48🖤
Evanescence_my last breath🎧
.
من تكون ومن تحتاج أن تكون لتنجو شئان مختلفان عزيزي.
🖤
وحدة مالسجائر شعلت النار فالستائر رجع الاكسجين اكثر حاجة عزيزة فحياتي دوك
حاوطني جلال بالجسد تاعو وانا تحت فوق لرض صوت رصاص مزال يطرش عض شافتو بقهر وانا نشوف فيه حماني من رصاصة؟
فكل ديك الخالوطة لقطنا صرب جلال تبسم بحقد ورفع سلاحو وطلعو جيهة صرب رغم انو دراعو كانت مجروحة
صرب عينيه وساعو :جلال متهبلش😡تتكلم رصاصة فيا نخليهم يحطو رصاصة فراس نانا
_ميهمش نتا امرت لافانت باش يقتل ريا اليوم ميت ميت
انا ستغليت فرصة باش نسليت من تحتو ونهرب بصح اخر جزء قتلو صرب خلا عقلي يحبس تعثرت على حاجة وطحت . لمعت قطعة المعدن تحت رجلي سلاح ظحكت ماشي مصدقة لمعجزة لي عرقلتني حكمتو وانا نمسح فالدموع من عينيا بداو يحرقو حريق مالدخان
_جلاااال ايااااكي قتلو راح يآذي نانااااا راحي تحت قبضة رجالو 😢😢
_ميهمنيش
كان مزال عاطيني بالظهر بصح كي دار وشاف فيا كي هو كي صرب بحلقو فيا بعينيه مصدومين رفعت السلاح لراسي
_تصرا حاجة لنانا تقتل روحي قدامك
جلال: ريا متهبلييييش حطي سلاح من راسك
_راح نعملها صدقني معندي حتى حاجة نخسرها
ملامحو رسمو علامات الرعب وطلع يديه فالسما أخيرا باستسلام صرب هز راسو ماشي مصدق
_تهبط سلاحك على جالها😕!!
جلال: مراحش تيري عليا الحاجة لنبغيها فيك انو قلبك بيض
صرب: نشوفو يلا قلبها يقعد بيض مين تعرف انو عندها واش تخسر
_و..واش تقصد!؟
_مثلا والديك الجدد لي دفعو ظعف الفدية وجلال مقبلش يرجعك
ظحكت بسخرية وسط دموعي والديا لتبناوني دفعو الفدية؟! كنت قادرة نكون فدار معا عائلة دوك مش فوسط عصابات كنت قادرة نكون فحظن والديا الجدد مش بين موت والحيا
شفت فجلال لي حواجبو طلعو من نظرة الي كانت عليا
_كدبت عليا💔؟ قتلي مدفعوش! وعدتني ماتدورش بنانا وخطفتها وعدتني جلاااال
طلعت السلاح فوجهو هاد المرة الصدمة على ملامحو هو وصرب فاتت التخيلات
جلال: ر..يا حطي السلاح اهداي
كدب كدبة ورا ختها الألم لي عيشهولي الدموع لكنت نشوفهم فعينين صحاباتي منظر نانا وهي بديك الحالة فرصتي باش نكون بين عائلة كلووو ظاع بسبابك
عند اول خطوة
_متقربششش
يدي بدقيقة رجفة وادرينالين ظغطت الزناد وخرجت رصاصة اول حاجة شفتها هوما دوك العينين الملونين لي وساعو شاف فيا شحال
صرب: جلااااال
حسيت قلبي نقزني سلاح طاح من يدي فنفس الوقت لي بقعة حمرا كبيرة بانت فالتريكو الابيض تحت الفاست وجسد تاعو طاح فلرض
.
انا😦واش عملت؟؟؟😦😦
يدين جبدوني من جمودي وسحبوني لبرا آخر حاجة شفتها فوسط الدخان صرب وهو يهبط للجسد تاع جلال فلرض طايح بلا حراك
.
🖤
.
Freedom
.
ظربني هوا النقي كموجة قوية كي سحبوني من داخل للقاعة ونيرانها
كل لي خرج طايح فلرض يرجع في نفاسو كيفي غيث كان معا نانا فومبيلونص حاطينلهم اوكسيجين حوست على ميرا شفت ديلن واقف عند راسها هي فحظنو يفطن فيها حليت فمي باش ننطق لظابط لخرجني دوك بصح شفاهي قعدو محلولين وكلمة مخرجتش وانا نشوف في ديلن كي قال للمسعف يعطي ماسك الاكسجين لجابوهولو لميرا أولا
جريت لميرا الوقت لي حطو سلاسل فيدين ديلن بصح هو موخرش عينيه عليها رغم هاد الشي صحبتي المصفارة واش عملت؟؟ نحات ماسك تاع الاكسجين بعينيها الزرقين كالسما تاع الصباح وهي تشوف فيهم يحطو السلاسل على يديه لانو مشتبه
_وين راكم داايييينو!!!
فمي نتحل بليز قولولي ماراهيش دافع عليه
_ميرا واش راكي تقولي؟؟ رجعني الماسك حمبوك😑🤦
_لاء م..
