_ ايه ؟!!! .. يعني ايه الكلام دا
_ انا زيي زيك بالظبط بتصل لقيتهم بيقولولي سليم اتنقل في المستشفى عشان عمل حادثة بالعربية
_ بتتصل على مين
_ المستشفى
_ انت صحيت الصبح اتصلت على المستشفى كدا من نو وير ؟
_ ايوه احنا متعودين كل اربع نتصل على المستشفى نشوف الحوادث بتكلم عن ايه
_ ايه دا في ايه ؟
_ يستي متركزي في ام الكلام قبل ما انساه
_ تنساه!!
_ هه ؟ قصدي انساه من لهفتي وقلقي يعني .. يحبيبي يا سليم .. كان وردة مزفته بستين قطران
_ نعم؟!!!
_ كان سنة سودا و بلوة مسيحة في حياة الناس والله
_ عمر .. عمر ممكن تهدى .. فهمني .. سليم ماله
_ سليم .. سليم في المستشفى
_ من امتا ؟
_ امبارح بليل
_ مستشفى ايه دي ؟
_ العنوان معايا .. قوليلي فصيلة دمك ايه
_ A
_ هو B اوماله ميضرش ننقله دمك
_ ميضرش ايه دا كدا يموت
_ يستي شغال .. دي خدمة للبشرية انتي ايش فهمك انتي
نزلنا وفتحت العربية
_ مش دي عربية سليم ؟
_ اه
_ مش هو المفروض عمل حادثة بيها
بلعت ريقي، اللاهي تنفضح يشيخ
_ اه .. لا .. دا دي عربية هو ادهالي كدا انتي عارفة قلبه امه طيب وحساس
_ سليم!!!
_ يستي تخيلي يادي النيلة
ركبنا العربية لكن انا نزلت مرة تانية
_ ايه في ايه نزلت ليه ؟
_ هعمل مكالمة للمستشفى
_ ليه ؟
_ عشان يعرفوا اننا جايين
_ هو احنا رايحين عند خالتك
_ عيب كدا .. افرضي بيغيروا للمرضى ندخل عليهم كدا .. اسكوتي انتي انا عارف انا بعمل ايه
طلعت من العربية
_ يخربيت ابوك انا مش عارف اعمل ايه
_ اهدي متفضحناش بقا .. انتوا فين
_ تحت شركتك يا اخويا
_ طب ايه هتتحركوا دلوقت
_ اه .. خلصت الي عندك ؟
سكت شوية ورجع
_ يعني فاضل حاجة قليلة
_ مفيش الكلام دا بقولك رايحين عالمستشفى
_ يا عم عطل العربية، انزل هات غدا وأكل البت وموت انت من الجوع عادي
_ واطي
_ يعني اي حركة صياعة كدا
_ ماشي
_ تـ... ايه دا !!! قفل السكة !!!
**********************
شيلت السيجارة ورجعت أبصلها وهي متكتفة قدامي
_ ها بقا يا حقدو مالك ؟
_ فوكني
_ ولو مفكتكيش ؟ .... استني
قربت بالكرسي منها
_ هتجري تجيبي شوية عيال يضربوني ؟
_ انا معملتش حاجة !
_ اه طبعاً .. مصدقك اومال ايه
المرة دي قربت منها اكتر
_ عارفة يا شهد لولا انك وقعتي مع عمر وقالي ممدش ايدي عليكي انا كنت هعمل ايه ؟
فضلت تبصلي وعقلها بيتوقع الاسوء
_انا هسيبك تطلعي من هنا سليمة، كفاية اوي الماية الساقعة الي ادلقت عليكي في ديسمبر دي بس اقسم بالله لو ما بعدتي عنهم هم الاتنين لادغدغك حرفياً ومش هيفرق معايا انتي ست ولا راجل ولا جنسك ايه
