🖤
Blue vs Brown
قارعت للوجع بصح محسيت بوالو
.
_ديلن حبس متفسدلهاش وجها
_اطلقني جلال😡😡 خليني نربيها
فتحت عينيا ببطء هذاك لكان راكز على الحيط وجهو مخبي تحت كاسك تاع الموطو اسمو جلال كان حاكم معصم صاحبو منعو باش يوصلني آخر لحظة والله كون ظروف مغايرة كنت نتشكرو بصح الكلمات لي قالهم منبعد خلاوني نندم على الفكرة
_عجبتني هادي خلوها ليا
بلاما نشوف وجهو حسيتو يتبسم وانا قريب تخنقت من قلة الاكسجين لنقطعلي فجأة ك..كيفاش هادي ؟ واش يقصد؟؟؟ ديلن هز راسو وقام بصح ماشي قبل ما يرفد ميرا معاه وهي تبكي وتقاوم همس فودنها قبل ما يجرها معا اللبنات لخرين ويرجع نانا لغيث..غيث كان راح يسحب ميرا من يدو كون ماشي حبس الدقيقة لي سلاح صرب تبلاصا فوجهو!!!
_رجعولو حبيبة القلب راني داي هادي
حبيت نقوم وراه بصح يد منعنتي ورجعتني فبلاصتي لاصقة فالحيط
_وين بيها قطقوطة مقلقة باش تلحقي صحبتك هه
_شكوووون نتوما واش تبغو منااااا !!!! يا حيوانات يا مجرمين يا...
طرف منديل نحط على انفي ريحتو كالدوا تصرع محسيت بوالو من غير للارض دور بيا فوسط شوفتي المغيمة شفتهم كي حكمو غيث باش ميوصليش رجعت عينيا للبنادم لابس النواغ قدامي
يديه من وجهي طلعو للكاسك تاعو ونحاه ببطء
_تهدري بزاف عمري هذا وين بدينا اللعب
اول وآخر حاجة شفتها وراح تقعدلي فبالي هوما دوك العينين لجامي شفت كيفهم عين وحدة زرقة وعين وحدة بنية؟ بواش خدرني باش رجعت نشوف صوالح عجب دوك العينين الملونين كانت آخر حاجة ترسمت فمخي قبل ما نقفد وعي تماما.
**
صوت عياط صوت غيث وهو يبعد علينا صوت ميرا تبكي.. فراقع تاع سلاح برا وآخر حاجة قدرت نحس بيها هو يدين كي رفدوني من لرض ونحطيت في حاجة كالشاحنة بصح عوض هاد المرة عوض دراع الميسكلي لحسيت بيها فخصري حسيت يد ميرا الرهيفة حدايا تبكي أكيد رانا فشاحنة بصكو بدات تتحرك لهون وبس مقدرتش نزيد نحافظ على وعي مانيش عارفة باش خذرني الكلب.
بعد مانيش عارفة شحال من مدة فقت فبيت فوق سرير كبير اول وهلة عديت كلش صرا منام راني فبيتي الجديدة الحمد الله جيت قايمة من بلاصتي بألم...كيفاش منام وريحة المخذر كانت قوية مازالت تدور فالسيستام حتى عملتلي صداع!! ماشي منام؟؟😨؟ لالالالا منام راني فبيتي الجديدة...
حطيت يدي على راسي بصح كشفت حوليا يدي طاحت فحظني بخلعة
.
ماشي بيتي
.
.
كان فيها بلازما كبير قدامنا منعقلش والديا بالتبني دارولي بلازما فالبيت🙂💔منعقلش كاين رفوف كبار فيهم كتوبة وطابلة تاع بيلياردو و باب وحداخر جريتلو كحسبتو المخرج كان سالدوبان رجعت طحت فوق سرير بخيبة امل كبيرة بدا رعب يتغلل فيا كلش صرا صح وراني مخطوفة صحاباتي واش صرالهم شكون هذوك وين راني وين راااهم؟؟ كنت قاعدة ناكل في روحي ماكلة حتى الباب نتحل ودخل واحد ننسى كلش بصح غي هادوك العينين لنعقل عليهم ابو عينين الملونين عين زرقة وقرفية
.
