∆∆
#ريا
نص الليل اليوم كنا ثلث ايام كنت راقدة حدا ميرا ورولا فوق سرير واحد الاولاد راحو لغرفتين لخرين مش عارفة اي معجزة صرات وجلال خلاني رقدت معاهم...يمكن لانو غدوا اليوم الموعدو لراح يفرقونا فيه..حسيت بالعجز ماشي أنا ريا كون منتحداش خوفي جلال مالازمش يحسسني اني ظعيفة قدامو هذا هو البليزير تاعو كي يعرف انو هو لي فيدو القوة هو ليتحكم بالامور من الدقيقة لرجع يشوف الخوف فعينيا نظرة الرضا مفارقاتوش ماشي ريا لي تنكسر!!! اول خطوة لازم نواجه خوفي.
نحيت حوايجي وحليت الباب ببطء طلعت بسرعة البرق لسطح اليخت وشفت فالما كان هادي مواج هادئة سما معمرة نجوم...مكان حتى واحد لميت شعري وهبطت فالدروج الصغير مساحة صغيرة منبعد الما قعدت وغطست رجليا ببطء الشعور تاع الهوا بارد معا الملوحة تاع البحر كانت احسن حاجة صراتلي من ايام شحال وانا قاعدة نخمم سمعتهم
يهدرو غدوا هو يوم المزاد قلبي رجع يخبط لازم غيث يخف ولا مانيش باغية نتخيل واش راح يصرا في صحاباتي والبنات لخرين. خرجت رجليا مالما وطلعت فالدروج
_شيت! واش راكي ديري هنا؟
.
جمدت
.
كلش جمد فيا
🖤
كلش جمد فيا من صوت ديلن كان تماك واقف قدامي لابس تريكو نواغ وشورت بيض وبالحفى كان قايم مالرقاد اخخخخخ من زهرك طلقت شعري بسرعة ع الأقل يغطي حاجة وزوج كنت حاسبة راح يجرب يعمل حاجة بصح معنا والو بالعكس تماما😕 حوايجي نسيتهم التحت بقرة بقرررة
عينيه مشافوش فيا
تنهد بقلة صبر
_اووف بحق رب السماوات برووو
نحى تريكوه من فوق راسو بحركة وحدة ورماه فوق راسي..وات؟
_مش المفروض تحاول تعمل حاجة وانا نعيط ويجي جلال يكسرلك راسك؟
لبست تريكوه وانا نهدر كي هطبتو فوق جسمي أخيرا
_متديهاش فروحك بزاف
_بيزاغ كنت باغية جلال يكسرلك راسك
شاف فيا وظحك مش بسخرية بصح ظحكة مكتومة
_علابالي نبانلك رخيص...بصح ..بعد عينيه مني ورجعهم للبحر ..مانيش رخيص لديك الدرجة جلال صاحبي ونتي البنت ليبغيها
عينيا وساعو على آخر معلومة ج..جلال يبغيني؟ عمرو ما قالهالي؟! كيفاش هادي يبغيني
_واش؟ مصدومة؟ كنتي حاسبة عايشين بطرف صابون الداخل؟ معناش قلوب؟😑
_طبعا يا ابو الاحاسيس والقلوب شحال من بنت خلاك قلبك تغتاصبها وتبيعها؟؟
قلب عينيه وهز راسو
_حتى حد ما زاد مش مليح يا اما الدنيا خرجتلو ### او والديه خرجولو اسوء مالدنيا
_اوكي انا كبرت بلا والدين نتا واش هو المبرر تاعك؟
_فزوج🌚..حمدي ربك كبرتي بلا والدين
_وشا تقصد واش عملو وا...
_تصبحي بخير
خلاني ومشا يديه فجيوبو.
∆∆
رجعنا للغرف لي كنا محبوسين فيهم ع الأقل هوما انا جابني جلال لقاعة التدريب الكبيرة.
يمكن تكون آخر ليلة لخرين بصح انا جلال وضح وعاود مراحش نكحل على الهربة ومراح يخلي حتى حد يبيعني مزاجي كان متقلب كنت متوترة من جيهة مش عارفة واش راه يدور فراس غيث ومن جيهة خايفة على صحاباتي والبنات لخرين.
_فواش راكي تخمي
سلم على راسي تنفظت من بلاصتي
_علاش جبتني هنا؟
حط يديه وراه وشاف فيا سيريو
_علابالي راكي مقهورة على صحاباتك ومقدرتيش تستمتعي معانا فاليخت بسباب واش عملت وكنت واحد اناني وغول سو...
