اوجاع مربوطة (رواية ليبية )

اوجاع مربوطة

#اوجاع_مربوطة
البارت 12

لاحظت ان احمد حط يده ع خده ويبحت فيها .....
ساره ... كنك تبحت في حاجة
نشوف لعيونه شعور حد غاوي وطايح ب وجه
لون عيونه ملفتات يديه عروقه بارزات قعدت
نا بروحي سارحه فيه قطع تفكيري هو شن في
    حبيبي أنت كويسه فيك حاجة
ساره ... مافي شي انت كنت تبحت فيا زين ونا ناكل لدرجة شكيت ان فيا حاجة ....
احمد ... فيك عيون تقول غزال 🦌 ديما يخطرن ف البال تصدقي اني حافظ ملامحك لدرجة نشوف المخده نتخيلها انتي راقده جنبي ونحضنها
ساره ... ابتسمت احمددد
احمد ... عيونه
ساره ... عيونك يهبلن
احمد ... نعليا😂❤️
ساره ... نبي نقولك ع حاجة مهمة انت متعرفهش
احمد ... شني 😳
ساره ... انا كل مانشوفك قلبي يتعلق بيك اكثر
احمد ... ابتسم وشن اخرى
ساره ... يعني نا عمري ماتعلقت ب حد لدرجة هذ
تعرف امتى حبيتك ف فرح اختك تذكر لما جبتلك
سفرة الفطور وسألتني على اسمي ودافعت عني لما
ضحكن علي خواتك وقريباتك حسيتك جنتل وكبرت
ف عيني
احمد ... انا كنت نعرف اسمك ع فكرة غير نستعبط
ساره ... كذاب قصدك تعرف اسمي
احمد ... اولا متقوليش كذاب
ساره ... بردون مش قصدي
احمد ... نعرفك من نحنا وصغار تلعبي بالحبل ف شارع وقتها كان ف عام ال 2000 او 99 كنتي تلبسي
فستان زي الاميرات وطريقة شعرك ولونه الذهبي
احححح كل مانشوفك نقعد نقول نبي منها وامي
تقول هذي مش لعبة 🤣
ساره ... اممم صار هكي 😁 يعني من زمان تحبني
احمد ... رفع اصبعه اعجاب اعجاب
ساره ... رفعت حاجبها اعجاب بس يعني لو مشيت حبيت حد اخرى عادي عندك
احمد ... في عينك
ساره ...كنك عصبت مش قلت انك معجب بس
احمد ... زمان معجب بس توا نحبك نموت فيك
ساره ... تشوف لعيونه عيونك يجننو
احمد ...عيوني بس نا كلي جاذبية ا وسامه وجمال
ساره ... ههههه
احمد ... لو تقدمتلك توافقي
ساره ... اها
احمد ... يعني لو جبت هلي وخطبتك رسمي توافقي
ساره ... يب
احمد ...اولييي وصبا فوق طاوله نعلي نا الله واكبر
احلفي احلفي وقعد يعيط هذي حبيبتي هذي خطيبتي هذي خطيبتي ومسك نادل وافقت وافقت
ياهو وافقت ياعالم وافقت ياناس حط يديه ع وجهه
انا اكيد في حلم وناس تبحت وتضحك ع الهبال
قرب من ساره وباسها
ساره ... احمدد خلاص
احمد ... قولي خطيبي
ساره ... خطيبي
احمد ... قدم عليها ومد ذراعه هيا خشي يدك هنا
بيش نتمشو وناس تعرف اننا خاطبين حركة العرسان
خشششت يدي في يده ومشينا ومنظر يقتل 😂
والعالم كلها شهدت على الهبال اللي داره احمد

جليلة وقفت قدام روشن
سيارة اتسقم ف حجابها وحقت ضي شعل ف سيارة
وانفتح روشن فتحت فمها ب صدمة محمد

محمد ... تحبي تجربيها وغمزلها
جليلة  ... ابتسمت وعيونها قلوب هذي سيارتك
محمد ... لا سيارة زبون نخدم فيها اه وسيبها عندي قلت نهيج بيها واول من تركبها حبيبتي شن موافقة جليلة ... اي اي وفتحت الباب وركبت معاه
ومشت السيارة البنات هيييي جليلة مشت مع راجل
طاح سعدها يعوينها ياريتني وكل وحده تحكي شكل
جليلة ... تفتش تهبل تهبل تهبل سيارة
محمد ... مسك يدها وباسها كيفك انتي
جليلة ...ابتسمت محمد ليش ماادير سيارة كيف هذ
محمد ... غير يقعد عندي فلوس نجيب سيارة حتى مازدا
جليلة ... قلبت وجهها
محمد ... كنه حبي نولعلك مسجل
جليلة ... باه
محمد ... كر خدها
جليلة ... شوف هنا ف عطر
محمد ... متقربيش حاجات راجل خصوصية
جليلة ... مدت شوربها
محمد ... يبقى عندي نشريلك الاحسن منه
جليلة ... قلبت وجهها لروشن اي اي
محمد ... درس نزل لمحل توا نجي
جليلة ... ساكته
محمد ... جا وشايل ف يده كيس كبير خوذي
جليلة ... شنو هذا
محمد ... شوفي
جليلة ... فتحت واو شوكولاطات وكان كيندر بوينو وسنيكرز وكت كات وميلكا وتويكس وباونتي وكان الكيس مليان شوكولاطات حتى كيندر الصغار جابلها
منها وجليلة فرحانة كانها مش 17 عام كأنها 7 اعوام
وصلها لراس الشارع جليلة شكرا وقربت منه باسته
من خده ونزلت شيرتله باي 👋🏻
محمد ... شيرلها وكلكس ومشا
جليلة ... فتحت شنطتها وحطت فيها الكيس وخشت لحوش سلحت سبيدروها ولبست سباط
ماما انا جيت الهام . باه اللي جيتي جيتي وجابك ربي
جليلة ... شن في
الهام ... جايين عيت خالك ع الغداء
جليلة ... اوففف
الهام ... هيا هيا بدلي وتعالي ساعديني
جليلة ... تي باهي فهمنا خشت لغرفتها صكرت
الباب وصبت ورا الباب حطت يدها ع شفافها
تنهدت باابتسامة وغمضت عيونها ههه وطاحت
ع سرير وطايره من الفرحة فتحت شنطتها وشافت
الكيس كان ف رسالة من محمد احبك اتمنى ان
تبقي سعيدة دوما وشافت ورقة اخرى مكتوب
فيها اسمك مجلجل في قلبي حروفك ينبضو بيه💓