جلال
.
شعرو نواغ و وجهو مطراسي فظروف اخرى كنت راح نقوم بالواجب ونقول عليه تحفة بصح ماشي هذا موضوعنا وانا واقفة قدام البنادم لعمل سطو مسلح على ليكول تاعي... لخطفني!
_ اخيرا قامت الاميرة النائمة
كي قرب للسرير لكنت قاعدة عليه انا بعدت للاخر نقطة منو
_شكوووون نتا وين ديتني وين راهم صحاباتي وين رانا علاش خطفتونا واش راح دير ب..
_تسقسي بزاف😕
زيرت على يدي وهاد المرة رحتلو بلا تفكير ظربت فصدرو العريض المحجر حتى توجعت انا علاش ليخطفك لازم يكون شباب و داير كالحيط جيبولي واحد فقامتي باش نظربو وانا هانية!!!
_جيبلي دوووك صحاباتي يا مجرم والله نعيشك الويل لخطفتني والله نقتلك و..
حكم معصم تاعي ودورنا حتى لصق ظهري فالحيط
_كون غي زدتلك المخدر باش تقعدي مصروعة يومين وحدخرا
شهقت بصدمة! قعدت يومين وانا فاقدة الوعي؟
هز راسو متبسم رغم الشوك منقدرش منشوفش فعينيه الملونين وحدة كالالماسة زرقة و الزاوجة لون قرفي باهث يا ربي تبسم بخبث كي شافني نبحلق فعينيه كأنو راه معتاد الناس تقعد تشوف فيه هكا..ريا فيقي!!
_متتلمسنيش
صرت نقاوم باش يطلقني بصح مقدرتش نتحرر عوض باش يبعد زاد قرب بما انو طويل زيادة عن اللزوم مال عليا وظحك مستمتع بمقاومتي المثيرة للشفقة
_تقهر كي تكوني نتي الطرف الاظعف ياك؟هههه
كي نفظت يديه باش طلقني راح قعد فوق السرير بكل اريحية وشاف فيا كغريان صغير متحمس
_سو..😊
عملت براسي واااش؟؟
_اسمك🤷؟ بيما انو رانا في فترة الاسئلة خلينا نتعارفو🙂
_نتعارفو؟ ههههه سمعتوه؟ راح حاسبنا فكاش موعد تاع سينيما انا ني حابة نكسر داك الوجه تاعك بيك بصحابك ونخرج منا ونتا تقولي نتعارفو؟ روح ###
ملامحو عملو انقلاب وديك التبسيمة راحت
_عسي اللغة تاعك بنتي منقبلش هاد الالفاظ يخرجو من شفاه كيوت كيما تاوعك
يا لطيف كيفاش النظرة تاعو تتبدل بين دقيقة وختها مزيج اللون فعينيه يرجعها متقلبة كثر كيشاف الرعب في عينيا لحاولت عبثا نخبيها رجع لملامحو الطبيعية
_ الوغ😊نبداو باسمك
_يلا جاوبتك راح تقولي علاش خفطفتني
🖤
#black is myy happy color
هز راسو يعني شي عادل وحدة ليا وحدة ليك خممت لوهلة كون نقولو اسمي الحقيقي راح تكول اكبر غلطة نعملها فحياتي
_ا..اسمي سمارا
عقد حواجبو وشاف فيا مشنف
_متبانش عليك سموك سمارا🤨😕
_دوك جاوبني على الاسئلة تاوعي
_نجاوب على واحد برك دونك خطاري بدقة
تنهدت بعمق وقعدت شحال وانا نخمم
_علاش خطفتني؟
_بصكو شفتك مختالفة على صحاباتك
_مختالفة🤨؟
_نتي الوحيدة لمبكاتش سو عجبتيني.. بغيتك.. ديتك ليا وخلاص هادي هيا حبيبي
حليت فمي بدهشة ماشي علا جال لخطفني بصح السهولة لكان يخرج بيها الهدرة من فمو راه يسمع واش خرج من فمو بغيتك ليا سو خطفتك وشكرا وعفوا كشغل انا طرف شوكولا سخف عليه حبة كرواسون مرمية على جنب؟
_متعيطلش بهاد الكلمة😡ودوووك ترجعني
_اوكي عمري
_ماتعيطليش عمريييي😡
_متعيطيش
برودة اعصابو هي لراهي خالتني نعيط كثر رجعت ندور فالبيت كوحدة مهبولة رحت جريت للباب طبعا مغلق!!
