اوجاع مربوطة (رواية ليبية )

اوجاع_مربوطة

   تكملة البارت 9

ساره ... حسيت دنيا تبرم بيا راسي ثقيل فجأة رقدت
نسمع ف صوت تليفون يرن نحاول نفتح عيوني
وناخذ تليفون مش قادرة نطقه يدي ترعش وهنا خلاص ودخان مالي الغرفه
احمد ... هيا ياساره ردي

جليلة ... هيا بسرعة قبل ماحد يجي
محمد ... تصليح حاف بدون حاجة وين شاهي قهوة
جليلة ... استعجل بس ومشت ادير شاهي او قهوة
ملقتش سكر مشتله وف يدها السكريه مافيش سكر
محمد ... حطي فيها صبعك توا تقعد حلوه
جليلة ... هاه هاهههه وتلعب ب خصله شعرها
محمد .... ناعلي منك
جليلة ... هيا صلح دولاب
محمد .... غنيلي قبل 😎
جليلة ... من لما شفتك قلبي داب صلحلي فردة ه الدولاب
محمد ... هههه سمحه سمحه كيف عيونك
جليلة ... سمحه كيفك انت
محمد ... شن رايك نلعبو
جليلة ... فنصت فيه وضرباته بوكس ع صدره
محمد ... اااه
جليلة ... صلح بسرعة
محمد ... حاضر ياقلبي
جليلة ... يسلملي قلبك
محمد ... دار الڤيتي وقعد يصكر ف دولاب ويفتح فيه شوفي كأنه جديد ويخبط ع الباب
جليلة ...نجيلي الاسد خلاص تو تخربه
محمد ...نا اللي صلحته😒
جليلة ... هيا محمد تمشي من هنا
محمد ... بوسه قبل
جليلة ... باسته ع خده والباب ينفتح
جليلة محمد 😱
سعاد ... تحول ف محرمتها اوففف جليلة ديري قهوة
الهام ... تحول ف البالطو البنت هذي تستعبط تسمع ومتبيش ترد وتفتح باب دار
جليلة ... مصبيه قدام دولاب وحاطه يديها الاثنين
الهام ... متسمعيش ف حنك تعالي ديريلنا قهوة
جليلة ... ااه باه اني جاية
الهام ... هيا ديري فيش ترجي
جليلة ... امشي توا نجي
الهام ... اطلعي توا ديريها قدامي
جليلة ... التفتتت شافت ل دولاب وطلعت
محمد مطمر ف دولاب جوا وقريب ينفجر من الملل
جليلة ... ادير ف القهوة مافيش سكر را
الهام ... نحنا نحبوها ساده
جليلة ... كان شربتوها عند العرب اللي مشيتولهم
الهام ... داروها لكن اميه مش قهوة بكل تلقلق
جليلة ... 🙄

صالحه ... ف سياره مع خليفة عطيني المفتاح
خليفة ... مش ساره قاعده رني عليها قوليلها تطلع
مافيك م نزل
صالحه ... ترن ترن ومافيش رد
احمد ... فتح باب الحوش شاف سيارة خليفة امدرسه قدام الحوش اكيد بتطلع ومتبيش تقولي
عصب احمد ويبحت ف سيارة ب حقد
صالحه ماتردش ماني عارفه عليش دايرته هتليفون
خليفة ... ننزل نشوفها حتى ضي مافي فتح الباب وخش ساره ياساره وفتح الباب دار لقا دخاخين
وساره راقده قدام الكانون قدم عليها ساره ساره
خبط ع خدودها سااره بنتي يتفقد ف نبضها فتح رواشن وبيبان خذاها ف حضنه وطلع
جري كيف خاف عليها ياناري ع الاب حاجة عظيمة
خذاها وطلع جري احمد شاف خليفة وهو شايل
ساره ف حضنه احمد انصدم ب لكلكه س س ساره
صالحه ... يانعلي يابنيتي كنها
اميمه ... شن في
خليفة ... انزلي انزلي
اميمه ... نزلت
خليفة ... مشا جري لمستشفى ويبحت ف صاله ديري تنفس طبيعي بسرعة را تموت
صالحه ... تبكي ووووه عليا
احمد ركب سيارته ولحقهمم

