وردة و سيف ( rose and a sword)

البارت السادس عشر

عدى اسبوع ودانى وزين مفيش اى تحسن زى ما هما كل واحد ف عالم متشعلق وجوده بالتانى ب خيط رفيع فى اى وقت هيتقطع
طول الاسبوع حزن وقلق ما بين البيت والمستشفى و عبد الرحمن مكنش بيسب دانى لحظة وكان بيدعى ربنا انها تقوم
وعثمان واقف قصاد زين وعمال يلوم نفسه انه السبب فى كل ده
بس رغم كل الى حصل مش عايز يسيب نور لحظة
كل واحد ادام اوضة العناية بس عثمان واقف ل زين وعبد الرحمن واقف ل دانى

:- عبد الرحمن
عجبك الى احنا فيه..... زمان راحت نور بسببك ودى حاجة عمرى ما هسامحك عليها
ولو بنتى حصلها حاجة بسببك مش هرحمك
:- عثمان
انا اسف ي عبدالرحمن كنت طايش زمان وبطيشى ضيعت عيلة
لو تقدر ف يوم سامحنى ي خويا

اليوم دا مكنش فى حد غيرهم وكانت بدات المؤشرات تتغير عند. دانى والاجهزة بقت تصفر جامد وجريوا الدكاترة على الاوضة وكان عبد الرحمن على شوية هيموت من خوفه وكان عثمان واقف معاه وبعد ربع ساعة اجهزة زين بدات برضوا تعمل نفس الصوت الدكاترة مبقوش عارفين يروحوا ل مين ولا مين
قسموا بعض دخلوا عند زين والغريبة ان دانى صحيت وبعدها بربع ساعة زين صحى الغريبة ان زين مش فاكر اى حاجة والفترة الى عرف فيها دانى اتمسحت من ذاكرته وكذالك دانى نفس الموضوع بس دانى صحيت مش فاكرة اى حاجة خالص ولا هيا مين ولا انها متربية ف ملجا
الفترة الى فضلوا فيها فى المستشفى كان كل طاقم التمريض والدكاترة بيحكوا ويتحاكوا بحكايتهم وعن قصة الحب الى بينهم رغم انهم ميعرفوش الحكاية بس ان شاب يقتل نفسه عشان حبيبته ماتت دا بحد. ذاته بيسموه جنون العشق والبنت ف اللحظة الى حبيبها يموت قلبها الى كان مات يصحى تانى
كانت قصتهم تريند المستشفى البنات كانوا بيحسدوا دانى على زين وجماله شاب قمر والدكاترة معجبين ب دانى لانها فعلا اقل ما يقال عنها جميلة.....

:- دكتور دانى
مبروك ي حج الانسة صحيت
( فى نفس الوقت)
:- دكتور
مبروك ي حج الحمد لله الاستاذ صحى

الدكاترة بقوا يبصوا لبعض بجد معجزة الاهية

:-دكتور دانى
بس فى مشكلة الانسة صاحيه مش فاكرة اى حاجة وهنطر نعمل اشعة على المخ عشان نتاكد انها مش مشكلة عضوية
:-دكتور زين
احييه 😳
:- دكتور دانى
احم... اى يا دكتور الفاظك
:- دكتور زين
اعذرنى يا دكتور بس زين برضوا نفس الموضوع صاحى مش فاكر اى حاجة
:- دكتور دانى
اسمحلي ي دكتور اقولك ( احيييييه)
:- عبد الرحمن
فى اى يا دكاترة اى الاسلوب دا..... ما حد يقول حاجة تتفهم
:- دكتور زين
بص ي حج الحالة دى نادرة وتقريبا معدومة انهم يصحوا فى نفس الوقت وكمان فاقدين الذاكرة
واضح انهم اتعرضوا ل صدمة قوية خلت العقل يدافع عن نفسه انه يمسح الفترة دى من الدماغ عشان ميتاثرش بيها
بس لازم نعمل اشعة ونعرف مدى الضرر

فى الوقت دا خرج زين اخدينه لتصوير الاشعة وفى نفس الوقت خرجت دانى بس كل واحد راح ف اتجاه عبد الرحمن راح مع دانى وعثمان مع زين
دخلوا الاتنين سوا بس مكنوش شايفين بعض بسبب ان كانت معاهم كل واحد ممرضة واقفة معاهم ف حاجبة الرؤية عنهم