الجزء التالت♥️شكرا علي تفاعلكم السكر♥️بقلم سولييه نصار♥️
-انت بتعمل ايه هنا ؟
زعقت فيه
-سميرة أنا
-اخرس ...اخرس خالص اياك تتكلم ...اياك تبرر حتي أي تبرير مش هيصلح اللي عملته فيا ...انت دمرتني عارف يعني ايه د*مرتني ؟!كسر*تني قدام كل الناس خليتهم يضحكوا عليا ...ما دام مش قد الجواز طلبتني ليه ...ما دام مش عايزني ليه ربطتني بيك ...ليه عيشتني في الاحلام ...
كنت بزعق وانا بعيط ... قلبي حساه هينف*جر من الو*جع كنت عايزاه يبرر ويسكت في نفس الوقت ...خايفة يقول تبرير اصدقه وارجع أمن ليه ..
-انا عارف اني غلطت اووي في حقك ومليش مبرر غير اني حق*ير ترددت اتجوزك ...للحظات حسيت انك مش البنت اللي أنا عايزه...
بصتله بصدمة وقولت:
-ومحستش بكده الا قبل الفرح علطول محستش بكده وانت رابطني جمبك تلات سنين ...محستش بكده وانت بتقولي كل يوم انك بتحبني ..
-يا سميرة
-لا لا متتكلمش انت بس كنت بتتسلي بيا ولما جه الجد خوفت ...صعب عليك أن تلبس واحد جمالها متواضع زيي
بص للأرض وكان لسه هيتكلم قاطعته وقولت:
-امشي يا رائد أنا دلوقتي ابقي مرات اخوك وميصحش تقف معايا ...ادم لو جه هيتضايق
-جوازك من ادم مز*يف أنا عارف كده
-بس ادم يبقي جوزي هو اللي وقف جمبي بعد ما انت هربت وسيبتني مك*سورة
-ادم مبيحبكيش
-مش مهم كفاية أنه وقف جمبي ...
قرب ومسك ايدي وهو بيزعق:
-افهمي أنا ندمان وجاي اقولك دلوقتي خلينا نرجع اديني فرصة ...
لسه هرد عليه صرخت لما لقيت حد بيبعده عني وبي*ضربه ...بصيت لقيت ادم جه من برة وقعد يض*ربه قدام البيت ...
-ادم سيبه ابوس ايديك ...
بس ادم مسمعنيش قعد ي*ضرب فيه جامد ...وبعدين مسكه من قميصه وقال بتهديد :
-سميرة تبقي مراتي ...اقسم بالله يا رائد لو لقيتك جمبها تاني لاق*تلك فاهم ولا لا ؟
وبعدين زقه ودخل ودخلني وقفل الباب ...لسه ههرب منه واروح الأوضة لقيته مسكني من أيدي جامد وهو بيزعق وقال:
ايه اللي أنا شوفته ده؟!
-سيبني
ضغط علي أيدي جامد وهو بيزعق وقال:
-انطقي يا سميرة ومتجننيش ازاي تطلعيله بالشكل ده طالعاله بشعرك ولا كأنك متجوزة
-افتكرته انت وطلعت بسرعة
-كنتي قفلتي في وشه الباب
بصيتله بتوتر وقولت:
-عندك حق ... غلطت وانا اسفة ممكن دلوقتي تسيبني
ساب أيدي فبعدت ولسه هروح اوضتي قال:
-كان عايز منك ايه ؟!
بصتله وقولت؛
-كان عايز يرجعلي
ضحك بتريقة وقال:
-وطبعا انتي طيرتي من الفرحة
-لا أنا قولتله اني متجوزة ...أظنك عارفني كويس وعارف أخلاقي. ...بعدين انت مفروض تفرح لو قررت ارجع اخيرا هتخلص مني بس انا مستحيل ارجع لرائد بس برضه مستحيل اكمل المسرحية السخيفة دي ..
بصلي بتوتر وقال :
-مش فاهم تقصدي ايه ؟!!
-اقصد أن بشكرك علي اللي عملته معايا اووي بس كفاية لحد كده إهانة ...طلقني يا آدم واتجوز اللي بتحبها متحرقش قلبك وقلبها اكتر من كده .
-مفيش طلاق
-يعني ايه ؟!
-يعني مش هطلقك
يتبع
#حطم_قلبي
#سولييه_نصار
