بعد اسبوعين نزلت اتونست مع ناس امي و طلعت شويه اغير جو واتلاقينا انا ورانيا والمفاجاه الحلوه انو عمار رجع وقال لي اخدت اجازه عشانك تصدقي 🥺قلت ليه م للدرجه دي😏 انا عارفاك القروش عندك اهم من امك الجابتك قال لي ليه يا قاسيه حرام عليك ي شيخه😥 انا في نظرك كدا كويس ي سجم بوريك انا منو😡 قلت ليه م عمار يعني ح تكون منو 😁ضربني في كتفي وقال لي كويس ي غياظه الايام بيناتنا وانا كنت الحمد لله اتخطيت مرحلة وجعي وحزني وبقيت فاطمه البت الروحا جميله ومرحه وصاحبة الابتسامه الدائمه اها غيرنا جو مع عمار والله صديق حقيقي ومشينا اتعشينا وفي عز ونستنا احمد جاء وقال لي ي فاطمه عاوز اتكلم معاك قلت ليه عفوا فاطمه م موجوده قال لي ي فاطمه انا عارف نفسي غلطت وعايز اوضح ليك اسبابي عمار قام قعدتو قلت ليه دقيقه ي عمار ننهي اخر حوار لاني م عندي استعداد لي همومك😡 قال لي ي فاطمه انا اسف وعايز نرجع زي اول قعدت اضحك وقلت ليه اولا فاطمه الانت عايزا دي ماتت زمان 🙂ماتت مع اخر حب ليها من ناحيتك 😐قال لي انا ندمان وبعتزر قلت ليه ندمان على شنو وشنو 🤨على خيانتك لي انت وصديقتي ولة على لعبك بي مشاعري ولا عشان شنو ولا شنو وعلى العموم ي سيدي انا طويت اسمك من زاكرتي وبتمنى تنساني وم تعترض طريقي تاني قال لي فاطمه انا ندمان قلت ليه م بنفع الندم بعد افوت الاوان وخلاص امشي شوف حبيبتك وين لانو الزمن دا الثقه بقت ضعيفه😏 والحوار الدار بينا كلو وعمار بعاين بي عيونو بس وانا شلت شنطتي وطلعت وعمار حصلني وعمار قال لي انا مبسوط شديد انك قدرتي تواجهي احمد وقدرتي توقفيه في حدو وبتمنى تكوني بالقوه العندك دي ي فاطمه وم تتغيري ولا تتكسري قلت ليه تعليمتك ي معلم😎 اها كان يوم جميل مع عمار ووصلوني لحد البيت وسلم علي اهلي ومشى
