اوجاع مربوطة (رواية ليبية )

اوجاع مربوطة

#اوجاع_مربوطة

البارت 11

ساره ... امي
احمد ... احسن حاجة
ساره ... في عينك اطمر بسرعة
احمد ... سيب دب ونزل من روشن كيف القرد😂
صالحه ... نحسابك رقدتي
ساره ... هاه لا قبل رقدت نعسانه
صالحه ... هذا لك
ساره ... اها لي جابته لي صاحبتي
صالحه ... اها منهي
ساره ... متعرفيهش
صالحه ... شن المناسبة بيش جابتلك
ساره ... عيد ميلادي
صالحه ... عيد ميلادك هلب له وين
ساره .... يااامي قديم عندي غير نا طلعته توا
صالحه ... اها سلم صاحبتك 😤
ساره ...
صالحه ... تبي حاجة اخرى
ساره .. سلامتك خذت الدب ف حضنها وتشم ف ريحه احمد عالقه فيه غمضت عيونها💗

جليلة ... مقعمزه قدام زيانه تمشط ف شعرها وتذكر في محمد وليلة امس كيف مرت عليها
وتنهدت ب عفوية و بصوت عالي محمد ❤️
الهام ... محمد من طيح سعدك
جليلة ... محمد نا قلت محمد من قال
الهام ... انتي قلتيها توا
جليلة ... لا تهيالك الكبر مأثر فيك
الهام ... امشي ياقليلة الادب
جليلة ... ابتسمت
الهام ...تلم ف دبش من ع الحبل مع خشة اسامه
مروح من مدرسة عزق شنطته ف صالة تعال هنا
اسامه ... خش لللحمام ماشي المباره را
الهام ... وظيفة شنطة تمشي بيها للمدرسة وتروح تعزقها ف نص الحوش وتمشي مافيش واجبات يعني
اسامه ... لا مافيش
الهام ... يابي يابي منك
جليلة ... ف عالم ثاني

خديجة ... مرحبا حميد ال هنا
اها تفضلي من هنا بس شن صلة القرابة
خديجة ... بعد تفكير بنت خالته نبقى
وخشت لقت حميد يده مربوطه ومتسطح شافها
ابتسم خديجة
خديجة ... الحمدلله ع سلامه شن اللي صار
حميد .. اصابه بسيطه جت ف كتفي ساهله
خديجة ... والله ماساهله غير ربي حماك حمدلله
حميد ... حمدلله
خديجة ... مزال توجع فيك
حميد ... كانت توجع بس بعد شفتك بطلت توجع في حاجة اخرى تمت توجع في
خديجة ... شني
حميد ... قلبي
خديجة ... بلعت ريقها وسكتتت
حميد ... كنك سكتي اسف لو غلطت
خديجة ... نا بنمشي لو احتجت اي شي اتصل في نا نرن عليك يعطي في مقفل
حميد ...مقفل ع ناس كلها الا انتي نظره عيونه تذوب
خديجة ... زيارة المريض لازم تكون خفيفة سلام وطلعت

بعد يومين

ساره ... صباحو
خليفة ... وين وين
ساره ... لجامعة
صالحه ... كان حاسه روحك تعبانه غيبي
ساره ... لالا تمام محاضرات مهم ساد اللي فاتني
اميمه ... عادي نا نغيب
خليفة بغضب ... لمدرستك اذا كان صاحبة الشأن ماشية ليش انتي تغيبي
اميمه ... ياريت ننخنق نا ساره كل حاجة ساره محظوظه بنت اللذين
ساره .. غصت احوء احوء
صالحه ... بسم الله نقيتي ع اختك
مشت اميمه معصبه لبست شنطتها وتنفتر وبوي
يقول امشي ياكلبه وهيا طلعت معصبه تمشي وتحك
ي بروحها هوفففف عليك معيشه غبره هيا ساره وساره تقول ماعندهم فات ه الساره نحنا تقول لقونا
قدام جامع ساره بنتهم الوحيده وتعد ب اصابعها
شافها جلال ويضحك جلال اميمه انتي كويسه
اميمه... قلبت عيونها ب ملل وكملت طريقها لقت
هنادي نازله من سياره وسواق هو اللي فتحلها الباب
زادت حقد وكراهيه مشت شور هنادي صباح الخيرر
هنادي ... هاي اميمه لك وحشه
اميمه ... وينك مختفية
هنادي ... م امس 17 فبراير عطلة
اميمه ... لك وين لاتجي لا ترني لا تكسدي معاي
هنادي ... مانفضش كورسات واقرايا لازم نقرا ونتعب
اميمه ... امممم حتى هذي منقلبه فيها ساره رقم 2
هنادي ... قلتي حاجة
اميمه ابتسمت ب مجاملة ... لا سلامتك