.
_ريااااااا
صوت نانا وهي جاية تجري كنت راح نطيح للخلف كون ماشي حافظت على توازني الدقيقة الاخيرة كرمات روحت وعنقتني بقوة ميرا دخلت فالعناق وسطنا ومقدرتش بعدها نفرز صوت البكا تاعي من تاعهم
نانا: رجعنا معا بعض اخيرا!!!!!!😭😭
_رجعناا معا بعض! مكنتش نحلم بهاد النهار يجي🥺
نانا أخيرا بعدت مالعناق بعد ما سمعنا صوت غيث التوتر واظح فعينيه شفنا فكامل فيها
نانا: غيث راح نسألك وجاوبني بوضوح واش عندك خدمت معا هادوك صحيح لشفتو؟؟؟💔
حكمنا كامل نفاسنا ديلن مزال راكز ورايا على باب الاونبيلونص بكسل مستمتع بالمشهد الدرامي
عينين غيث النوازات كانو يشعشعو بتنأيب الظمير مكانش واجد باش نانا نكتاشف الحقيقة هكدا مكنتش كامل واجدين باش نكتاشفو انو نانا كانت جزء مالحقيقة في شحال من يوم وهي فبيت وحدها تحت لرض
_غيثثثثثث!!!! اتكلم قووووول كاااااش حاجة بررلي المنظر تاع بالسلاح فوسط جماعة مجرمين
تكلم ديلن ورايا: ايه غيث كيفاش خاتم قلبك تخطف بنات وتبيعهم يا حيوان افرقي عليه مايتاهلش
انا وغيث وميرا شفنا فديلن بنظرة تخوف شاف فينا وبلع فمو عمل حركة بيدو "غلق شفاهو بمفتاح ورماه وراه"
_اوكي خلاص سكت
همست بعصبي؛ صدقني كون بصح كان يتغلق بمفتاح انت الاولى نغلقهولك...طلع بصح عندك طرف صابون ماشي قلب ظربت لصدرو وهو حط يدو على بلاصة الظربة يمثل الوجع
_تظربي ولد الظابط متخافيش تباتي فاحبوسات؟؟فوق ما خطفتيني
قلبت عينيا منو طول الوقت نانا
كانت تبكي مسمعتش كلمة ماي قلناها
غيث: نانا الله يحفظك سمعيني عملت كلش فوسعي باش متنجروش الوضع باش نحميك نتي والبنات
ديلن: غيث بي لايك اني ورطتك...اني سلكتك🙄 برو فهم بروحك نتا Bad Guy ولا ناس ملاح فالحكاية خلطت البنت مسكينة
هادي كانت آخر مرة تحدير ظربت الرخيص بمرفقي حط يدو على كرشو بألم
غيث تجاهل كلش وحاول يقرب لنانا بحص هي هزت راسها
_عندو الحق غيث طلعت بصح منعرفكش غيث لبغيتو كان الولد لتربى معايا فالميتم مش لي يتاجر باممنوعات ويدور بطونبيل تاع ملاير جاااااااب دراهمها ماابيعة تاااااع صحاااااااابوووووو.......نحات سلسلة الفضة تاعها من عزفنا لي جابهالها كادو العام ليفات ورماتها فوجهو
نسا كاين وحدة اسمها نانا.......كملناااااا.
فمي نتحل انا وميرا وحنا نشوفو فيها تبعد علينا غيث رفد السلسلة ملرض نزيد شوية نحسبو كان رايحة يرفد قلبو لي طاح معاها حط يدو على وجهو دعكو بعنف منبعد دخلو فشعرو وشاف فيا
_واش نتي تاني باغية تنهي علاقتك معايا 💔؟
قلبي تكسر من ن نبرة صوتو
_نستهل كانت باينة مراحش ترمي روحا فالاحظان وتظحك
شفت يدو لحطها من شعرو كانت محروقة بشكل رهيب مشكيتش تكون حرق درجة ثانية
_يدك راهي محرووووووقة!!!!!!
شاف فيدو وكانو أخيرا ستوعبت الألم تاعها ظحك بسخرية وظرب فصدرو
_هناا راني محروق ريا هناااا خصني هاد الحرق راه داخل يطفى
عينيا دمعو ومعرفتش واش نقول من غير نظمو لصدري بعد مدة بعدت شوية وهو حط راسو
_معليش تخليني وحدي
هزيت راسي بسكات وعملت واش طلب مني
🖤
رجعت لميرا لكانت بنفس حالتي منقهرة على جماعتنا ظميتها ليا
_نصبرو حتى تهدى الاوضاع ونرجعو نتلمو مالجديد انا نتي رولا و...نظرة الرعب بشوية ترسمت على وجهي انا وميرا ديلن كشاف ملامحنا ستقام فالوقفة تاعو كلو سيريو دوك
جريت لرجال الامن دخلت فوسطهم ورحت عند الظابط((بابا ديلن حبيبنا🌚 لكان واقف تما يعيط بغل على جرالو لي حكمو بضعة مجرمين محاافهمش الزهر باش يهربو واحد منهم لكان معا صرب بغا يشري ميرا قرفت حتى من شوفتو
_رولااااااا صحبتي شعرها عسلي قصير عينيها قرفيين فعمري لقيتوها!!؟
شاف فلاليست التقرير لي فيدو منبعد فليزوبيلنوص ورانا
_رجالنا جبدو أخر واحد ماللقاعة دوك مكانش بنت بمواصفاتها
حسيت لرض لعبت بيا الظابط قعد يقرا الفملامح تاوعي بصح انا تجاهلتو وشفت فالقاعة رجليا لا أراديا قادوني للداخل سمعت صوت غيث عيطلي مالغاد ماجاوبتوش كملت للقدام بصح يدو نشعتني للورا وجبدني لصدرو
_طلقنييي رولااااا🥺🥺😢😢
زاد ظمني مليح مليح وهمس بلاما يسمعنا الظابط و البقية حداه
_لابوليس مراحش تقدر تساعدنا صرب مكانش راح يطلقها بصح وعد نرجعوها.
مازلت ماشي مأمنة سلكنا بصح ناقصين وحدة بعد اجراءات التحقيقات كنا أخيرا احرار من كلش تحررت من قبضة جلال بصح علاش آخر منظر ليه وهو طايح فلرض حسيتو خطأ حسيتو يوجع...فكرت انو مراحش نقدر نرجع نشوف دوك العينين الملونين وجعتني كثر ملي خليتو يتوجع رغم انو يستاهل. دورت راسي لميرا لي كانت حاظنة مدام رؤيا هذا واش عنا مالعايلة مدام رؤيا او بعظنا💔
_رياااا
صوت مألوف عيطلي مابين كامل ديك الظجة و الصحافة
.
والديا بالتبني
.
ظحكت بلاما نصدق كي فتحتلي صفاء يديها جريت عندها بسرعة وعنقتها عنقتهم فزووووووج اول حظن حنين ودافي بعد حرب باردة وموجعة. آخر نظرة رميتها ورايا وسمحت لوالديا الجدد باش يقودوني للطونوبيل بعيد منا...لحياة جديدة.
.
#taken
.
.
__________________________
سو باقي نتلاقاو فالجزء الثاني تاع حكاية تيكن.
Taken 2
سامحوني على روطار مكنتش.
.
.
رايكم فالحاظر و الجاي🖤
.
احكولي اجمل لقطة عندكم فالحكاية
.
.
.
#black_always_shows _it_better
..