حط يديه ورا ظهرو
_اظربي
_واش😶؟
_اووف معا الواش تاعك قلنا اظربي خلفي حقك وعد منخلفش الظربة حرصي باش توجعيني فرصتك الوحيدة🙄
هزيت راسي بعنف لا بنات تبسيمة مالعدم
_كنت عارف ماتقدريش تآذيني
مش عارفة وين راح لساني وين راح داك الحقد وين راح داك الكره مش انا لي نشد الظربة ياك؟ انا ليظربت ديلن بوكس اول يوم واش راه يصرالي!!؟
_وينتا نروحو للمزاد
_هذا فاش كنتي تخمي حبيبي مكاش لراح يبيعك ثقي فيا
مثلا والو أخ لو كان تعرف واش راه فراسي
حسيتو حكم يدي
_لازملك دوش دوك ترتاحي منبعد ..كان يهدر وانا متبعاتو حتى لي فقت انو رانا قدام باب الصالدوبان فالبيت
هو وانا فصالدويان دكرى مش مليحة ابدا
حبست في بلاصتي
_ريا علاش وجهك رجع شاحب؟؟
_اممم جلال لازم ن..نقول..لك ح..اجة
_اني نسمع
_منقدرش ندوش بصكو...ص..صاي والو نسا
عينيه الملونين شافو فيا
_بصكو...؟؟؟
كي شافني متوترة نلعب بيديا قربلي كثر من كثرة لي عملاق لازم نطلع راسي نشوف فالبلافون باش نلقى عينيه
_خصك حاجة؟
_ايه شفت مين اللبنات كي يعني كل شهور يتقلبو؟
_دفاك🤨؟
_يعني كشغل..اوووووف هديك الحاجة
_واش من حاجة 😕
قعد شحال وهو يدقق فيا حتى لنخو رسل إشارات هبط عينيه لتحت ورجع لوجهي كنت قريب نظحك على الهلع لي حكمو دوك وجهو هو لرجع شاحب
جلال يخاف ملي قلنا 🤦 يعني معظمهم يحسو بالغثيان بمجرد شي طبيعي🤷
_اه شيت
كنت حاسباتو راح يبعدني يقرف يعمل حاجة يهرب مالبيت بصح جلال واش تتوقعو منو غير العكس
حط يديه على وجهي
_اه..مم..واش نجيبلك...منعرفش واش يحتاجو اللبنات فالعادة..عناق🤔🤨؟؟شوكولا؟
تبسمت وقربت مديتلو ورقة
_تعيشي متقوليليش شري هادي ملحانوت...
هزيت راسي بصمت تنهد رفد بورطابو وجا خارج رجع كل براسو مالباب
_نسمعك قلتي لديلن ولا لاافنت راح يشريهم...نحفرلك قبرك هنا
روحت خرج بلاما يغلق وراه تبسيمة البراءة راحت وعضيت شافتي بما انو خلا الباب مفتوح راه بدا يوثق فهدرتي لازم نهدر معا غيث ونشوف صحاباتي غيث وجهو مكانش يعجب الصباح كي رجعنا الخطة فشلت؟ ولا اسوء نانا كاشما صرالها خرجت ويا ريتني ما مخرجت البيوت بزاف دخلت فوحدة على زهر ربي لقيتها بيت فارغة فيها معدات شوية اسلحة بصح صوت الباب وريا نتحل
_اوو واش راه عنا هنا؟
قلبي سقط بين رجليا كي درت ولقيت لافانت متبسم ديك التبسيمة الخبيثة تاعو
_ك..كنت نحوس ع..لا ج..لال
كدبة كانت باينة لدرجة كنت بنعطي لروحي كل للوجه🤦
جيت هاربة غلق الباب ورايا
_علاش راكي مقلقة
قلبي عمل شقلبة كي غلق الباب وراه
_ نشاله متكونش نسيت كود تاع ااشكوبي تاعكم لافانت😡
_اه صدقيني اسمي ونسيتو كي شفتك ونتي بداك دوبياس فوق اليخت قليل نصيحة مني رحمي على ديلن ليل ونهار كون ماشي هو منظنش كنت راح نمسك روحي ونرجع للبيت بصح دوك🌚...كملها بهمس..رانا وحدنا قطقوطة😉
حسيت روحي راح نتغاشا مالفشلة رجعت خطاوي للورا بخوف لاول مرة تمنيت كون مخليتش جلال يتزحزح من حدايا
رايحة نهرب للباب للمرة الثانية دراعو لف على خصري ينعل بو فرق القوة بجبدة وحدة قدر يسحبني للخلف تفكرت واش كان يعلمني جلال فديك الحلبة ركزي ريا ركزي ريا ركزييي رفدت مرفق تاعي وظربتو للكرش مكانتش ظربو توجع بصح قدرت نبعدو
