اوجاع مربوطة (رواية ليبية )

اوجاع مربوطة

#اوجاع_مربوطة
البارت 4

كان احمد طالع من حوشهم شاف واحد يزقب
ع حوش خليفة احمد كان يبي يزقب ومتردد
ف نفس الوقت بعد القصة اللي صارت تذكر
سارة وزقب حتى هو وراه

سمعت صوت تخبيط
يااامي امييي وخافت مشت لكوجينة خذت ساطور
وتمشي ب خوف وكان ف واحد مصبي لابس طاقيه
ع وجه باين غير عيونه وهيا من فجعه يطيح ساطور
ع الارض وترعش حمبيك لا مااديرليش حاجة نا مش مع حد را واللهي مش شورررييييييييي
هو فاتح فمه ويشوفلها وهجم عليها ويبوس ف رقبتها وهيا تصرخ وجا احمد من وراه قعد يخنق
فيه ويصارع معاه ساره حاطه يديها ع فمه ومنصدمة
احمد ياكلب شن قصتك انت ويضرب فيه
المجرم حاول يصبي مقدرش
احمد ياحيوان انت شن ادير هنا 
ويجر فيه طلعه برا يجماعة شوفو زاقب ع الحوش
ومسكوه شباب الحي عطوه طريحة
احمد سارة ياسارة
سارة بخوف نعمم
احمد اقفلي ع روحك كويس وأي حاجة عيطي
ساره بااااه
احمد صكر الباب ومشا
ساره خشت تجري لقت بوها مزال راقد غمضت عيونها وترعش من الخوف

كملت سنة 2011 وليبيا تحرررت

عام 2012

ساره : مروحه من جامعة تعبانة واصله حدي
خليفة : الدكتورة روحت
ساره : ابتسمت
اميمة : لين تقعد دكتورة قبل
خليفة اشقي بروحك دكتورة غصبا عنك وعن كل حد

اميمة : او باه

ساره : خشت لدار غيرت دبشها وتلبس ف توته
         مشت لكوجينة ينعلي ميتة من الجوع
      تسخن ف كاكو وطلعت خبزة تسخن فيها

صالحه : ينعلي غيمت شكلها بتمطر الله يربحك
             خششي لدبش فيسع قبل م تاكلي
ساره  : مشت تجري تخشش في الدبش

كان احمد واقف ف بلكوني داره وشاف ساره
طبعا بلكوني داره يطل ع الحاجر اللي ف مطبخ
بتاع حوش خليفة انتبهت انه حد يبحت فيهاااااا

احمد : واقف ويضحك
ساره : رفعت وجهها وبحتت فيه ابتسمت
احمد : شيرلها
ساره : وجهها انحمر وخشت تجري ب دبش

ع سفرة الغداء

ساره : تاكل
اميمة : قالو دكاترة ياكلو ف شيتات مش ف لحم
خليفة : بحتت ف اميمة العسل اللي يحكي ايش صار في نتيجته
اميمة : وجهها انحمررر وتوترت وكلام خش فبعضه
نتيجة مزال يابابا قالو بيحطو نتيجتين مع بعضهن
خليفة : كذا ياسارة جيبلنا شنطة اميمة نشوفو
اميمة : توا نجيبها نا
خليفة ب غضب : نابيدي قلت سارة
ساره : خافت وصبت تجري مدت شنطة
صالحه : وقت غداء توا ياحاج خلي
خليفة : لقا شهادة ماشاء الله ماشاء الله
4 مواد 😳😳😳😳😳😳😳😳
اميمة : بلعت ريقها
خليفة : جت على مادتين كنتي جبتيهن حتى هن
اميمة : صبت غمتلها
خليفة : ساقطة وتاكل عليك صحة وجه
صالحه: النجاح نجاح العافية 😏
خليفة : ما مخرب طبع ه البنت الا انتي
صالحه : صغيرتي كان ما دلعتها من نبي ندلع
خليفة : حطيلها حد بنت مدمرة وقليلة أدب
صالحه : خلاص ساد عاد نكدت عالبنت غداها
ساره   : غسلت العوايز مسحت يديها وخشت لدار
اميمه : كانت متمدده ف سريرها وساكته
ساره : صبي اقريلك افترضنا انك طحتي ف حفرة
   تبي تقولي لا خلاص طحت معش نبي نطلع ولا
تحاولي انك تطلعي لو حاولتي هتطلعي هيا حبيبتي
صبي اقري بابا يحبك ويبي مصلحتك ويبيك تفوقي
اميمة : قعمزت وبحتت فيها اسكتي كلا منك انتي
ساره منصدمة: انا مني نا
اميمة : اهااا اقعدي كيف سارة خليكي كيف سارة
ساره البنت المؤدبة العاقلة كبيدة بوها ونحنا عيال
الشغاله انتي كل حاجة خلاص مافيش ف الحياة هذ
امفيت انتي هيييه افطني روحك فكيني من حركات
الطيابة ديريهن على بوك مش عليا نا عارفة خبثك
وحقدك فرحانة طبعا لان بابا مايحب الا انتي مادير
يش روحك زعلانة عليا خطيني نا نكرهك تعرفي نكر
ساره : ناضت طلعت من دار كيف وجعها كلام اختها