Days of Counting Camellia (Hiatus)

[36]' Your Majesty, you will frighten the little lamb '

Scroll down ⬇️ Zawgyi version is below .

#Unicode

Ash : " ကိုယ်တော်တို့ကြားမှာ လောကွပ်တွေမလိုဘူး "

တည်ကြည်သော မျက်နှာထားနှင့် ယုံကြည်ချက်အပြည့် ပြောလာလေသည် ။

Alexander မှာ ကြောင်အမ်းလျက် သခင်ဖြစ်သူအား ကြည့်နေမိ၏ ။

လက်မထပ်ရသေးတဲ့ မိန်းမပျိုလေးတစ်ယောက်ရဲ့ အခန်းကို လူပျိုလူလွတ်တစ်ဦးက အလည်လာတာမို့ အခန်းထဲမဝင်ခင် ကြိုတင်သတိပေးသင့်ကြောင်း ပြောပါတယ် ... ။ ဒါကို ' လောကွပ် ' တဲ့ ။

ပြီးတော့ ' ကိုယ်တော်တို့ကြား ' ဆိုတဲ့ စကားစုကို သုံးနှုန်းပုံဟာလည်း ကျိုးကြောင်းမဆီလျော်နေ ။ ဘယ်တုန်းက သူတို့နှစ်ယောက်ကြားဟူ၍ ဖြစ်သွားသနည်း ?

တောက်ပသော မျက်ဝန်းနက်တို့ဖြင့် မိန်းမပျိုလေး၏အခန်းရှေ့ ယုံကြည်ချက်အပြည့် ဖြင့် ကျူးကျော်တော့မည့် ဧကရာဇ်အား Alexander စိုးရိမ်မိသည် ။

ဘုရင်မင်းမြတ်တစ်ပါး ဖြစ်နေရင်တောင်မှ မိန်းကလေးတစ်ယောက်အား ပိုးပန်းလျှင် လုပ်ထုံးလုပ်နည်းတွေကို လိုက်နာရစမြဲပင် ။သခင်ဟာ ယဉ်ကျေးသော ၊ လူကြီးလူကောင်းဆန်သော ယောင်္ကျားတစ်ယောက်ပါ ။ ဒါတွေကို ငယ်စဉ်ကတည်းက သင်ယူဖူးတဲ့သူပါ ။ သိလျက်နဲ့ ဥပေက္ခာပြုထားတာ သိသာ၏ ။

ကောင်မလေးရဲ့ အခန်းထဲ အသံမပေး ဘာမပေးပဲ ဇွတ်ဝင်သွားဖို့ဆိုတာ အင်ပါယာအား အုပ်စိုးနေသော ဧကရာဇ်တစ်ပါးအတွက် သိပ်ကိုလွယ်ကူတဲ့ ကိစ္စဖြစ်ပေမယ့် မိန်းကလေးရဲ့အမြင်တွင်တော့ ကိုယ်ကျင့်တရားဆိုးရွားသည့် ယောင်္ကျားတစ်ယောက် ဖြစ်သွားလိမ့်မည် ။

အခု သခင်ဟာ ကောင်မလေးဆီ ယောင်္ကျားတစ်ယောက်အဖြစ် လာလည်တာလား ? ဘုရင်တစ်ပါးအဖြစ် လာလည်တာလား ? Alexander ဝေခွဲမရ ... ။ သို့ပေမယ့် သခင် ပိုးပန်းနေတဲ့ မိန်းကလေးတစ်ယောက်ရဲ့အရှေ့ သူ၏ဂုဏ်သိက္ခာ အစွန်းအထင်းဖြစ်မသွားစေရန် ကာကွယ်ပေးဖို့က Alexander မှာ တာဝန်ရှိသည်ဟု ခံယူထားသည် ။

နဂိုတည်းက မာန်မာနကြီးမားသူမို့ သခင်သည် သူ့ကိုယ်သူ သဘောမပေါက်ခြင်းသာ ... ကောင်မလေးထံမှ သကြားခဲအမှတ်‌လေးတွေ တိုးရချင်နေကြောင်း သိပ်ကိုသိသာ၏ ။ ဒါပေမယ့် ကံဆိုးစွာပဲ တည်သောမျက်နှာ ၊ တင်းမာသောအသံ ၊ မပွင့်လင်းသောစရိုက် ၊ မိုးထိသောမာနနှင့် ... သနားဖွယ်ရာ သခင်ခမျာ ဘယ်လိုမှ လိုတာရမည်မဟုတ် ။