Days of Counting Camellia (Hiatus)

[10] In Emperor's chamber

Check Zawgyi version below ⬇️

#Unicode

Afa သည် ရေလဲပဝါဖြူကို ပိုက်ထားရင်း အငွေ့တထောင်းထောင်းထနေသော ရေချိုးကန်ကို တအံ့တဩငေးကြည့်နေမိသည် ။

ဤရေချိုးခန်းသည် အစေခံတန်းရားရှိရေချိုးခန်းများနှင့်မတူပဲ ကျောက်သားတို့ဖြင့် အဆင့်မြင့်မြင့်ဆောက်လုပ်ထားသည် ။
အတော်အသင့်ကျယ်ဝန်းသည့်အပြင် ရေနွေးပါရသော ရေချိုးခန်းဖြစ်၍ တော်ရုံအစေခံများအတွက်မဟုတ်လောက် ။
ဒါ့အပြင် အခန်း၏ထောင့် ကျောက်သားစဉ်ပုကလေးပေါ်တွင် ထောင်ထားသော ရောင်စုံပုလင်းအကြည်ကလေးများကိုလဲ တွေ့ရသည် ။
ထိုပုလင်းထဲတွင်ပါရှိသောအရာတို့သည် Afa မင်းသမီးဘဝတည်းက သုံးခဲ့သော အမွှေးဆီများပဲဖြစ်သည် ။
ရေချိုးရင်သုံးသောအမွှေးဆီတို့သည် သူချမ်းသာတချို့နှင့် တော်ဝင်မျိုးနွယ်များသာတတ်နိုင်သော ဇိမ်ခံပစ္စည်းတစ်မျိုးပဲဖြစ်သည် ။
ဒါတောင် နေ့စဉ်‌နေ့တိုင်းသုံးကြတာမဟုတ် ။
အခါကြီးရက်ကြီးများနှင့် အရေးကြီးပွဲလမ်းသဘင်များဖြစ်သော အရွယ်ရောက်ပွဲ ၊ လက်ထပ်ပွဲ ၊ မွေးနေ့ပွဲစသည့်ပွဲများမတိုင်ခင် ရေချိုးသန့်စင်ရန်သုံးကြသော အဖိုးတန်ပစ္စည်းပဲဖြစ်၏။

" မဝင်ပဲ ဘာလုပ်နေတာလဲ ? "

အသံလာရာကို လှည့်ကြည့်လိုက်သော် နီညိုရောင်သူရဲကောင်းဝတ်ရုံကို ဝတ်ဆင်ထားသော ထောင်ထောင်မောင်းမောင်းအမျိုးသမီးတစ်ဦးကို တွေ့ရ၏ ။
ထိုအမျိုးသမီး၏အရပ်အမောင်းသည် ဘယ်လောက်မြင့်သလဲဆိုရင် Afa နှင့် ခေါင်းတစ်လုံးစာမျှကွာ၏ ။
Afa သည် နဂိုသေးငယ်သောကိုယ်လုံးပိုင်ရှင်ပေမယ့် သူမအား Afa မော့ပြီးကြည့်ရသည်အထိမြင့်သည် ။

သူမကို Afa သေသေချာချာ မှတ်မိသည် ။
သူမသည် အစေခံမလေး Lucy အား စည်းကမ်းမရှိသဖြင့် ရိုက်နှက်ဆုံးမသော အမျိုးသမီးသူရဲကောင်းပင်ဖြစ်ပေတော့သည် ။

ထိုအမျိုးသမီးသူရဲကောင်းတွင် သူမ၏ တောင့်တင်းသောခန္ဓာကိုယ်အပြင် မည်သူမှဖြိုလှဲ၍မရနိုင်သော အားပြင်းသည့်အရှိန်အဝါတစ်ခု တည်ရှိနေသလို ။
တော်ရုံလူများသည် သူမနှင့်မျက်လုံးချင်းဆုံရဲကြမှာတောင်မဟုတ် ။
သေးသွယ်ရှည်လျားသော မျက်လုံးအိမ်တို့နှင့် ပယင်းရောင်မျက်စံတို့ကြောင့် သူမ၏အကြည့်သည် စူးရဲ၏ ။
ဒါ့အပြင် သူမသည် လွန်စွာစည်းကမ်းတင်းကျပ်ပြီး ကြမ်းတမ်းတတ်ကြောင်း Afa ကိုယ်တိုင်မျက်မြင်ပဲ မဟုတ်ပါလား ။