وردة و سيف ( rose and a sword)

غبية وطفلة

دانى كان بؤها مليان اكل كانت بتاكل بفجعة ورغم كمية الاكل الى بتاكلها الا انها جسمها رشيق ومرسوم
وبعدها لما الحرس رن دانى من نفسها وبؤها مليان اكل

:- دانى
مييييييين
:- عثمان القاسم
افتح يا زين انا جدك......

وقتها مالك حط ايده على بؤ دامى وسكتها وكتم صوتها
ودانى حاولت تتكلم وحست بغرابة لما كلهم اتخضوا من اسم الى ع الباب

:- زين
مالك. دخلها بسرعة جوا واقغل عليها وخليها متنطقش بحرف
:- دانى
اييييه بس انا لسة جعانة
:- مالك
هوووووس هنفهمك بعدين وهنعملك اكل تانى بس حاليا اسكتى
:- ياسين
بسرعة يا مالك دخلها جوا
:- زين
( مسك دانى من كتافها وهيا كانت حست ب خوف و بلعت الاكل)
هفهمك بس تدخلى جوا ماشى يا دانى... ومتتكلميش خاالص

دانى هزت راسها ب طيب واخدها مالك ودخلوا

:- عثمان القاسم
اى يا ولاد كل دا عشان تفتحوا
:- زين
( فتح الباب)  معلش ي جدى كنا بس بنتعشى و كدا تعالى ادخل
:- عثمان القاسم
ما يابنى خلصوا اكل الاول وانا هستناك عايزك ف موضوع مهم
:- زين
لاء ي جدى خلاص خلصت تعالى نتكلم

ياسين ومصطفى اعدين ع الارض ساكتين ولما جدهم دخل استغرب من اعدتهم

:- عثمان القاسم
اى دا... اى المنظر دا... انتوا اعدين على الارض لى فين السفرة. فين مالك.. لسة مجاش ولا اى
:- مالك
( فتح باب الاوضة وخرج)  انا هنا ي جدى انا بس كان معايا مكالمة.....

مصطفى وياسين و مالك راحوا سلموا على الكبير وباسوا ايده وكذلك زين

:- عثمان القاسم
بص يا زين بكرا خطوبتك على بنت عمك سمر ولازم تكون هناك من بدرى
:- زين
( بدهشة.)  خطوبتى انا وسمر 😳
بس انا مقولتش انى هتجوزها وانا مش موافق دى زى اختى وبس
:- عثمان القاسم
وانتا من امتى بتكسر كلامي يا زين ومن امتى حد بيكسر كلامى
:- زين
انا مش بكسر كلامك ي جدى بس انا مش بحب سمر انا بحب واحدة تانية
:- عثمان القاسم
واحنا من امتا بنحب ومن امتا عشيرة القاسم بتحب وليها قلب وبعدين يعنى اى بتحب
بس لو بتحب انا موافق ب البنت لو من العشيرة بتاعتنا
:- زين
لاء ي جدى مش من العشيرة.....
:- عثمان القاسم
( رزع العصاية بتاعته ف الارض بغضب شديد)
انتا اتجننت يا زين اى الى بتقوله دا انتا واعى ل كلامك انتا عايز تكسر قوانين العشيرة عشان خاطر بنت... اسمع ي زين لو حد سمع الكلام دا هتبقى لقمة سهلة يا زين
:- زين
انتا عارفنى يا جدى كويس وعارف انى ولا مرة كسرت كلمتك ولا عمرى هكسرها بس انا بعرفك انى مش موافق على الخطوبة دى وانى بحب بنت تانية
:- عثمان القاسم
البت دى انتا هتنساها يا زين انتا فاهم
:- زين
لاء مش فاهم يا جدى وانتا طول عمرك عارف ان صوتى من دماغى انتا ناسى انك انتا الى مربينى مش ابويا واذا كنت انتا عنيد ي جدى انا اعند. منك مليون مرة واظن انتا عارف
بس انا زى ما قولتلك انا ولا مرة كسرت كلمتك وهخطب سمر بس انا مبحبهاش ومش هكسر كلمتك يا جدى
:- عثمان القاسم
ماشى يا زين بس مش عايز سيرة البت الى بتحبها دى تيجى على لسانك تااانى
الحب ضعف يا زين ولو بقا ليك نقطة ضعف يابنى هيمسكوك منها ووقتهازهيقدروا يتحكموا فيك