وعد جاتني تاني وقالت لي انا جيت اودعك لاني مسافره الصباح وتاني م اظن اجي البلد دي لانها ما فيها غير الحزن والوجع وبتمنى تقدري ترجعي زي اول وانا قبل م امشي عاوزه اسالك من صوره لقيتا في تلفونك ووعد بدت تفتش في الصور وقالت لي المعاك دي منو البت الحلوه دي قلت ليها دي سمر صاحبتي قالت ي خسارة الصحبه قلت ليها في شنو قالت لي لا مافي حاجه وودعتني ومشت وانا م اهتميت بي كلاما كتير لاني ملانه بالوجع وفيني المكفيني احزن كل حياتي
وعد مشت جهزت حاجاتا وقبل م تسافر اتصلت علي وقالت لي ارجعي زي زمان واعرفي انو مافي صديق ولا حبيب تثقي فيه وفي علاقات غير الحزن م بتجيب ليك حاجه لازم تقوي عشان الراجيك اصعب من الفات وحسيت في كلاما تنبيه لي وانو انا لسه ح اواجه الصعب قلت ليها في شنو ي وعد قالت لي م تتغفلي وانا عايزاك تقوي بس اسي انتي ليك خمسه شهور وانتي بالحاله دي لازم توعي لي نفسك شيلي ليك مرايه وعايني في شكلك شوفي انتي بقيتي كيف وفعلا وعيت لي نفسي وانو لازم ارجع زي زمان لازم ارجع اقوى واواجه نفسي واواجه الناس واول يوم طلعت فيه الشارع مشيت لي رانيا ولقيتا بتتكلم مع عمار واول م شافني قال لي انتي مريضه مالك ي فاطمه وانا م قدرت امسك دمعتي وغلبني الكلام عمار قال لي الببكيك دا م هين ي زوله واديتو رانيا ومشيت غسلت وشي ورانيا كلمتو بي كل التفاصيل وعمار قال عاوزني واتكلمت معاه قال لي اوعى تخلي واحد تافه احطمك وانزل دموعك اوعى تتغيري ي فاطمه انتي اقوى من انو نتكلم معاك وكلامو دا اداني طاقه ايجابيه فعلا انا لازم م اتغير ولازم ارجع فاطمه الزمان فعلا الصحاب طاقات امل حتى وعد م قصرت معاي مع انو هي اخت احمد لكن كانت سند لي في كل الازمه المريت بيها وكانت سبب في انو انا ارجع زي اول طبعا مااظن ارجع زي زمان لاني فقدت الثقه وفقدت قلبي زاتو🙁 واخدت ونستي مع رانيا ورجعت البيت وقعدت شويه معاهم فعلا كانو مهمومين وامي بقت شاحبه وضعيفه وابوي الهم بقى بانيه وانا لما جيتم الفرحه ظهرت في عيون امي ❤وابوي حضني وقال لي ايوا دي بتي البعرفا انا الفتره دي كلها وعايزك توعي لي نفسك وتشوفي الايام الضيعتيها وانتي بتبكي علي ماضيك م حاولت اني اتكلم معاك عاوزك ترجعي براك من غير م نضغط عليك قلت ليه وخلاص رجعت ي ابوي واتاكد انو مافي حاجه ح تهزني تاني لاني خلاص اتعلمت من الماضي وكان تجربتي المره واتعلمت دروس كتيره في الحياة
دخلت غرفتي واتصلت علي وعد واتونست معاها وفرحت شديد لما شافتني فاطمه الزمان صاحبة الابتسامه الدايمه
