🖤Black always shows it better ;)
_
قلت منحطتش تصاور بصكو فيها تحواس وتعب نخليكم تتخيلو البلاصة كيما بغيتو بصح طلبتو مني نحطلكم سو..
ديلن
_قووووم يالخرا مكاش واحد فيكم قادر يستحمل زوج ظربات
الصباح طلع..القاعة تعمرت..وانا كنت نعيط على واحد مالجماعة كان يتريني معايا الولد مكان مدخلو بصح انا كنت معصب وحتاجيت نخرج غلي
.
كنت معصب من روحي
.
صرب كان فالجيهة الاخرى يهدر معا جلال بعدها بشوية نظم ليهم غيث و لافانت
.
غيث!!سبب رئيسي فوجع ميرا مزال منسيتش نظرتها ليه
.
عيطت من بلاصتي
"مكاااااش واحد قد اللعب؟؟ غيث صاحبي ارواح نتا تحصيلها شافو كامل فيا تبادلو بظعت كلمات نحى تريكوه وجا من جيهتي
_واش بيك مالصباح عاقد عل..
وجهتلو بوكس لوجهو تفاداه بسرعة خيالية
غيث: واش بيه ### جدك باغي تعميلي عين؟؟
قلبت عينيا
_ سوري سوري راني متحمس ايا العب وبلع فم.. الكلب خلفلي البوكس حتى قبل ما نكمل الجملة ورجعتلو انا واحد شد فكو يضحك
_راني عارف علاش راك معصب بصح متخافش تقعد
فوسط كلامو عملتلو حركة ثثبيت ركبتي فوق كرشو ومرفقي على رقبتو يديه قعدو حرين لوالي دراعي وقلبنا رجع هو ثبثني..وكمل واش بدا بصح بصوت سيريو
..... تقعد بيناتنا!
~
#ميرا
دخل ديلن للبيت كنت قاعدة نشوف فليCD تاع فيديو غايمز لي جامعهم عندو حزمة كبيرة يقدر يحل بيها حانوت😶ما تبقى مالبيت كان كي عقلو مخلطة شعبان داخل فرمضان تبسمت ولمعت فراسي فكرة اي حاجة باش نشوف تبسيمتو...مانيش عارفة وين راح بصح ني متأكدة ليلة كاملة مرجعش
سمعت الباب نتحل أخيرا دورت راسي شفتو دخل بشورت يعوم فالعرق شعرو مبلول زروقة تحت عينو
رحت نجري وحكمت وجهو بين يديا
_مالها عيينك!!
_تدريب
_متأكد ماشي شعلتها معا كاش واحد علاجال داك السم!! لازم نعالجلك عينك!
_هي الحاجة الوحيدة لي تقدر تهديلي الوجع تاعي بصح بدلتها بحاجة اكثر فعالة..
_ب..بواش!!!
فالعادة ميبغينيش نسأل بزاف
كنت حاسبة راح يبعد يديا بصح مبعدهمش عوض داك الشي حكم خصري وقربني ليه دورنا سو رجع ظهري مقابل الباب جبدني لصدرو ودخل نيفو فشعري ستنشق كمية كبيرة تاع اكسجين وهمس
_بيك نتيا
الهدرة تلفتلي لساني بلعتو معرفتش واش نقول تبسيمتو وساعت على ملامحي كان يظحك عليا طبعا رجعت حبة طوماطيش بشعر صفر و..واش قصدو؟؟ تبسيمتو راحت كي شاف فالبيت باينة نخلع مالترتيب الاحترافي حتى السيدي تاع جو ستفتهم على حساب الأبجدية تبسمت بفخر بصح كي سمعت لافوا حبست
ديلن: واش عملتي!!😦
_البيت راهي تشعل شعيل دوك خير من داك الفوضى و الجبال تاع الالعاب و الحوايج
_وشكووون قالك كانت فوضى هذاك ترتيب تاعي!!
راح الخزنة تاع سيدي وجبد كلش راح لحوايج المستفين خليهم وأخيرا فات على الزداج تاع البلازمت لمسحتو ورجعتو كالمرايا عينيا وساعو
_ديلن اياك!!
تبسمت بشيطانية وحط صبعو على لسانو منعد مسحو على الزداااج كامل
لالالالااااااا هنا متفراااااش لاااا
اول حاجة جات قدامي وحدة مالوسادات لرماهم فلرض كان يتبمسم بفخر يشوف فالفوضى لي رجعت كيما كانت
_هكدا راهي تشعل شعيل👏👌
_وااااش!!!! قعدت ثلث سوايع وانا نظف فيها علاااااش عملت هكاااا يا فوظوي يا همجي !!
_مش انا فوظوي نتي مرتبة بزاف دي انوثة بعيد علياااااا
مانيش رفيقتك فالبيت هادي بيتي
_بصح تعبي
_ديريه معا شوية خبز وكوووليه
كنا نعيطو على بعض كزوج دراري صغار بصح مهمنيش ظربت رجلي فلرض تلمست حاجةوسادة!!...راحت ديراكت لوجهو حكمها ورجع ظربني بيها ظربتو حتى وهو يتمسخر توجع
_وجعتك!؟
فالعادة كان راح يقول تستاهلي بصح سؤال صراحة خلعني ماجاوبتوش بصح راح نعطيه الانتقام ليستاهلو رفدت واحد مالCD
عينيه الخظورة وساعو
_ميرا!
