იუნგის გადაწყვეტილი აქვს დღეს ისევ აუზზე წავიდეს, ამჯერად ნამჯუნთან ერთად. გუშინ საღამოს დაურეკა და ძალით დაითანხმა წასვლაზე, მისი წუწუნის მიუხედავად, მაინც ვერაფერმა გაჭრა.
- რა გინდა აუზზე?- იბღვირება პალმებიან შორტებში გამოწყობილი ნამჯუნი.
- და აბა სახლში რა ვაკეთო? დამეთხარა თვალები ტელეფონის ყურებით,- იღრინება იუნგი და პირსახოცს სახეში ესვრის.- დამელოდე, მალე მოვალ.
და სადღაც იკარგება.
- ელოდე ახლა ამას და ათრიე მისი ნივთები, მალე კისერზე შემოგაჯდება, ნამჯუნ,- ბუზღუნებს თავისთვის.
- ნამჯუნ,- ესმის ჯიმინის ხმა და უკან ბრუნდება,- გამარჯობა.
- გამარჯობა,- ცოტათი დაბნეული ძლივს სცემს პასუხს.
- იუნგი ხომ არ გინახავს? ვიცი რომ სახლში აღარ ზის,- ოხრავს პაკი და ხელს კეფაზე ისვამს,- გთხოვ, მითხარი სად არის, მასთან საუბარი მინდა.
- იცი, იუნგი...
- აქ რას აკეთებ?- ისმის იუნგის ხმა და ნამჯუნი გაღებულ პირს ხურავს. გატრუნული დგას და მათ შესცქერის.- ნამჯუნ, წავედით, გვაგვიანდება.
- იუნგი, გთხოვ, შენთან საუბარი მინდა,- აჩერებს მას და ნამჯუნს სურვილი აქვს მიწა გასკდეს და შიგ ჩაიტანოს.
- არ მინდა შენთან საუბარი, ჯონგუკთან წადი, ალბათ გელოდება, ჯიმინ.
- მე ვთქვი, რომ შენთან მინდა საუბარი,- ოდნავ მკაცრად ამბობს და ნამჯუნის ხელს ათავისუფლებს, იუნგის ავლებს მაჯაში და სადღაც პარკში მიათრევს.- ეს რას ნიშნავს?
- რაზე მეკითხები კონკრეტულად?- წარბებს წევს იუნგი.
- ყველაფერზე, რა ჯანდაბა დაგემართა? ვეღარ გცნობ,- გაცოფებული, ვერც კი ხვდება რა გააკეთოს.
- იქნებ ჯონგუკისთვის გეკითხა?- ქვედა ტუჩს აგდებს მინი და ამით კიდევ უფრო აღიზიანებს პაკს.
YOU ARE READING
MY NAME
Actionიუნგის სიყვარული სჭირდებოდა. თავიდან მხოლოდ მუსიკა იყო ის, რისთვისაც წლები იბრძოდა. პაკი კი ქარიშხალივით შემოიჭრა მის ცხოვრებაში და ამოსუნთქვის საშუალებაც აღარ მისცა. გაზაფხულის პირველი დღე იყო, როდესაც ჯიმინს შეხვდა, დღე, როდესაც ბიჭი იუნგის პირადი...