خديجة ... نا بنمشي
حميد ... نوصلك
خديجة ... مشكور تعرف بروحي
حميد ... ابتسم خديجة اذا احتجتيني في اي حاجة
رني علي
خديجة ... ابتسمت تمام
حميد .... سلام
خديجة ... يلا باي وطلعت خش واحد وجه غريب
التفتت بحتت فيه وين شايفته وين شايفته
حميد ... اووو شجو
الراجل ... تمام
خديجة ... طلعت وكانت متأكده انها شايفة اللي خش بس وين ياترا

ع اذان العشاء

جليلة ... فتحت الدولاب لقت محمد راقد
جليلة ... محمد محمدددد
محمد ... هاه هاه وطاح من ع الارض
جليلة .... هههههه 🤣
محمد ... تي وين هذا كله
جليلة ... اسمع اطلع بسرعة كلمت اختي جاية ع طريق لو فتحت الدولاب وشافاتك مش هيصير خير
محمد ... شن ندير
جليلة ... نط من ع روشن
محمد ... شنو
جليلة ... بلا شورخ مش عالي هو
محمد ... عطيني بوسه
جليلة ... سادك تبويس اليوم امشي هيا هيا
محمد ... باه ونط وهو يضحك
جليلة ... صكرت الروشن وفمها منشرط من ضحك وتنهدت على خشة خديجة مصبيه قدام الباب
خديجة ... كنك مصبيه عند روشن وتضحكي
جليلة ... حرام الضحك
خديجة... لا والله استغربت بس تصرفاتك مش طبيعية
جليلة ... لا طبيعية ياحنة طبيعية وطلعت
خديجة ...🤷🏻‍♀️

خليفة ... خش يجري ف مستشفى وساره ف حضنه
ساعدوني بنتي ساعدوني وخششها للاسعاف

احمد ... مصبي من بعيد يبحت فيهم ميبيش يقرب

صالحه ... اهدى ياحاج ان شاء الله تقعد كويسه
خليفة ... دموع ف عيونه
صالحه ... يارب احفظلي عويلتي يارب ياكريم 🤲🏻

حطو الاكسجين على ساره قناع محكم
صالحه ... خير ان شاء الله
الدكتور ... صايرلها اختناق تسممم معقوله هك
وقعد يحكيلهم قبل ماتت لولا الاسعافات الاولية
خليفة ... وجهه انحمر ونزلو دموعه
صالحه ... حطت المحرمه على وجهها
خليفة ... مسح دموعه كويسه توا
دكتور ... اها بس تبقى تحت المتابعة
خليفة ... عيونه حمر من البكاء كانت ساره كبيدته مايتحمل فيها شي هيا ضي عيونه 💔💔💔💔

نقدر نشوفها

دكتور ... شوي بس ننقلوها ع غرفتها وتشوفها بس 5 دقايق
خليفة ... تمام

جليلة ... ههه منظرك يقتل وانت تنط
محمد ... باه اطلعيلي
جليلة ... وين قاعد
محمد ... ف حاجركم
جليلة ... حولت ستاره باب  المطبخ هيييء
محمد ... هابي ڤلانتين
جليلة .. اقصف شبابك
محمد ... اطلعي يالحب 😘
جليلة ... لبست شالها وطقايتها البيضه وطلعت ب شويش

محمد يغني لحماقي ولابس طاقيه عنابيه
محمد ... عارفة احلى حاجة فيكي اي
جليلة ... حطت اصبعها ع فمهااا اوسسس وتضحك
محمد ... هذا الورد ل احلى جليلة يامجلجلة قلبي
جليلة ... جلجلة في عينك
محمد ... ههه متبيش يعني
جليلة ... هات
محمد ... طلع دبدوب احمر كبيررر
جليلة ... هاااه واجد هك نا ماجبت هدية لك
محمد... انت هدية الحياة لي
جليلة ... ابتسمت
ونزل تلج صغير حضنته ويرقصو ع جو التلج

تأليف وكتابة نور عبد السلام