صاحبه البنفسج

part 28

ساجد:انت تعرف امى منين
احمد:امى!
مليكه:ساجد سجود اطلعوا فوق
ساجد:انا اسف بس حضرتك عاوزانى اسيبك مع حد غريب ازاى يماما

احمد مازال على صدمته:مليكه انتى ازاى عايشه !
مليكه راحت قعدت على اققرب كرسى وقالت بخوف:وياترى زعلان ولا فرحان انى عايشه ياحمد
احمد:مصدوم
من حقى افهم
مليكه بتعب:افهمك

فلاش باك
بعد خروج سيرين من غرفه مليكه والدكتور راحت مليكه عند الباب وبدأت تسمع كلام سيرين مع احمد

احمد بصدمه:هى مين دى اللى حامل انتى اتهبلتى
سيرين:الورق اهو يدودى
احمد:سيرين اتضبطى
سيرين:هو انت علشان كنت سكران هتنكر أنه منك

احمد عارف ان سيرين عشيقته وهو قبل وجود مليكه فى حياته كانو بيسكرو سوا كتير
احمد بصمود:المهم مليكه فين
سيرين:قطرانه جوه سيبها نبقى نشوفها بعد التسليم ونقرر هنعمل فيها اى متخافش فى بت كده سايباها معاها تحرسها
احمد قرر ميدخلش لمليكه لانه لو دخل مش يعرف يمنع نفسه أنه ياخدها فى حضنه ويبعد عن كل العك ده
احمد:تمام سبيها متفكريش فيها اصلا
سيرين:على فكره انا حكيتلها على كل حاجه
احمد بتوجس:حاجه اى
سيرين:من اول ما كنت ضابط لدلوقتى وموضوع جوازنا وسبب جوازك منها
اه وعلفكره بما انى حكيتلها سرنا انت كده هتموتها معدش ينفع تطلقها من سكات
احمد بهدوء ما قبل العاصفه:وكنتوا بتخطفوها لى من اساسه
سيرين:عشان نشغل ابوها بعيد عننا
المهم تعالى عشان بابى مش مبطل رن عليا
وذهب احمد خلف سيرين
مليكه اتصدمت من الكلام اللى سمعته لكن بعد أما مشيو سمعت حد بيحاول يفتح الباب وده كان الدكتور اللى كشف عليها واللى يبقى محمود والد صديق ساجد اللى كشف على احمد وكان ماسك البنت اللى بتحرسها
محمود:انتى كويسه
مليكه بخوف:ايوا
محمود:متخافيش انا هخرجك من هنا وهحط البت دى مكانك وهنيمها واغطيها وهى كده كده عندها اوامر أنها تسيب المكان كمان شويه لان سيرين ناويه هتولع فيكى
مليكه بخوف وعياط:وهى ذنبها اى تموت مكانى
محمود بسرعه:انتى طيبه اوى انجزى قومى معايا كلهم مستعدين يموتوكى اساسا دول معندهمش دين أو قلب قومى معايا
واخدها وسافرو امريكا وساعد مليكه انها تشتغل فى المستشفى معاه بشهادتها وكانت من دكاتره العلاج الطبيعى الشاطرين ولكنها توقفت بعد ولادتها لأولادها التوأم سجود على اسم والدتها وساجد
وساجد بقى من أكفأ الضباط لمكافحة المخدرات
زى والده وسجود فى طب جراحه
وساجد هو اللى بيصرف على البيت ومنع والدته من الشغل ودى غريزه الراجل المصرى بالفطره
انتهى الفلاش
جلست مليكه واضعه يدها على رأسها
احمد وهو يقترب منها:لى مسمعتيش منى يمليكه لى مرجعتيش بعدها لاهلك حتى بلاش ليا
لى خليتى الكل يتعذب بالشكل ده انتى عارفه يعنى اى ٢٥ سنه
انتى عارفه أنه كان بسبب شغلى وعارفه انا حبيتك قد اى مليكه انا بحبك اوى
سجود بدموع وهى تنظر لاحمد:بابى!
احمد فتح زراعه:يروحى انتى
ارتمت سجود بين ذراعه ببكاء شديد
وكان أحمد يقبلها من راسها
ولكن شدها ساجد من دراعها ووضعها خلف ظهره
ساجد بتملك:هو انا اسف يعنى بس سجود ومليكه يخصونى وانا مبحبش حد يلمس حاجه تخصنى ومش سهل عليا من يوم وليله دى تقولك بابى ودى تقولك يقلبى ويكبدى ويكليتى
احمد بتعب وضحكه بسيطه:اكبر دليل انك ابنى اللى انت لسه قايله ده انا كمان مبحبش حد ييجى جنب حاجه تخصنى
ساجد بتريقه وهو يقلب عينه للاعلى:هصدقك واكدب عنيا حاضر
مليكه بحده:ساجد ده باباك ميصحش تكلمه كده
ساجد بنفس الحده:وبابايا ده يعمل اللى عمله فيكى
احمد:واللى والدتك عملته فيا مش شويه برضو يساجد انا اللى حسيت بيه وعشت فيه مش شويه يبنى تدلنا كنت يوميا بتعذب فى بعدها
وارتمى احمد علي اقرب كرسى
احمد:انت مش فاهم حاجه
وهنا رق قلب ساجد وبدموع حاول أن يخفيها :ذهب وارتمى فى حضن احمد ثم همس فى إذن والده:كنت محتاجلك اوى 💙
ونظر لسجود بأن تأتى وارتمت الأخرى بحضن احمد
وكانت مليكه تنظر بفرحه وحنيه وكأنه الامل عاد من جديد

