اتصلت علي رانيا وقالت لي بكره عازماك نتغدا برا قلت ليها جدا اشاور الحاج وبديك خبر ومشيت لي ابوي قلت ليه بكره طالعه مع شله صاحباتي نتغدا برا قال لي م عندي اي مانع هو انا م صدقت انتي مرقتي من غرفتك وقعدت اضحك ي حاج م تزكرنا الماضي الاسود وقلت لي امي نفسي في روب بكره افطر بيه قالت لي هو انا عندي كم فاطمه وسلمت عليها في راسا وقلت ليهم اعفو مني لاني تعبتكم معاي وشيلتكم همي
صحيت الصباح وفطرت مع امي وابوي وعلي😘 طبعا علي دا شخصيه هادئه شديد م عندو اي صوت في البيت وانا دايما م بغير جوو لكن مافي طباع بتتغير
اتصلت بي الشباب كلهم واتصلت بي سمر وقلت ليها ي بت نسيتيني ولا شنو قالت لي م نسيتك لكن انا قاعده في شندي مع اختي وم اظن اجي قريب قلت ليها فقدتك كتير لانك الوحيده الما جات فقدتني قالت لي بعد اجي من شندي بجيك وقفلت على كدا اها طلعنا واتغدينا واتبسطنا شديد ونحنا طالعين صادفت احمد داخل ومعاه تصدقو منوتصدقو انو معاه سمر اي سمر زاتا صاحبتي القالت لي في شندي سمر رفيقة عمري كلو واحمد م نزل عينو مني وسمر م قادره تنطق كلمه وانا وقفت وبعاين فيهم بس من غير م ادي اقوال ودمعتي رفضت تنزل رغم الموقف الصعب الانا شفتو لكن دمعتي رفضت تتحنى قدام احمد وتنزل وطلعت واحمد واقف واعاين فيني لحد م ركبت العربيه واتحركنا وانا طول الطريق ودموعي جاريه ورانيا قالت لي ولا يهمك وم تتاثري بي حاجه واعتبري احمد وسمر فتره وانتهت خلاص وانا م قادره ارد ومشيت وجريت علي غرفتي ورانيا وراي وفهمت امي الحاصل وهدتني شويه لحد م رقت ومشت😔😢 واتصلت بي وعد وقلت ليها اتزكرت كلامك لي لما قلتي لي ي خسارة الصحبه وعد قالت لي لاقيتي سمر واحمد قلت ليها يعني انتي عارفه قالت لي ايوا انا زاتي لاقيتم بتكلمو صدفه واتصدمت زييك ي فاطمه وانا كنت ببكي قالت لي اوعى تضعفي قدامن م تخليهم احسو بي انكسارك م تخليهم اشمتو فيك و اشوفو دموعك بتجري خليهم اتكسرو هم واعرفو قيمتك لما خسروك
