فاتنةٌ هي اسرت قلب آسر

....

كـشف عن خصرها بحيث انه رفع البلوزرة
ليرى الجرح مما دفع آسر على الإلتفات وهو يـستغفر
مُراد وهو يمسح على الجرح : لازم مستشفى
الغرزة انفكت يبيلها خياطة من اول وجديد
وكيف صار الجرح اصلا
فـاتن بألم ويادوب الكلام يطلع منها : و وش تبون
ليه الكل يس يسأل اههخ
لف آسر على مُراد : لا تخاف احنا مالنا دخل
مُراد : واذا صار شي والله بنروح فيها
استغربت من حوارهم لكن سرعان ما زاد المها وهي تحس
عظمها بيخرج من مكانه : اهخخخخ مو قادرة اتحمللل
آسر : يلا شيلها للمستشفى
كان العرق يتصبب منها نزلت نظرها للكنبة وشافت
انها غرقت بالدم : لاا لا كل شي ولا المستشفى
مُراد بإستغراب : وش فيها ذي وش قصتها
فـاتن : أصيل ومدت جوالها ، دقو عليه يجي ياخذني
سحب آسر الجوال واستغرب ان اصيل بحد ذاته يتصل
الان ومستغرب اكثر من الصدفة
مُراد هز راسه يمين ويسار بمعنى وش بنسوي
دور الجوال بإتجاه مراد ، مُراد : رد رد
فتح الإتصال ورد : ألو السلام عليكم
استغرب اصيل من السلام حقه وان جوال اخته وش يسوي معه
أصيل : فاتن وين
آسر : عندنا بالبيت
فتح عيونه بصدمة واردف بعصبية : وش عندكم بالبيت
ارسل الموقع بسرعه بجي اخذها
آسر ببرود : اي تمام وجيب معك اسعاف
سكت لثواني من استوعب كلامه : إسعاففف ؟؟؟؟
وش سويتو بإختي ، سكر بوجهه ودخل للواتس اب وشاف كثرة الرسايل والاتصالات لكن ما اهتم كثير ودخل على الشات الحاص بأصيل وارسل الموقع وكتب بين قوسين ( إسعاف مو شرطة ) ليدب الشك في قلبه وهو خايف على اخته والفضول بيذبحه ليعرف مين هذول ووش شغل اخته معهم
-

نزل سيجارته للأرض وداس عليها بقوة
وهو يتمنى ان الي شافه وسمعه كله غلط
قرب منه صاحبه وربت على كتفه : ما عليه يا أخوي
المهم ان الشُـرطة مسكته وخلصنا منه الله لا يرده
هُمام وهو يشد على شعره بشدة : كان كان صاححببييي
كان اخووييي كان اقربب من كل الننااس لقلبي وفالاخر ااايشش ؟؟ فالااخر ايشششش اتهمني اني قتلت اخته الي هي حبيبتتيي وحاول يقتلك ويقتلنيي رفع السلاح علييي لو ما جت بالسيارة كنتت ورفع شعره عن وجهه بضيقه ، ما يدري ان الاعمار بيد الله ما يعرفنيي ويعرف طيبتيي سبع سنين وانا معهه كنت كنت معه بكل اوقاتتهه شجعته على اشياء كان يخاف منها قضيت حياتي وانا اساعده واحميه من مخاوفه وفالاخرر انا يحطني بموقف مرعب ويخليني افكر انه بيقتتللننيي ؟؟؟
قرب صاحبه وهو يحضنه : خلاص خلاص اسكت لا تكمل
هُمام وهو يضربه على ظهره ويبكي بألم : انا كنت بخسر حياتي بعد ما خسرته بسبب تفكيره القذر وزن خالته براسه عشان ايشش عشاني ما رضيتت اتزززوجههاا بس عشاننن كذذاااا يطلعوني قاتلل انا يا فهد انا انا بقتلل قدام كل اهل المستشفى والمرضى الي كنت بالنسبة لهم المنقذ الايجابي وش نظرتهم عني الحيين كيف بواججههمم
فهد بعد عنه ورفع يده لتنزل على خد همام كـ صفعة
مع عموم الصمت بأرجاء المكان لمدة عشر ثواني ، قرب منه وهو يمسك اكتافه : بسس خلاصص بتأذي نفسك انت ما سويت شي وكل الناس بتعرف انك بريئ
هُـمام وهو شارد بالعامود ويرفع يده وينزلها على مقعد الحديقة : كيف ؟؟ كيفف اشرحلي تكفىىى كيففف قام ووقف وهو يمسح دموعه من شاف مدير المشفى وإحدى مرضى همام مقبلين عليه