_ أنا لو تبقى معايا بيترج القلب ويتهز، انا لو تاخد عيني يا نور عيني عيني ما تتعز
فضلت واقف براقبها وانا بقي مفتوح من الدهشة، جمبي أيمن الي ميل وهمس
_ هي على كدا من ساعة ما اتقبلت في الشغل
_ لا اله الا الله
فضلت ببصلها وهي بترقص بحرية في المكتب ومشغلة الأغاني
_ انقلوها جمبي البت دي
_ ليه
_ دمها خفيف
مسك ايدي قبل ما امشي وبصلي
_ مش صغيرة دي ؟
ابتسمت
_ بس حلوة
_ يبني انت مبتشبعش
_ تؤ
_ سليم! ... البنت دي بنت بلدك وابوها مأمنك عليها
_ اه في عنيا
حاولت امشي تاني فمسكني ورجعني تاني
_ مش كدا
_ ازاي
_ مش في عنيك كدا يا سليم
_ انت تاني يا أيمن !
_ هو انت بتبطل دا انت مش عاتق .. وبعدين انت فاتح زراير القميص كدا ليه
_ ببين السلسلة
_ بتبين السلسلة ولا عايز تبين عضلات الشيست ؟
بصيت لنفسي في المراية الي كانت قصادنا وابتسمت بغرور
_ فورمة .. الواد سليم دا فورمة أقسم بالله
_ ما تحترم نفسك يلا الشركة فيها بنات وناس كبيرة
_ يبا شركتنا الي مش عاجبه يترفد
_ طب يا سليم هدي اللعب شوية، البنت صغيرة وشكلها خام
_ اهو انا بقا محبش الا الجو دا، تتشكل على ايدي
_ مفيش فايدة انا بكلم مع مين
_ ممكن تركن انت بس كدا، انا عارف انا هعمل ايه
رجعت عيني تبصلها من بعيد
_ عارف انت الحظ ؟!!!!
ابتسمت وغمزت وانا بسمع صوتها بيعلي في الكوبلية دا وبكمله معاها
_ اهو انت الحظ يا حظ يا حظ
*******************************
_ ليلى! ... ليلى! استني انتي رايحة فين
_ عمر من فضلك انا معنديش وقت
_ طب ممكن تهدى وتحكيلي
_ بقولك مفيش وقت
حاولت اعترضت طريقها
_ طيب متحكيش انتي رايحة فين ؟
_ يووووه بقولك معنديش وقت من فضلك ابعد عن طريقي
بصتلها بزهول وسيبتها تمشي وتتحرك ناحية الموقف
_ واحد يسطا
_ خليهم اتنين
بصتلي بزهول وانا بركب جمبها
_ عمر!!!!!!
كانت مبتسمة رغم انها كانت مضايقة
_ اطلع يسطا
****************************
_ايه مالك وشك اصفر كدا ليه
_ هو انا المفروض أعمل ايه
_ الي بتعمله اي سكرتيرة
_ وهم بيعملوا ايه ؟
ابتسمت بمكر وانا بقف وبقرب ناحيتها
_ يعني .. حجات كتير
_ دا الورق الي قالولي اجيبه لحضرتك عشان تمضيه
_ ورق اه
