🖤
It's simple..you complete me.
#ديلن
مدة فاتت على ديك لحادثة وانا منقدرش نرقد بلاما جيني هدرتها فراسي
"باش مترجعش كيما أدم
رغم الغضب ديك الدقيقة كنت مدهوش كنت مخلوع كنت مستغرب علاش راهي تهتم لامري كانت اول مرة واحد يوقف فوجهي على جال لادروغ او اي حاجة مش مليحة تعلمتها معا وقت لبنت ركبتلي خالوطة كبيرة فراسي خلاتني عاجز على التفكير كي نقعد نشوف فيا وهي حاظنة وسادة فوق السرير وقاعدة تتفرج كدراري صغار للتيليفيزيون يجيني شعور باش نقعد نتفرج فيها هي مازلت متصارع معا نفسي من ديك الليلة اول مرة في حياتي نخاف على بنادم لهاد الطريقة
عينينا فجأة شافو فيا
_واش بيك؟ كاين حاجة على وجهي؟
_امم..نن
_راك تتوجع
زمت شافتها .بحزن
شفتووو راهي تعملي فيها مجديد! باغيتني تأمنو بصح راهي خايفة عليا شافت فيدي لقعدت ترجف حكيت يدي الزاوجة عليها قامت من بلاصتها فجأة و وقفت قدامي بحكم فارق الطول بيناتنا هبطت راسي ليها نستنا واش باغية دير
حكمت يدي فيديها الصغار
_مازلت تتوجع من نقص ديك الحية☹️بصح حاجة مليحة مي حبستها 😊
_كليتي؟
قاطعت كلاهما بسؤال يمكن لاني معرفتش واش نرد
_نن مكليتش
تنهدت وشديت يدها لكانت ديجا فيدي خرجت الكولواغ هي ورايا مشي فاهمة حاجة وقفنا فالكوزينة وينما كانو غيث لافانت و باقي الاولاد قعدت بعيد مظيعتش اللقطة كي شافت غيث حبست عينيها دمعو وانا قلبي الله ينعلو عمل ظربة عكس التيار حطيت قدامها طبسي معمر شافت فيه بصمت
لافانت: واش أخيرا ديسيديت جيب لكيوتي عنا
نظرتو ليها بالاخص زعجتني قبل ماينطق غيث حداه سبقتو
_لافانت لها فروحك
صوتي خرج شوية حاد بلاما نقصد خلا الكل يشوفو فيا متعجب حتى انا معاهم رفدت الطبسي ويد ميرا
_راح ناكلو فالبيت
كملت وانا قاعد غي نشوف فيها
_مراحش تاكل
_مانيش جيعان
_ديلن
رموشها الذهبيين شافو فيا بحشمة ووجها أبيض رجع غوز
_شكرا
تبسمت نص ابتسامة كي فهمت قصدها علابالي معا صدمة غيث مراحش تقدر تاكل تما وانا معا نظراتهم ليها مكنتش نقدر ناكل تاني.
ميرا:حكيلي على روحك
_واش؟
كان قعدت حدايا فلرض وظمت رجليها لصدرها
ميرا: انا حكيتلك ونتا متحكيش يمكن حالة العصبية والقلق تاع الادمان يروحو كي تخرج
ميرا: اممم مثلا لونك المفضل😊
_مم مش عارف مكاش لون محدد ونتي
_اخضر💚
طلعت حاجب
_اخضر؟ ماشي غوز ودوك خرابيط تاع اللبنات؟ اخضر تاع طبيعة وطرزان وموغلي و
هزت راسها وظحكت بعمق
ظحكة خلاني نتبسم
_عندك والدين؟سالت بكل حماس بمجرد تفكرت الماضي تاعي تبسيمتي ذابت
_واه
حلت فمها وشبطت فدراعي لمستها الناعمة عليه عملتلي بزاف صوالح
حلت فمها وشبطت فدراعي لمستها الناعمة عليه عملتلي بزاف صوالح داخل وهي ماشي حتى فايقة لثأثيرها علي
دوك هادي بنادم؟
.
ثأثيرها عليا فكرة راح تكلفني بزاف صوالح
_دييييلن عندك والدين ودار وعايلة و..واش راك تعمل هنا!!
_هربت مالدار كي كان عندي 14 عام
_تقدري تقولي والديا ميتعاشروش🙄
_كيما لي طحت فيهم انا؟
يدي تزيرت كي تفكرت أدم
_ايه...كي باباك يكون واحد مختل يربطك فكورسي حتى للصباح لانو علاماتك فالقراية هطبت بالسيف تهرب
_هذا سباب علامات لي على يديك
شفت فيها متعجب هاد البنت نظرتها قاطعة حطت يدها عليها تبع للاطراس تاع سيكاتريس لمستها عدبتني نشعت يدي عندي
_هذاك اللحن لي تعزيه مين تعلمتيه
اني متأكد سمعتو فكاش جيهة
_مش عاقلة كنت صغير قبل ما نحي للميتم وكان فراسي ديما يخليني نحس بالهدوء
_معليش ترجعي تغنيهولي
شافت فيا بدهشة وهزت راسها
كيما كنت قاعد رقدت فحظنها يدها مسحت على شعري
شحال مرقدتش في حظن بهاد الدفا؟
مقدرتش نقاوم عينيا لي ثقالو صوتها الهادي لي قعد يغني عند ودني.
فطنت بعد مدة مش عارف شحال بنفس الوضعية
يدها مزالت على شعري بصح عينيها مغلوقين قمت ببطء وحملتهللسرير كي حطيتها نقلبت للجيهة اخرى وعانقت المخدة وفجأة تمنيت انا نكون مخدة🙂💔!!
مراهش عاجبني هاد الشعور راني خايفة منو مالازمش نحس بيه. يدي بعدت شعرها رغم انها كانت راقدة علامات الحزن باينة على وجها الشي لخلاني نحس بال..
.
شييييت هير وي غو اغييين
