الينا زمن ماسكنو ضحكه انا ورانيا كانت ايام والله😜 اها عمار قال لي كفايه ي مفضوحه امك سمعتك😬 قلت ليه عادي م عارفاك صايع😌 هي زاتا ي اخوي ربتك مع امك قايلا م عارفه طباعك اها عمار اكتفى بي كباية الشاي ومارق وقال لي ي شينه م عارف حبيتك كيف قلت ليه وانا ي صايع م عارفه الخلاني اقبل شنو قال لي يلا طالع ماشي احضر الاخبار قالو البلد جايطه قلت ليه هو انت بتحضر اخبار يعني 😀 قال لي لا مسلسلات قلت ليه ي عمنا انت م شبه الاخبار الاخبار بحضروها الناس المحترمين قال لي خلاص اقطعي وشك وتاني م تقدميني لانو كلامك بجيب القلب مارق اختيني عشان حبيتك وارجع ابكي قعدت اضحك وقلت ليه ظريف لكن وودعتو على كدا 😏
عمار شخصية في قمة الروعه كان مفرق علي كتير م حصل زعلت منو ولا هو بزعل من كلامي
الله اداني المحبه والله عوضني الصبر❤
كنت اجمل كلمه عابره وكنت لي العتمه القمر❤
جيت تطبطب لي قليبي وكنت اجمل لي قدر❤
كنت احلام السعاده وكنت لي احساس امل❤
كنت ترياق لي مواجعي وكنت ي سيدي العمر❤
طبعا مهما اوصف في عمار انا م بقدر اوفيه حقو في الكلام لانو بالجد كان لي اجمل عوض
بعد اسبوع اتصلت بي عمار وقلت ليه نطلع نتمشى شويه لاني زهجت قال لي ي شيخه م عارفه البلد والفيها مافي طريقه نطلع لحد م المظاهرات دي تروق ونمشي المكان البعجبك قلت ليه تمام 😏🥺بي زعل قال لي والنبي م تزعلي لاني ح تتوقف دقات قلبي لو م رضيتي 💔قلت ليه انت بتتزاوق مني مش قال لي امشي افتحي الاخبار قلت ليه م عندي تردد قال لي برسلو ليك نزليه قلت ليه م بعرف قال لي بوصف ليك قلت ليه دا كلو عشان احضر اخبار قال لي ي زوله انتي م عارفه الحاصل وم شايفه الشباب البتموت دي ولا الناس الضاقت بيها العيشه🥺😢 اها قعدت شويه في الاخبار وعرفت حال البلد الضايعه وفعلا البلد م بتسر ومواقف محزنه شديد وبقيت يومي بحضر الاخبار لحد م يوم عمار جانا وقعد معانا وكان مقيل معانا في البيت اها عدينا اليوم كلو هظار وضحك وعمار كان بشاغل امي كتير وكانت بتحبو شديد
