ابكي طلعي الي في قلبك ياحبيبتي
بكيت...شهقت...انهاارت
بعد دقايق
بعدت عن ايمن تدور مناديل عشان تمسح دموعها مسك ايمن فكها بشويش ومسح دموعها
ايمن : حبيبتي نفتح صفحة جديدة ؟
سارة : ايش قصدك ؟
ايمن مسك بطنها : حللي ابوك ياحبيبتي عشان نعيش حياة بدون مشاكل وتكملين في التخصص الي تحبيه مع طفلنا
سارة : احتاج وقت افكر يا ايمن الي سواه فيني مو شوي
ايمن : خذي راحتك حبيبتي لكن لما تحسين نفسك مستعدة تسامحينه قوليلي
سارة ابتسمت : ابشر
ايمن : نرجع البيت ؟
سارة : لا عزيز نسيناه
ايمن : عزيز انا اروح له بعدين الحين انتي تعبانة حامل انا اقول لفايز وحكيم يطمنونا عنه
سارة : طيب تمام
ايمن : تعالي قدام يلا
سارة : يلا جايه
——————————
ركضت بسرعة للدكتورة
لمى : بشري دكتورة وش صار ؟
الدكتورة تبتسم : الحمدلله المريض حالته جدا مبشرة الجرح بسيط لصغر السكينه و اغمى عليه عشان شاف الدم فقط
لمى : منجد ؟ يااارب الحمدلله متى اشوفه
الدكتوره : زوجك صح ؟
لمى ببتسامة : اي زوجي
الدكتورة : اسمعي دامه زوجك بطلعه الحين من غرفة العمليات و اوديه لغرفته تقدرين تدخلين عليه بس تراه نايم وممنوع عندنا بس بسمح لك انتي
لمى بفرح : منجد ؟ تمام يلا طلعوه
ضحكت الدكتورة على فرح لمى وتوجهت لباب العمليات عشان تطلع عزيز : ابشري ياحبيبتي
أنت تقرأ
حَقق لي حِلمي
Mystery / Thrillerفتاة تظلم بسبب عادات المجتمع القاسية وتحرم من حلم طفولتها لكن تضع املها الاخير في زوجها الذي اجبرت عليه هل ستحقق حلمها المنتظر ام تستسلم للمجتمع ؟ الكاتبة : سارة 🩺
