اوجاع مربوطة (رواية ليبية )

اوجاع مربوطة

#اوجاع _مربوطة

قد يربطنا بوجعنا أشخاص نعرفهم جيدا

البارت 1
ف 1997
شارع الضاوي
خديجة . امي رقدت هيا وطلعت وراها جليلة
خديجة 11 عام 1986
جليلة 9 اعوام 1988
طلعت شافن خوهن اسامه م 1990
يلعب بالبشكليطه
جليلة . وراس اسامه جيرو واحد جيروا بس بس
اسامه . لالا تؤتؤ
خديجة . نعطوك خمسين قرش
اسامه عيونه قلوب . 50 قرش
جليلة . هاك
اسامه خذا ومشا طاير ع المحل
خديجة . انا الاولى
جليلة . في عينك نا اللي عطيته لفلوس من فطوري
خديجة . بالكبير بالكبير
جليلة . لالا مش شوري نبي توا توا
خديجة . خوذي بس بسرعه قبل ماتوعي ماما بنلعب
جليلة . باهي مسكت دومان وابتسمت ابتسامه عريضه ياسلام
وانطلقت ب دراجه تلعب وتضحك وخديجه تجري وراها
جليله تطلق ف يديها مره مره من ع دومان وتدير ف فنيات
لعند ماوصلت ف دردوحه وزواجه تفلت منها توسعو عيونها بصدمه

بينما شارع ثالث كان ابن جيران محمد م 1980 يغسل ف سيارة بوه مازدا لابس كانتيرا سودا وسروال مشمره وجنبه سطل فيه
صابون كله رغوه ويحك ف عجل سيارة وفاتح مسجل ع اغنية
لأ يا قلبي لمحمد فؤاد ويسمع صوت مزعج يقول لاااااااااااا
كانت جليلة تصرخ بعلو حسها وهيا ماسكه ف دومان
وفجأة هوب تخبط ف باب سيارة بتاع محمد وانقلب سطل صابون
خديجة حطت يدها ع فمها حي علينااا ..
جليلة . ااااه اءءء دم دم
محمد . انتي كويسه ياابله انتي كويسه
جليله دموعها مطر ع خدودها سنوني اااااه
محمد . زراته ضحكه
جليله . اي ركبتي ياغبي عليش تضحك
محمد . منظرك يضحك غليضه وتلعبي
جليلة . انت الغليض وثقيل
خديجة . انتي كويسه
جليلة . نبي دكتور اسنوني عدو فيها
خديجة . ترفع ف البشكليطه هيا هيا
محمد . لنقنها تبيلها دكتور بس مش اسنان تذيلها دكتور مخ واعصاب
جليلة . اشقى بروحك
مشن خديجه وجليلة
جليلة وهيا تألم لكن طرف لدعوة
خديجة تضحك انتي في ايش ولا ايش
ف شارع الي بعدهم ب شارعين شارع المرموقين
اسمه حي الزهور
كان احمد م 1991 يلعب ف البطش مع شباب الحي
ويشوف لخواته مره مره تعليمات امه
فجأة انفتح باب الحوش اللي جنب حوشهم
امها . عينك من روحك بنتي متحركيش من قدام الباب
ساره . حاضر قعمزت وتلعب بالبمبلينه "دميه"  تمشط ف شعرها
ريما . شنو نوعها بتاعتك
ساره  رفعت كتوفها بمعنى منعرفش
سحر . واضحه لعبه بتاع ربع جنيه هههه
ساره عقدت حواجبها . ضبطت لعبتها لعبتي تهبل انتو شينات
سحر . ااه اه فوتيها ريما تعالي نلعبو هنا
ساره . العب معاكم
ريما . باهي
وسيبت ساره لعبتها ومسكت ف يدين سحر وريما ع جية خديجه
ريما . وين جليله
خديجه . خبطت بالبشكليطه سنونها تكسرو قاعده تبكي
سحر . هههه منظرها يضحك اكيد
خديجه . هههه
سحر . تعالي نلعبو
خديجه . هذي من
سحر . بنت جيران جديده ف الحي
خديجه . هي نلعبو
فتاحيه وردة غمضيه ورده فتاحيه وردة غماضيه وردة
اسامه . جا يجري ب شوكولاطة الورد
خديجة . عطيني
اسامه . ملحي وين بشكليطة
شقلبت خديجه عيونها ملحح منعرفش
اسامه سيبها ومشا لحوش يقولها ل أمه
وخديجه كملت لعب
شوي جاها صوت امها الجهوري خديجه خشييييييي
ومشت خديجه تجري بينما سحر وريما مشن لمحل يشرن
طلعن ب شوكولاطات وليز
ساره . نبي عطيني
سحر . عدي روحي وخشت
ريما لحقتها وصكرت باب ف وجه ساره
ساره قوست فمها ودموعها كادو ينزلو التفت شافت كويش ابيض
عليه شخشير ابيض فيه خط بسيط اخضر وشورت لركبه بيج
وقميص ابيض كان حط يديه ع ركابه ويشوف
عيونها العسليه  الغارقات بلدموع قالها من مزعلك
ساره . شوكلاطه وسالي
احمد . ابتسم تمام ومشا باع بطش وتير لشباب الحي ومشا لمحل
خطف جابلها شوكولاطات وتساليات اللي فيهم من جوا لعب
جاها مدلها لشكاره هاك
ساره  شكرا
احمد ابتسم . عفوا
ساره . اهمت البطل
احمد ضحك
ساره . انت هك وشيرتله لايك انت سمح واجد باساته ومشت
احمد حط يده ع خده رفع حواجبه وابتسم مشا كمل لعب مع اصحابه
"نوايا بريئه" اطفال اطفال 🤭