بعد مرور أسبوعين تحديدا فى مطار القاهره
وصل احمد ومليكه وسجود وساجد وكان الجميع بانتظارهم
جريت مليكه تحتضن مالك
مالك بعياط:اه يكلب البحر وحشتنى
مليكه بعياط:وانت يحرامى الجبنه
سجود والده مليكه:وماما موحشتكيش طب
مليكه: ماماااا

ليان :يروحى انتى وحشانى اوى
ليليان:شكلك هفتان كده لى يبه مكنوش بيأكلوكى فى جهنم ولا اى
مليكه بضحكه من وسط دموعها:عمرك مهتتغيرى
وقضت العائله وقت من المرح والهزار والحب وساجد كان حاسس بشعور غريب اتجاه مليكه بنت ليليان ايوه يعنى حبها بس هما انا قرأتها فى الروايات التانيه كده لازم يقولو شعور غريب وكدا 😂
ويامن ابن زين حب سجود
مساءا فى منزل احمد الدمنهوري
صعدت مليكه للغرفه وفتحتها ووجدت أن بيجامتها اللى كانت مخرجاها علشان تلبسها قبل متتخطف لسه مكانها والأوضه مليانه هدايه
احمد حضنها من ضهرها
مليكه بدهشه وحب:لحقت تجيبلى كل ده امتى ياحمد جبت كل ده فى يوم وليله
احمد:تؤ دى حاجات بتتجاب طول ال٢٥ سنه
مليكه بدموع :يحبيبى ي احمد
ساجد من الخلف:انتو بتعملوووووووو اى
احمد:حسبى الله ونعم الوكيل
يبنى يحبيبى انا مولود فوق راسك
ساجد بضحك:فى اى يبو حميد مالك متروق كدا
اصلى انا والبت الغلبانه بنتك مش لاقيين اوضتنا
احمد:يعنى القصر كله مش عاجبك ولا اوضه فيه
ساجد:يباشا مفيش اوض جاهزه
مليكه:ياحمد مش احنا قررنا هنعمل الاوض بعد أما احمل
احمد بتوهان وحب جارف:لسه فاكره يقلبى
ساجد:يعم انت بكلمك بصلى وبطل تثبتها قدامى
احمد بعدم صبر:اللهم طولك يروووووح
مليكه:😂😂😂😂😂😂😂
احمد بصلها وقال:انتى لسه فيكى نفس الداء ده
مليكه وهى بتضحك:داء اى
احمد:ضحكتك مبتطلعش غير قدام الغرب لكن معايا بتنكدى وتعيطى
ساجد بصدمه:غُرب، اى يسطا مالك انا ابنها متفوق كده
احمد بصدمه:يسطا وابنها انتو متأكدين انكو كنتو عايشين فى أمريكا
ساجد بمرح:اومال انت لاقينا فى شبرا عيب عليك
احمد بنفس المرح:بعد عيب عليك يبقى اتأكدت انى لاقيكم ف شبرا
ضحك الجميع
مليكه بصت لأحمد بحب :بتحبنى ي احمد
احمد:اقسم لك انى بحبك حب مُحمد لعائشه💜
وسهل تتوقعه اللى حصل بعد كدا كملو حياتهم بكل سعاده
ويامن اتجوز سجود
وساجد اتجوز مليكه
THE END..
‏الناس اللي مش بتلوم وتعاتب كتير، مش عشان بايعين.. بس عشان مقدرين ظروفنا وضغوط الحياة. ~
كل حاجه معاك جميلة مهما كانت بسيطه.🖤
بقلم روان سمير 💙🫂