يقولي ميرا غي كي يكون سيريو هادي حاجة نأكدهالكم
تبسمت ببراءة هذا آخر شي مقارنة معا واش عانيت منو ملي حط يدو عليا فليسي بظفاري صوت الخريط على السيدي لي كان يلمع لمعان حسيت كأنو كنت نصر بظفري على قلبو الوليد توجع منيتو🙁
_بداي تهربي
زوج كلمات خرجو هاديين من فمو
ملقيتش وين نهرب من غير سالدوبان بسرعة البرق سمعتو كجرا ورايا
راه منيتو راح يعملي حاجة!! حصرني فالزاوية تاع الدوش حط يديه على حيط اليمين واليسار بصح تفاجاة كي شفتو يتبسم !؟
_راكي قبيحة أولا خسرتيلي الأبجدية تاعي البيت وزدتي مديتي يدك عليا لازم نعاقبك
عصرت عينيا بقوة نقارع لكاش ظربة توجع
_فازي ظربني راني واجدة أصلا راني موالفة
عوض الألم حسيت بلمسة ناعمة هادية على خدي منبعد تحت دقني طلعني ليه نظرتو كانت معمرة كلام
_موالفة اد...م يمد يدو عليك؟
_كون غي أدم
ظحكت بسخرية باباه لمصدر الرئيسية العنف فديك العائلة من غير يماهم الانسان الوحيد لكن عليا فحياتي
عينيه ظلامو
_مازلتي مشبهتني بيه☹️؟
يا ربي🥺مكنتش عارفة هاد الكومنت راح يخلي أثر عندو صح فزوج عدوانيين بصح ديلن مختالف نشوف الحقد في عينيه للعالم كأنو كأس مكسور وليحاول يلمسو يجرحو و مش الغلطة تاعو يلا يجرح لي سحكمو لانو الغلطة تاع لي كسروه. أدم مالجيهة الاخرى الغلطة الوحيدة هي الدلال الزايدة وكلش يحبو يجيه هو ببساطة شرير مكاش قصة خليفة او سبب ببساطة انسان ماشي مليح ويحب بنفسو اكثر من غيرو ديلن لا
2))كون لقا شكون يصلحو يرجع انسان مليح راني واثقة من هاد الشي وطبعا راح يصدني لانك منطقتي كيراح تتعافر معا قطع زداج راح تنجرح بصح فالاخير راح تلمهم والجروح تلتائم بالوقت
_متشوفيش فيا هكا !!
_واش من نظرة 🙁
_راكي ترجعي تعملي فيها
عظيت شافتي
_متعظيش شافتك
قالها لي بلهجة آمرة وبكل جدية واش بيه؟؟
فجاة الما بارد رشني من راسي رجليا موجة برودة غرقتنا فزوج عيطت بشهقةمعرفت من الخلعة تاع الما او الخلعة تاع جسدو لبدا يبرق بقطرات الما كي صورة تاع مجلة الافلام.
ديلن: كان لازم عليا نبرد الحاجة لشعلتيها دوك
طلع وجهي ليه عينيه شافو فشعري المبلول لي لصق فوجهي دوك حوايجي (تريكوه لي بين كلش من فوقي واخيراشاف فشفاهي يديا عصرو التريكو فوقي راح يعملها😦 بصح كأنو سترجع لقطة فراسو كي بعد وجهو من وجهي فجأة وتكلم بصوتو عادي
_...راح تخرجي تخليني نحي حوايجي ولا تقعدي تشاركيني دوش.....مراحش نمانع ع فكرة🌚
مظيعتش دقيقة باش خرجت نجري مالسالدوبان.
.
واحد منحرف اخخخ
#جلال
دخلت للبيت بعد نهار طويل اخيييييرا كنت مقلق باش نشوف البنت ام شعر اسود وعينين حادة كانت قاعدة فوق الفراش نمسح فعينيها ..كيوت
_صبااحو يا بومة الرقاد
قلبت عينينا عليا وتبمست
.
تبسمت!! شفتوها؟ تبسمتلي❤️
_وانا عندي حاجة نديرها من غيرو هنا؟
_ايه عندك
_واش؟
_بما انو الكل راه فموود شباب اليوم راح نخليك تجربي مغامرة عمرك ماحلمتي بيها فحياتك
#ريا
اول ما فتحت عينيا تفكرت واش صرا البارح حظنو ليا محاولتو باش يهديني بورطابو محبش يحبس مليميساج بصح تجاهلو قعد معايا حتى رجعت رقدت..لوكان جلال كان جلال آخر على هذا يمكن كنت نحبو ولا راني نحبو؟؟
مسحت عينيا بعنف
فطني ريااااااا فطني ..بصح وعدني باش ميدورش بنانا يمكن نعيطه فرصة باش نقدر نجبدو ليا؟ يعني متقدرش تتعامل معا انسان عنيف بالعنف! راح تخسر🙁 هاد الشي تعلمتو بالطريقة الصعبة دخل..دوك
قولولي. اش هاد المغامرة لي راح يحكيلي عليها! راح الخزانة وحيد فاليز وبدا يحط صوالحنا (صوالحو لي راني مستعمرتهم
قلبي مش مرتاح!! راح يديني لآخر الدنيا راح يهربني للقطب الشمالي راح يبيعني اوكي ماشي أنا لخرين راح يديني يعدبني راح يديني الكلاب برا راح يعلقني فالغابة محاوطة الدار و...و... .
~~~
