انا عايزه اتكلم واقول عن زول ملك قلبي وهواي
زولا حنين في كل شي دايما بكون جمبي ومعاي
زولا ملاك م بتوصف زولا سند لي كل بلاي
زولا محال بس اتوصف كان باقي لي مرضي ودواي
زولي الحبيب شالو القدر من القليب
في عتمة اليوم القبيح خلى الفؤاد بالهم اشيب
زولا حنين سرقو السلاح والطلقه نارا محال تخيب
والطلقه جات متوجهه قاصده الحبيب اللي قريب
ليه ي سلاح كنت السبب
ليه ديمه اواجه للصعب
ليه القدر كتب الكعب
واكويني بي نار اللهب
عمار حبيب بالنسبه لي
عمار اخو وصديق وفي
عمار صبح كاويني كي
وانا بعدو م ظنيت اعيش لا بقدر انطق ولو شوي
واتخضبت ايديك دم فوق حنتك
واتضرضرت فوقك رمال لي جرتقك
اتبخ فوقك دم غزير تمم مراسم زفتك
زفوك لي دار الفراق وانا تهتا من غير دنيتك
الناس كتار اتلمو فيك وانا كنت عايزه اباركو ليك
الناس بتصرح بالوداع وانا كان مناي اتزفا ليك
ولبست لي توب الحداد وكان نفسي اصافح لي ايديك
كان نفسي في حاجات كتير لكن قدرنا اختار اجيك
ختوك في قبرك وحيد وختوني في بيت الحبس
زفوك ناسا اكبرو وانا بي وراك كاتمه النفس
دفنوك بي تراب القبر وغطوني بي هم منحبس
م اصلي من بعدك بموت والموت هو حق لي كل نفس
م لحقت اودع يوم مشيك
وم لحف٠ت اشبع من عينيك
م قدرت اقول انا مشتهيك
ما ياهو حال دار العبوس بتشيل وتجرح يوم تجيك
وفي الاخر بقول ليه يا زمن جيت منعصر
عشمت لي درب السعاده الانكسر
وقطعت لي اجمل حلم كان منتظر
ماياهو حال كل البحب لابد ورا الفرحه الكدر
اصبحت بلا حياة الى ان يحييين وقت الوداع من هذه الدنيا المؤلمه واصبحت بلا قلب يشعر بعد بالحنان واصبحت مكسورة خاطري الذي لم يلتئم ويطيب لم اعد كما كنت فانا لست فاطمه الان
