الجزء الاخير❤شكرا على تفاعلكم السكر زيكم❤بقلم سولييه نصار💙
ابتسم أسامة بإنتصار .....بصيت علي احمد لقيته حاطط وشه في الارض ومكسوف اووي....ابتسمت ومسكت ايده وقولت :
-بجد احمد مقاليش ...عموما انت خسرت مهندس شاطر اوووي يا أسامة بجد من اول ما جه شركتي والشغل اتحسن ...
ضحك أسامة وقال:
-بس انك تتجوزي واحد مش من مستواكي ده يعيبك يا بيبي ...بس ده اخرك انا قولت لما اسيبك محدش مناسب هيبصلك ...
حسيت احمد اتعصب شديت علي ايده وقولت وانا مبتسمة:
-اها قصدك لما خلعتك لما خونتني...بس معلش محدش بياخد كل حاجة يعني صحيح هو اقل منك ومني بس راجل ودي صفة مش فيك انت
-هايدي احترمي نفسك
-مالك يا أسامة انا بقول الحقيقة ...
قربت من احمد وضحكت وقولت :
- احمد اثبتلي ان الفلوس مبتعملش راجل ...انت فاكر اني بعدك هوقف حياتي ...بالعكس انا حياتي معاك كانت واقفة ....كنت كاس*رني كل يوم بخيانتك ليا ...بس دلوقتي حياتي اتحسنت لما سبتك....وبقت احسن لما عرفت احمد ...
بصيت لخطيبته وقولت:
- علي فكرة انا مش متضايقة منك ولا بكرهك انا شفقانة عليكي لانك اتورطتي مع واحد زيه ملوش امان ...اسامة عمره ما حب حد الا نفسه عمره ما اهتم الا بنزواته .
ابتسمت تاني وانا ببص لأسامة وقولت:
-اظن حققت هدفك وشوفت خطيبي يالا بقا روح عشان ده حفل للمقربين مني وانت ملكش مكان ...
اتغاظ أسامة وهو بيبصلي واخد خطيبته ومشي ......
..
قربت نورا وهي بتضحك وقالت :
-برافو يا هايدي اديتيله علي دماغه
بصلي احمد بأسف وقال:
-اسف اني كنت هبوظ الخطة ...بس برافو عليكي رديتي عليه كويس ...
-خطيبتك مش قليلة علي فكرة
-لا خطيبتي مين ...انتي هتبليني بيكي ولا ايه يا ست انتي انا ساعدتك بس مقابل الشغل وخلاص كده
-بهزر معاك انا تطول انا ابقي خطيبتك
-الحمدلله اني مش اطول ده انتي جبارة مسحتي بكرامة أسامة الأرض انا اخاف منك بصراحة
ضحكت وقولت:
- طيب خلاص كده روح انت وتعالي بكرة وهديك الفلوس اللي وعدتك بيها ...
هز رأسه وقال:
-لا مش عايزة فلوس انا ساعدتك لله
- بس
- من غير بس كفاية انك شغلتيني عندك يالا سلام ...
مشي فابتسمت وحسيت أن قلبي دق ليه ...
- ايه وقعتي يا برنسيسة
قالتها نورا بخبث فضحكت وقولت:
-شكلي كده ...
.....
مرت الايام واحمد اثبت جدارته في الشغل ..
الناس كلها حبته ...كان لطيف ومتواضع اووي ...كنت كل لما تمر الايام بتعلق بيه اكتر ...وكنت خايفة ان مشاعري تكون من طرف واحد لحد في يوم كنت رايحة علي مكتبه وسمعت اللي غير حياتي وفرحني:
-ليه متقولش انك بتحبها يا احمد ...انا بشوف نظراتك ليها وعلي فكرة هي كمان بتحبك ..
-بطل هطل يا عادل ...هايدي هتبص لواحد زيي علي ايه ...ايوة بحبها بس مينفعش شوف هي فين وانا فين انا واحد يدوب ظروفي اتحسنت وهي صاحبة شركة ليها مستوي معين انا مقدرش أعيشها في المستوي ده ولا ينفع اعيش من فلوسها...فالاحسن اتخلص من مشاعري السخيفة دي ...
- طيب لو مقدرتش
-بسيطة هسيب الشغل ...بس مش هعلق قلبي بوهم ...مش ناقص وجع قلب انا ...
... .
- يا بنتي انتي مجنونة ...ايه اللي بتفكري فيه ده
-متحاوليش يا نورا هتجوزه يعني هتجوزه
-اتجوزيه يا ست انا منعتك بس مش بالطريقة دي
-نورا انا قررت انتي معايا ولا لا
-معاكي وربنا يستر من افكارك اللي هتوديني السجن دي ....
........
وقفت قدام باب بيت احمد وخبطت ...فتحتلي والدته وبصتلي بخوف وقالت:
-انسة هايدي خير فيه ايه
-ابنك يا حاجة
-ماله
-وعدني بالجواز وخلف ...
- يا بنتي حرام عليكي بطلي كدب شيبتي راسي المرة اللي فاتت
-لا المرة دي بجد حتي شوفي صور خطوبتنا
وطلعتلها صور خطوبتنا المزيفة
- يا احمممممد
زعقت امه
خرج احمد من اوضته وبصلي تاني وقال :
-انتي نيلتي ايه تاني ...
مسكت امه عصاية المقشة وجريت وراه وهي بتزعق وقالت:
-بتخطب من ورايا يا عرة...يا خسارة تربيتي فيكي ...
- يا امي اسمعيني بس
-اخرس واطلع برة بيتي مش عايزة اشوف وشك تاني ...منك لله فضحتني.
وبعدين طردته وطردتني...
مسكني من ايدي وزعق:
-انتي بتهببي ايه تاني يخربيتك
-الاه مش عيب تزعق لخطيبتك كده ...هتعمل ايه بعد الجواز
-هايدي حبيبتي دي كانت مسرحية فوقي
- الله كلمة حبيبتي حلوة اووي منك قولهالي بعد الجواز
بصلي بصدمة ...وبص لنورا وقال:
-هي شاربة حاجة
-لا هي لاسعة كده طول عمرها
-ايوة انا مجنونة اعمل خير واتجوزني انا عارفة انك بتحبني
- هو عادل ...
-لا انا سمعت
-واكيد سمعتي ايه اللي مانعني ...هايدي مش هقدر اعيشك في نفس المستوي ولا أقبل اعيش من فلوسك ..
- انا راضية بأي مستوي...ما تخلص. يا عم مش هتلاقي عروسة اقمر مني
بصلي وضحك وقال:
-ولا هلاقي في جنانك💙
احمد صمم يستقيل من شركتي بعد خطوبتنا الرسمية حب انه يكون نفسه بعيد عني وفعلا اشتغل في شركة احسن وحسن مستواه اكتر وبعد سنة اتجوزنا وعشت السعادة اللي نسيتها مع أسامة ....احمد اثبت ان الراجل مش بفلوسه ولكن بأخلاقه
تمت
#حب_غير_متوقع
#سولييه_نصار
