اخيرا جاء اليوم البجمعني انا وعمار جاء اليوم البتوج فيه ملكة قلبو وطبعا كالعاده والجوطه واللمه وعادة السودانيين الحلوه وانا بايته عند جيرانا زي م بقولو حبوباتنا عشان المعازيم م اشيلو نورتي😌 وشويه كدا وسمعت ليك الزغاريد والسلاح والفرحه البقت تدق في باب قلبي وانا بقيت ببكي من الفرح شايفه انو القدر وقف معاي وانا اخيرا اتكتب لي الفرح وبعد شويه جات ريات وماسكه اخوها من يدو واول م شفتو جريت ببكي وحضنتو وقلت ليه عمار نحنا خلاص بقينا سوا انا وانت ي عمار انا طبعا عمار لقيتو ابكي وقال لي ايوا انتي بقيتي مرتي وحقتي ي فاطمه وان شاء الله دمعتك دي تاني م ح تنزل وانا بوعدك انو دموعك دي م ح تنزل تاني بي سببي وبقو انادو فيه الشباب ي زول تعال الناس بفتشو فيك وعمار قال ليهم اها بدينا 🥰😍دي بعد دا مرتي ❤وانا م جايي والبنات اضحكو عليه ورفض انو اطلع ليهم وكان ماسكني من يدي وبتكلم معاي قال لي على فكره ي فاطمه الليله انتي بقيتي اجمل واحده اشوفا في حياتي قلت ليه ولا منار قال لي فاطمه 😬🤫وكان عاضي علي شفايفو قلت ليه خلاص خلاص ي سيدي اسفه وشكرا على المجامله🤨 قال لي الحق يقال لكن شايفك سمحه نار منقد ولا عشان بقيتي مرتي 😜قلت ليه يلا اتخارج بره من غير مطرود وجريتو من يدو وبقيت امرق فيه وهو بقول لي ي مرتي ي قاسيه خليني اقعد معاك شويه انا من غير شوفتك بموت قلت ليه عمار ابوي بعاين فيك وعمار غلبو الكلام وفعلا ابوي جاء ابارك لي وعمار بقى صابي عرق لحد م مشى ابوي قال لي اصبري 😠الايام بيناتنا وعمار مرق وكان نفسي اناديه واقول ليه تعال انا م شبعت منك شوف😻🤩❤ لكن لازم امشي الكوفير بعد دا وبلبس في عبايتي طالعه وفجاه كدا اتغيرت تماما حسيت كاني م قادره اتحرك من مكاني 🙁وضربات قلبي بقت زايده شديد🥺 وحسيت بي رجفه في يديني.🥺🥺