_خرجني منا ولا دوك نبدا نعيط!
_عيطي🤷
ياربي الصبر
_واللبنات لخرين واش راح يصرا بيهم وين راهم ميرا وين راهي
_ديك البكاية؟
_واااه ديك البكاية واش درتو بيها؟؟
هز كتافو بلا مبالات
_راح يقعدو هنا حتى يعطونا والديهم الفدية تاعهم منبعد يرجعو
بانت لمحة الأمل في عينيا يعني فيها امل يرجعونا؟!انا شكون بحط عليا دراهم لا والدين لا اهل لتبناوني مشكيتش يحطو دراهم كبار على طفلة عرفوها فيومين تنهدت بحزن عالاقل صحاباتي راح يسلكو يمكن والديا الجدد يحوسو عليا💔
_علا واش راكي فرحانة نتي تقعدي هنا
_و.واش؟
_اوف...لازم نعاود نهدر يعني؟
يديه بين ركابيه وهو قاعد وشاف فيا بعينو القرفية يعني بنص عين💁 بصح دارلي هاد المرة بشكل كااامل رجعت حتى العين الزرقة تشوف فيا

_نتي ليا مراحش نرجعك حتى ولو جابولي مال الدنيا بوم👊☺️
_خرجني دوك
هادا واش خرج من فمي وانا على حافة اعصابي من كلماتو الباردين
_وانا قلت منا مكاش خرجة ...دوك كوني عاقلة ومتعصبينيش صدقيني فالعادة نشوف دنيا بلزرق وقهوي راح نرجع نشوفها بلحمر🙂
زيرت على يدي حتى حسيت روحي جرحتها بظفاري وقعدت بعيد عليه فوحد الفوتاي فاخر زاوية كان يتوقع نقعد حداه فالسرير تحلم يا عيني تنهد بقلة حيلة وشغل التيليفزيون
_كاش حاجة باغية تتفرجيها
_اني باغية نخرج!
_نقتارح عليك تبداي تخطاري فقائمة الافلام لانو عندك قعدة طويلة عريضة معايا.
ماجاوبتوش ودورت راسي للتيليفيزيون فات على نشرت الاخبار قفزت من بلاصتي
_خليييي!!
_قلنا فيلم🙄
_خلييييي
_بشرط..ربت بيدو حداه فوق سرير خزرت فيه شحال بقهر وقمت من بلاصتي قعدت فالجانب الاخر مزية جا كبيير بيناتنا ميترا ونص.
منعظنتش انا يلا معلابالكيش😑
_رجع دوك
كان عند كلمتو ورجع نشرة الاخبار ظهرت فالشاشة مراسلة صحفية واقفة قدام ليكول تاعنا وراها لابوليس فاتحين تحقيقات مقدرتش يستوعب واش كانت تقول
{..جرا سطو مسلح على مدرسة ++++ بمنطقة+++ اختطفت على اثره ثلاث فتيات ذكرت فالتحقيقات}
حطو صور الثلاثة فالميكرو على جنب
•ميرا""''
•ريا '''''"
•رولا''''''
عظيت شافتي ودورت راسي ليه لقيتو هو ديجا يشوف فيا فجأة كتاشفت اني اغبى بنت فالوجود🤦🤦على وقت الظحكة الطويلة لخرجها شاد كرشو على وجهي لطاح فلرض
_اخيرا دينا شرف معرفت اسمك سمارا..سوري ريا🌚 كنت حاسبك بنت ذكية بصح تاضح ماكيش يديك درجة الذكاء لتخيلتها.
..
A/N__________________________________
Vote if you like it plzzzzzz
ماشي بيزاغ كون نقولكم انو الشخصيات رجعو يكتبو روحهم كل واحد رجع يتحكم فيا انا كي نكتبو دفاك🤦.........أيا بلامت نقعد نسماط بااسؤال راكم عارفين واش تعطوني💁
