Song – Bet You Wanna
by Blackpink, ft. Cardi B
Youtube MV link (Lyric video) – https://youtu.be/icXHq5sEfCg
Story by ARGENTUM
"ကလင်" (Messenger မှ စာဝင်သံ)
Messenger က စာဝင်သံကြောင့် ကျွန်တော် ဖုန်းကို ဘောင်းဘီအိတ်ကပ်ထဲကနေ ထုတ်ကြည့်လိုက်တယ်။
သီဟ – "ကိုယ်ထွက်လာခဲ့ပြီ။ အဆောင်ရှေ့ထွက်စောင့်နေလိုက်တော့။"
ကျွန်တော်လည်း သူ့စာကို ဖတ်ပြီးတာနဲ့ အရန်သင့်ပြင်ထားတဲ့ ကျောပိုးအိတ်ကို ကောက်လွယ်လိုက်တယ်။ ပြီးတော့ ဖုန်းကို ဘောင်းဘီအိတ်ကပ်ထဲ ပြန်ထည့်လိုက်ပြီး အခန်းတံခါးတွေ၊ မီးတွေ ပိတ်စရာရှိတာတွေကိုပိတ်ပြီး အဆောင်ရှေ့ကနေ ထွက်စောင့်နေလိုက်တယ်။
စောင့်နေရင်း (၅) မိနစ်လောက်နေတော့ ကျွန်တော့်ရှေ့ကို အနက်ရောက်ကလစ်ဘီးတစ်စီး လာရပ်တယ်။ ဆိုင်ကယ်ပေါ်မှာ ယောက်ျားလေးတစ်ယောက်၊ ဆိုင်ကယ်ဦးထုတ်အကောင်းစားကို သေသေချာချာဆောင်းထားပြီး မျက်နှာမှန်ကိုလည်း ချထားတယ်။ တီရှပ်နက်ပြာရောက်ပေါ်မှာ ဂျင်းအင်္ကျီ လက်ရှည်ကို ထပ်ထားပြီး အောက်ကလည်း ဂျင်းဘောင်းဘီအနက်ရောင်ကို ဝတ်ထားတယ်။
Sneaker အဖြူရောင်ကို သေသေချာချာစီးထားတဲ့သူက ကာထားတဲ့ ဆိုင်ကယ်ဦးထုတ်မှန်ကို ဖွင့်တင်လိုက်တယ်။ ဖွင့်တင်လိုက်ပေမဲ့လည်း သူ့မျက်နှာကို သေချာမမြင်ရသေးပါဘူး။ ဘာဖြစ်လို့လဲဆိုတော့ Mask အနက်ရောင်ကိုလည်း တပ်ထားသေးလို့ပါ။ အချိန်ကလည်း ညနေခင်း နေဝင်စအချိန်၊ ညီအစ်ကိုမသိတသိအချိန်ဆိုတော့ သူ့မျက်နှာကို ရှင်းရှင်းလင်းလင်း မမြင်ရသေးဘူးဗျ။ သူ Mask ကို ချွတ်လိုက်တော့မှပဲ အဲသည်သူက "သီဟ" ဆိုတာကို ကျွန်တော်သိလိုက်ရတယ်။
သီဟ – "တက်တော့လေ၊ ဘာလုပ်နေတာလဲ။"
မင်းဟိန်းခန့် – "ကျွန်တော်က အစ်ကို့ကို ဘယ်သူများလဲလို့၊ သေချာကြည့်နေတာ။"
သီဟ – "ဘာဖြစ်လို့လဲ၊ ကိုယ့်ရဲ့ အခုလိုပုံစံကို မမြင်ဖူးသေးလို့လား။"
YOU ARE READING
MY HARMONIES Volume I (Completed)
Romanceစာဖတ်သူတွေနဲ့ ရင်းနှီးတဲ့ သီချင်းတချို့ကို BL version ပြောင်းပြီး သီချင်းတစ်ပုဒ်ကို BL fiction တစ်ပုဒ်အဖြစ် ပြန်လည်ဖန်တီးအသက်သွင်းမှာပဲ ဖြစ်ပါတယ်။ ဇာတ်လမ်းတစ်ပိုင်းချင်းစီရဲ့ အစမှာ အဲသည်ဇာတ်လမ်းကို အခြေခံထားတဲ့ သီချင်းရဲ့နာမည်၊ အဆိုတော့နဲ့ Youtube M...