وردة و سيف ( rose and a sword)

سر زمان

بعد ساعات طويلة الكل فيها كان بيدور على دانى وزين الى مسبش مكان مدورش فيه عليها وكمية القلق والخوف الى كانت واضحة عليه

:- مصطفى
متخفش يا زين هترجع...
:- زين
مخفش ازاى بس... دى اول مرة دانى تيجى هنا ومتعرفش حد ولا حتى تعرف الطرق واحنا بالليل
:- مالك
انا مش عارف بس هيا اختفت كدا ف لمح البصر ازاى
دا احنا يادوب بس ركبنا الخيل وطلعنا وراها وهيا بس فلحظة اختفت
:- زين
انا لازم انزل ادور عليها تاانى مستحيل اسيبها برا لوحدها
:- سمر
هه... كل حاجة دانى... بس جت يوم البيت وخلت الكل بيجرى وراها
انا كنت هحبها بس دلؤتى انا بكره البنت دى اتمنى من قلبى مترجعش ابدا او تموت وارتاح منها 

ولسة سمر مكملتش كلامها وكلن فى صوت خيل برا وكان صوت عااالى كانه بيستنجد او موجوع
خرج الكل وكانت الصدمة
كان اصيل بيجرى ف المكان وبيدب برجليه ودانى على ضهره نايمة وكلها مية
باه كل شخص بيحاول يقرب من دانى اصيل يهاجمه وكان خايف عليها فعلا
لحد ما قرب زين براحة من اصيل وفضل يهدى فيه لحد ما هدى ووقتها قدر ياخد دانى من على ضهرة وكان عبارة عن لوح تلج ونبضها ضعيف
اصيل فضل يدب ف الارض ب رجله بصله زين وقاله هتبقى كويسة
كأن اصيل فهم على زين وبدا يهدى وقتها جه الحارس ودخل اصيل الاسطبل بس اصيل فضل يصههل طول الليل ويدب ورافض اى اكل
زين طلع ب دانى الاوضة وطلبوا دكتور فورا
والشباب كانوا معاها وقتها سوسن مامت زين طلعتهم برا الاوضة

:- مالك
يا مرات عمى مالك بطلعينا لى عايزين نطمن عليها
:- زين
استنى بس يا امى هطمن عليها واخرج
:- ياسين
بس ثانية انتى عمالة تطردى فينا... هنطمن بس
:- سوسن
اطمن ماشى بس بعد ما اغير للبنت هدومها... ولا عايزين تفضلوا واقفين وانا بغيرلها يا قليل الادب منك ليه
البنت هدومها كلها متعبية مية ولازم تقلعها وانتوا مصرين
:- مصطفى
خلاص خلاص مكناش نعرف احنا خارجين

بعد شوية جه الدكتور وكشف على دانى وكان الوقت متاخر كان الفجر اذن
خرج الدكتور وكان قلقان......

:- الدكتور
البنت دى اتعرضت لحالة غرق وشربت مية كتير بس هيا بقت كويسة هيا بسقفدة الوعى لان واضح انها وقعت وقعة شديدة شوية بس هتبقى كويسة شوية و هتصحى
:- عثمان القاسم
يعنى هيا كويسة يا دكتور
:- الدكتور
متقلقش يا كبير البنت هتبقى كويسة... بس واضح ان عندها طلق نارى ف جمبها اليمين وواضح انه بقاله ايام ولسة مخفش تمام والجرح التهب وتلوث لانها فضلت ف المية كتير

مشى الدكتور والكل فضل مستنى دانى تصحى عشان يعرفوا كانت فين واى حصل
دخل زين عليها والكل شاف لهفة زين عليها وادام الكل جرى عليها ورفعها نص اعدة واخدها ف حضنه وبقا يشدها لحضنه اوى
وقتها الكل كان مندهش وسمر قلبها كل مدى بيولع نار من دانى
ولما جده شاف حدا عرف ان دانى هيا البيت الى زين بيحبها
ودا مش فى مصلحة زين وقتها الجد نادى على زين وطلب من الكل يطلع من الاوضة
واخد. زين ونزلوا اوضة المكتب