الجزء التاني♥️شكرا علي تفاعلكم السكر♥️بقلم سولييه نصار♥️
-صاحبتي ...ملقيتش الا صاحبتي
صرخت بتعب فبصلي ببرود وقال:
-بحبها اعمل ايه هي اللي هتسعدني بما انك فشلتي ...هي اللي هتجيب ليا الطفل اللي أنا عايزة ...واحدة سليمة مش واحدة بجري بيها علي الدكاترة ...
دموعي نزلت كنت هتجنن ...ده مش جوزي ...مستحيل ده معتز اللي حبني وحبيته ...اكيد في حاجة ....
قومت بتعب وقربت منه ومسكت ايديه وقولت:
-معتز مالك ...لا بجد مالك أنا مي حبيبتك حصلك ايه
-معرفش بس انا كا*رهك فعلا مش طا*يقك ...وجودك خانقني .. أنا عايزة اطلقك بس عامل حساب انك مريضة ...أنا عاوز اتجوز يا مي وده حقي ...
بعدت وانا ببكي وقولت بحزن؛
-طيب عايز ايه مني
-تقنعي صاحبتك أنها توافق عليا ...اكيد هتر*فضني عشانك ...انتي اقنعيها...
كنت مك*سورة ومق*هورة ...كان نفسي اصرخ واقوله طلقني ...بس هروح فين وانا مريضة بالشكل ده بصتله وقولت بتعب :
-حاضر يا معتز ...
ابتسم بسعادة ...وشه نور حرفيا ....يااه للدرجادي حبها ...طب حبها امتي ...مروة اصلا ملهاش تعامل مع معتز ...
تاني يوم طلبت مروة تيجي وجات وكلمتها بهدوء عن طلب جوزي ...
-انتي مجنو*نة صح ....عايزاني اتجوز جوزك ازاي
زعقت فيا مروة ...
-يا مروة اسمعيني
-لا اسمعك ايه ....عايزاني اتجوز جوز صاحبتي ...عايزاني اك*سرك بالطريقة دي ...انتي مجنونة ...قوليلي بجد مش فاهماكي ...
بكيت علي حالي ...قربت مروة وحضنتني وقالت بشفقة:
-يا حبيبتي انا عارفة انك حاسة بالذنب بسبب جوزك بس ربنا إن شاء الله هيشفيكي متقلقيش أنا واثقة في كده وهترجع قصة حبكم زي الاول واكتر كمان ...لكن أنا مقدرش اك*سر سعادة صاحبتي بالشكل ده ...ابوس ايديكي متحطنيش في اختيار زي ده . .
-عشان خاطري وافقي ...ابوس ايديكي يا مروة لو ليا معزة عندك وافقي ...لو بتحبيني ...
بكت مروة وهي بتشوف حالي ...مسكت ايديها وكنت هبوسها ....بس هي بعدت ايديها وقالت:
-بس يا مي كفاية !
بكيت فبكت وهي بتبصلي وقالت:
-حاضر ...حاضر موافقة ...
وبعدين حضنتني جامد وهي بتبكي هي كمان ...
.........
مرت الايام وبدأ جوزي يجهز لجوازه منها وانا بتقطع من جوايا وكل يوم تعبي بيزيد وحاسة نفسي هم*وت ...
قبل الفرح بيوم اتصلت بيا مروة وهي بتبكي وبتقولي أن حالة امها فجأة بقت وحشة وأنها بت*موت وطالبة تشوفني ...دي غريبة اووي هي مكانتش تعبانة اصلا ....جيت علي نفسي ولبست وروحت ...
لقيت مروة بتبكي وبصتلي بحزن وقالت:
-امي عايزاكي يا مي ملهاش سيرة الا انتي ....معرفش فيه ايه بس بتقول انها عايزة تك*فر عن ذ*نبها ...أنا مش فاهمة حاجة ...هي بقالها فترة مش طبيعية والنهاردة بقت كده ...ذن*ب ايه ده يا مي اللي عملته معاكي
- معرفش ..يالا نشوفها وهنعرف
دخلت لقيت وشها مس*ود وباين عليها انها تعبانة ... بصتلي وانفجرت في البكا وقالت:
-سامحيني ...سامحيني أنا بتعذ*ب...
-اسامحك علي ايه
قولتها بصدمة وخوف وانا شايفاها بتتعذ*ب ...
بلعت ريقها وقالت:
-بنتي مروة كانت بتحب جوزك قبل جوازكم ...كانت فاكرة أنه هيتجوزها بس هو مكانش شايفاها اصلا ..كان شايفك انتي ...هي مقالتلكيش كده عشان متزعليش
-ماما
زعقت مروة بس انا شاورت لمروة تسكت وانا بتوصل لحاجة ...اتنهدت ام مروة وقالت:
-هي مقالتش لحد علي مشاعرها بس انا حسيت بيها ...شوفتها بتبكي ليلة فرحكم عشان كده ...عشان كده ...
قعدت تبكي وتقول :
-عشان كده عملتلك سح*ر بالمر*ض والمو*ت وان جوزك يكر*هك ودفن*ته في قب*ر واحدة ..
-ايه ... عملتي ايه
صرخت مروة وهي بتلطم ..قعدت علي الكرسي بتعب ...قربت مروة من امها وهي بتصرخ :
-حرام عليكي ...حرام عليكي ده كف*ر ...هي ذنبها ايه ...
قعدت ام مروة تبكي ...قربت أنا منهم وقولت:
-الق*بر فين ...لازم نفك الس*حر ده والا همو*ت ...
-الق*بر في....
وقبل ما تكمل ام مروة كلمتها غمضت عينيها وما*تت ومقدرتش اعرف مكان الق*بر!!!
يتبع
#يحيا_العشق
#سولييه_نصار