متخيلتش عينيا يزيدو يوساعو كثر حتى قريب ظوات الظلمة لمحاوطتنا كثر م اللظواء الحمرا و الزرقة تاع طونوبيلات لجاة بيها لابوليس وهي تشوف من جيهة مخرج القاعة دورنا كامل ريسانا وشفنا وين ما كانت تشوف مصدومة
فلي جابوه مكبلينو
ديلن كانت عندو نفس الرياكسيون وتبسم بسخرية
_واااو شكون قال الولد لعطيتو طريحة فالمول يطلع واحد م لحباب ههههه
ظابط: ادددددددم!!!!! واش راك تعمل هنااااااا؟؟؟؟؟
رجعنا دورنا رؤوسنا كامل الظابط لي سحبني مالداخل فمي انا زاد طاح من بلاصتو هاد المرة حسيت بيد ميرا تتشبت في تريكو تاعي ولد ظابط كانت تماك الداخل يشري فالممنوعات ميرا اول حاجة عملتها عيطت برعب وخبات وجها شفنا كامل فيها حتى أدم لي مقدرش يمنع تبسيمة خرجت من فمو
_ميرا؟ ههههه نتي ميرا
طلعت راسي لديلن ليكان مفيكيسي عينيه فالظابط رجع شاف فميرا منبعد فالظابط بكره غير طبيعي نفس شي عملو لآخر قعدو يبحلقو في بعضاهم حتى لنطق كلمة أدم وشاف رياكسيون تاع ميرا حاجة تكليكات فراسو
ديلن: ميرا هذا هو أدم حبيبنا؟؟
هزت راسها بخوف انا شفت فيه بكره وديلن رجع دور وجهو لآدم بابتسامة تخوف
_اه تسما نتا هذاك أدم! الدنيا شحال صغيرة هههه متشرفين
معا آخر كلمة رفع رجلو باش يظرب أدم على صدرو بعنف ويظربو بركلة مرتين ثلث مرات قبل ما يدخلو رجال الأمن ويحكموه عليه صراحة نعرفو انسان عنيف بصح باش نشوفو يهبل لهاد الدرجة على جال ميرا مقدرش نمنع الفرحة الصغيرة لي تغلغلت في قلبي.
_بعدووووووونيييييييي😡😡😡😡
تكلمت بلاما نخمم على قدمت راني باغياتو ياكلو ماكلة بصح هاد الشي ماشي لصالحو دوك
_واش راك دير باغي الحبسسسس!!! هذا ولدووووو حبس
ديلن حبس على كلامي وشاف فالظابط ملامح الألم لمعو فعينيه كأنو عملت pause للوقت نظرة لي كانت فعينيه ميراصفش
تبسم مزال يشوف فالظابط
_متخافيش مراحش يدخل ولدو الاول للحبس🌚
هاد الخبر كان كافي باش يهبط علينا كالصاعقة انا ميرا أدم لكان طايح فلرض الرجال لي حاكمينو إلا الظابط لي قعد وجهو جامد...اكبر همو كان الناس لمحاوطينا سمعو بفظيحة....ولادو☹️
~~
حطيت يدي على راسي وانا نشوف في ديلن قدامنا راكز على باب الامبيلونص
_واش بيك شنوفتي سر سعادتي كي حاسبة معنديش والدين؟ باينة مربحونيش معا قابسة تاع حلوى🌚
_صراحة كون قالولي هاك مننخلعش قدمت راني مخلوعة في كونك ولد ظابط من بين كامل الناس نتا و.. وشفت فآدم فطونوبيل تاع باباه النواغ....وهذاك😕
_سو...؟
_سو...؟ حاسب كونك ولد ظابط راح تقدر دير واش تبغي حتى ولو كان سامحتك بصكو سلكت ميرا بصح ماشي سبب كافي مش عارفة علاش معلمتش عليك لانك نتا كنت سبب فخطفي انا وميرا فالمقام الاول
_مالا روحي ديكلاري شكون راه شادك؟
ميرا: خلااااااص نتوما زوج مراكمش تشوفو حالتنا كي راهي
انا/ديلن: هي بدات/هو بدا
شفنا فبعض خرجتلو لساني
ديلن دقق نظرتو فيا كولد عندو خمس سنين متشاحن معا بنت الجوارين هكدا كان منظرنا🙄
ميرا: المهم خرجنا احياء من تماك حبسو مشاحنتكم تعيشو مانيش قادرة نزيد نستحمل
ديلن رجع نظرو لنانا عينيه شافو فيها بنظرة تعاطف وانا حسيت موجة تع ذنب خنقتني للقاع
.
مانظنش كامل خرجنا احياء من تما💔 مش عارفة كيفاش طاوعني قلبي انا اسوء بنادم فالعالم شفت فالباب تاع القاعة الكبير ورجال الاطفاء محاوطينو يطفو فالنار قلبي زاد ظرب بقوة نزلت من حافة الامبيلونص لكنت قاعدة عليها وعتبت خطواي للقدام
.
حاجة فيا كلاتني ماكلة باش نرجع☹️😢..؟؟
