وردة و سيف ( rose and a sword)

البارت الخامس والعشرون

دخلت وسط الموضوع عشان تخرب الدنيا وترجعه ليها
دخلت وعارفة ان كلامها هيغير كل حاجة
انتهزت فرصة سوء الفهم والموقف الغلط وضربت ضربتها عشان ترجعه ليها

:- سمر
ايوا كان عايز يقتلك... او بالاصح كان عايز يقتل ابوكى
:- زين
اخرسى ي سمر كلمة زيادة وهقتلك
:- سمر
هتقتلنى زى ما عملت ف دانى... اقتلنى ي زين بس انتا جوزى انا
ايوا ضربك بالنار وكنتى هتموتى ولانك كنتى بتحبيه ومحاولة قتله ليكى دخلتك ف صدمة وخلتك مش فاكرة اى حاجة

عثمان القاسم استغل الحتة دى عشان يكره دانى ف زين وتبعد وترجع المانيا تانى و بكدا عبدالرحمن هيمشى بعيد عن نور واحتمالية انه يشوف نور تانى هتنعدم

:- عثمان
ايوا يا بنتى زين حاول يقتلك.....

وهنا كانت الصدمة ان جد زين بيصدق على كلام كذب رغم انه عارف الحقيقة حتى الشباب اتصدموا
وعبد الرحمن كان بيقيد الفكرة وقال امين على كلام عثمان لانه كان عايز بنته تبعد عن المكان الى كان سبب ف تعاسته

:- عبد الرحمن
عرفتى لى يابنتى كنت قلقان ترجعى مصر كنت خايف زين يرجع يحاول يقتلك
:- دانى
( عيونها كلها دموع وبتبص ل زين وهيا مش مصدقة)
انتا فعلا حاولت تقتلنى يا زين طب لى حد يفهمنى

وقتها الكل ارتبك ومحدش عرف يرد بالذات عثمان لان السر هيتكشف
وقتها عبد الرحمن اتدخل ف الكلام

:- عبد الرحمن
هو كان عايز يقتلنى انا بس انتى وقفتى قصاده ورغم انك اترجتيه ميضربش بس صمم وضربك رصاصة
:- زين
انتوا بتقولوا اى بطلوا كذب انتوا كلموا اتجننتوا.... حبيبى بصيلى دانى حبيبى صدقينى انا مكنش قصدى اقتلك مكنتش عايز اضربك
:- دانى
( بدموع) كنت عايز تقتل بابا يا زين طب لى ومفرقش معاك انا
:- سمر
انتا فامرة زين بيحبك... زين بيحبنى واتفقنا سوا عشان يقربك ليه تانى عشان يستدرج ابوكى ويرجعه من المانيا ويقتله تانى
:- زين
كدب كلهم بيكدبوا ي دانى..... حبيبى ادينى فرصة افهمك كل حاجة
:- سمر
هتفهمها اى يا زين هتكدب عليها تاااانى خلاص خطتنا نجحت وابوها جه لحد بيتنا
اقتلك وريح نفسك
:- زين
اخررررررررررسى انا هطلقك يا وسخة هطلللللقك فهمة
:-دانى
كل عيلتك بتكدب وانتا الى صادق.... انا معرفش كان بينا اى زمان انا مش فهمة حاجة مش عايزة اصدق بس الكل بيقول كدا انتا تفسك قولت كدا
لى يا زين انا اه معرفكش غير من كام يوم بس انا ارتحت معاك وقليى اطمنلك... لى يا زين حرام عليك
:- زين
حبيبى بصيلى ( ورفع وشها ب ايده) انسى كل الناس دى واسمعى منى... دانى انا بحبك محتاج انك تثقى فيا وتصدقينى اسمعينى الى هقوله
:- دانى
( زقته)  ابعد عنى انتا قاتل ضحكت عليا وكنت عايز تقتل بابا... انتا اسوأ حتى من ممدوح
اقولك حاحة يا زين انا هتجوز ممدوح...
انا بكرهك يا زين بكرهك
( دانى كانت بتتكلم وتصرخ ومش عارفة هيا بتقول اى)
:- زين
لاااء لاء ي دانى لاء كله الا كدا عاقبينى اقتلينى ( وطلع سلاحه وحطه ف ايدها ورفعه على قلبه وحط صابعها على الزناد)
اقتلينى قبل ما اشوفك مع الحيوان دا او مع حد غيرى دانى انتى حبيبى انا انتى حتة منى ومقدرش اسيبك ل غيرى... اقتلينى بقولك

دانى لسة رافعة السلاح وبتعيط ومنهارة وايدها بتترعش وزين ضامم وشها بايدها وبيبص ف عيونها وهيا عيونها كلها دموع وبتعيط
ف الوقت دا ممدوح و سمر عمالين يبصوا لبعض ويغمزوا ان الخطة نجحت
وفى لحظة ضربة نار طلعت وصمت بين الكل........

خلص البارت