#اوجاع_مربوطة
البارت 9
ساره ... امي
صالحه ... تعالي هنا تعالي هنا
ساره ... كنك ياامي
صالحه ... شن اديري
ساره ... والله مادرت بصيره
صالحه ... اقصف شبابك
ساره ... كنك ياامي
صالحه ... عازقه الخيشه اللي نشفو بيها الحوش ع الارض
ساره ... ااا آسفه ماما وخذت شوكولاطات وتحمد ف ربها امها ما شافت شي وقعدت فرحانة عمتكم ساره وتفرج وعايشه الدور كأنها نازله من فيلم مصري قديم
في الجامعة ثاني يوم
ساره ... تشوف لعمكم احمد يلعب ف 🏀
وجنبه صاحبه ساره ماسكه ف يدها حافظه فيها كيكه اللي ديرتها ساره شافها احمد ابتسم
احمد ... انت كمل لعب توا نجي ومشا
ساره ... مقعمزه
جا احمد قعمز حذاها شنو هذا
ساره ... كيك
احمد ... لي نا
ساره ... اي
احمد ... من سوق
ساره ... نا درته
احمد ... انتي درتيه هاتي مالا وفتح الحفاظه
ساره ... اسمع اول مره نديره لو معجبكش عادي
احمد ... كلا لقمه امممم الذ كيك كليتها ف حياتي
ساره ... ابتسمت
احمد .. شن طريقه
ساره ... حب + عشق
احمد ... اوووو ونا نقولل كنها سمحه هك
ساره ... نمشي نا
احمد ... مسك يدها تسيبيني
ساره ... صحتين عندي محاظره ومشت
احمد ... ابتسم وياكل
جليلة تلمع ف روشن صالة وشافت محمد😳
محمد يبحت فيها ومبتسم😍
جليلة وقفت تلميع وقعدت متنحه فيه
محمد يشيرلها ع قلبه انه يدق بيها
جليلة 😁
محمد بعتلها بوسه ف الهواء
جليلة رسمت قلب ع القزاز
الهام ... جليلة نا طالعه عينك من طنجرة
جليلة ... وين ماشية
الهام ... جارتنا ولدها طاح نمشي نحمدلها ع سلامه
جليلة ... باه يام
الهام ... طلعت
جليلة ... رن تليفونها الو
محمد ... من في ف الحوش
جليلة ... امي
محمد ... كذابة امك طلعت توا
جليلة ... تريح بلا شيطانه
محمد ... من تنابش امس ياريتني سياره وكلام هذا
جليلة ... هههه
خديجة ... دواء هذا منتهي الصلاحيه را
حميد ... من بينتبه بعدين في منه واجد تبينا نعزقوه
خديجة...حرام ناس نحنا حالفين نسيت
حميد .. نبصرو كنك انتي وقرب منها
خديجة ... نمشي لحوش توا نجي انا تمام
حميد ... متعطليش
خديجة .. تمام ومشت طلعت ترن ع امها ماتردش
وصلت لحوش ماماا ماما
جليلة ... ماما مش قاعده
خديجة ... وينها
جليلة ... عند جارتنا ولدها طاح
خديجة ... عليك شورخ
جليلة ... غابيه في امك تسمع عرب قرستهم ناموسه تمشي تجري تحمد ع سلامه حشيشتها دوران
خديجة ... نا بنمشي اخري را تبي حاجة
جليلة ... سلامتك
خديجة ... طلعت
جليلة ...
ع العشيه
صالحه ... سويرا نحنا طالعين بنمشو لعمتك تمشي معانا
ساره ... ماعنديش نيه
صالحه ... هاك هذي لامبه شحن كان طفا ضي
ساره ... قولي خير
يطلعو هلي من هن وضي يطفى من هنا منوره يانبع الحنان على مفاوله على اذان المغرب كسدت بكل
قلت مافيهش خذيت كشاف الضي وقعدت مصقعه ولعت كانون وخششته ف دار وقعدت ندفى عليه
جليلة ... هوفف ياامي بتمشي اخرى
الهام ... اها حنك مامشتش معاي في صبح
جليلة ... عليك موال
وعدو سعاد والهام لجارتهم اخرى وقعدت جليلة
قالت نغير دبشي فتحت فردة دولاب يطير ف يدها
يدها قوية حي علمي حي من امي كلمت محمد الو
محمد ها
جليلة حي علي يامحمد انقذني
محمد كنك
جليلة تعرف واحد يصلح دولايب خايفه من امي
محمد عيب عليك نا اكبر صلاح
جليلة نجك لي تعال بسرعة
وجا السوبر مان محمد انقذ الموقف ونسمعو
الباب ينفتح علينا ويخش على جليلة ومحمد 😱
ساره ... رقدت قدام كانون
احمد ... ياامي نبي نجوز
نجاح ... يوم علي هالنهار عليه ندور عندك وحده ولا ندورلك
احمد ... عندي عندي
نجاح ... من
احمد ... ساره بنت جيران
نجاح ... واللهي كويسه لكن غابي في مشاكل مع هلها وبوك
احمد ... نبي ساره نا مش شوري
نجاح ... خلاص كان وافقو باه
احمد ... يرن على ساره وفرحان بيقوللها
ساره تليفونها يرن ترن ترن ترن ودار كلها بخار
ساره تكح كح وتحق ف دنيا ضباب قدامها مش
قادرة تلمس تليفون تبي ترد ويدها ترعش طاحت
يدها وغمضت عيونها انخنقت من كانون
تأليف وكتابة نور عبد السلام
أنت تقرأ
اوجاع مربوطة (رواية ليبية )
Romanceاوجاع مربوطة ايضا معروف باسم |ضحايا بلادي النوع | دراما تأليف | نور عبد السلام البلد | 🇱🇾ليبيا
