إسكريبت"
"مريضة كانسر"
-فجأة لاقيت نفسي بعيط جامد جدا وبقولهم سيبوني بقا ارحموني أنا ذنبي اي إني عندي المرض دا؟
- كُلهم ضحكوا عليا وبدأو يحسسوني إني قليلة جدا.
- وأنتِ مفكره أنك هتحققي حلمك يااااا قولتيلي أسمك ميرنا صح؟
- دموعي نزلت من عنيا قدام الجامعة كلها، وكُلهم مركزين عليا وبيضحكوا.
- آه صح يا ميرنا أنتِ جايه الجامعه ليه مش الجامعة دي بتاعت الأغنياء بس أنتِ والدك مش غني دا مجرد عامل نظافة..
- الجامعة كلها بتسخر مني ويضحكو بصوت عالي ويقولوا بنت الزبال جيه جامعة الأكابر والأغنياء.
- آه صح وأنتِ بقا هتطلعي أي دكتورة كانسر علشان تعالجي والدك ولا علشان تعالجي نفسك؟!
= رديت وأنا متوترة وقُلت إن شاء الله هطلع دكتورة كانسر وهعالج كل أب لأجل أولاده وهساعد كل مريض/ة كانسر بدون أي مقابل.
- كُلهم سكتوا فجأة وبدأو يضحكو جامد.
- فجأة ميار قربت مني وقالتلي طموحك عاليا يا.. ميرنا ولا أقولك يا مريضة كانسر متنسيش أنه والدك زبال بيلم زبالة ويكنس الشوارع:
= نبضات قلبي بقت سريعه جدًا وذاد التوتر.
- فجأة محمد يتكلم ويقول:
أحلمي حلم صغير يا ميرنا مُستحيل بنت الزبال تبقا دكتورة كانسر.
= طلعت بسرعه من الجامعة على السكن وبدأت اعيط جامد وطول اليوم بفكر ومش عارفه أنام فجأة بابا بيتصل وبيطمن عليا وقال:
= هتوحشيني يا ميرنا أنا خلاص وقتي جه عايز اقولك حاجه حطيها حلقه في ودنك ( الدنيا مفيهاش راحه بال خالص ولا ليها أمان لو عشتي غلبانه هياكلوكي ولو عشتي فاشلة هيكرهوكي ولو عشتي ناجحه هيتمنوا يكلموكي) أنا واثق فيكي يا....
=بابا؟
- بابا مشيت وسبتني ليه أنت مصدر قوتي أنا عارفة أنك روحت لأكتر حد حنين وحاسس بيك ربنا هيعوضك خير.
بدأت أفكر خلاص مفيش داعي إني أكمل دراسه هعالج مين ما أبويا راح.
- فكرت في كلام أبويا قبل ما يموت وقُلت لازم أكمل المشوار الطريق مش سهل ولكن مش صعب إني أوصله وعارفه أنه لما أوصل اكتر حد هيبقا مبسوط هو ابويا.
= وفجأة عدت السنين والأيام وقاعده على مكتبي في أكبر مستشفى في العالم العربي كله وبقول صِدقًا إن وقعنا وقاومنا تعبنا ولفينا وروحنا وجينا مش هناخود غير إلي ربنا كاتبهولنا.
- بتقاطعني ست وبتقول وهيا بتعيط:
= دكتور ساعدني بنتي بتموت بالكانسر معنديش غيرها مش معايا فلوس اعالجها أبوس رجلك ساعدن....
= بتوطي هتبوس رجلي وفجأة قاطعتها وقولتها حاضر يا أمي اهدي إن شاء الله خير، سبتها وطلبت ميه علشان تهدا وبدأت اعالج البنت.
- مرت الأيام والبنت بتتعافى وفجأة سمعت صوت عياط وضحك مع بعض ولقيت:
= أم البنت بتسجد في الأرض وتقول شكرًا يارب شكرًا يادكتورة وقاعدت تحضني اكتر من نص ساعة وتعيط.
- افتكرت لحظة ما أبويا مات وبيقولي هتوحشيني ياميرنا بابا قالي جمله وأنا طالبه في الكلية وهيا..( الدنيا مفيهاش راحه بال خالص ولا ليها أمان لو عشتي غلبانه هياكلوكي ولو عشتي فاشلة هيكرهوكي ولو عشتي ناجحه هيتمنوا يكلموكي وقالي أنه واثق فيا وفجأة أبويا مات.
- أنا فعلاً مقدرتش أعالج ابويا بس بعالج الناس إلي بتعاني من المرض إلي كان بيعاني منه ابويا.
" ودائمًا مش هنسىٰ أنه والدي كان عامل نظافة وبتعبه وكفاحه وصلت للمرحلة إلي أنا فيها دي بقيت صاحبة أكبر مستشفى في العالم العربي كله، عالجت كتير من الناس إلي بتعاني من المرض ده دون أي مقابل واثقة أنه أبويا فرحان بيا أوي".
" مش هنسىٰ أنهم كانوا بينادوني بـ إسم بنت الزبال"
#عافر_هتوصل
#قاوم_هتنجح.
#انت_قدها.
#منقول
