الجزء الأخير♥️شكرا علي تفاعلكم السكر♥️بقبم سولييه نصار♥️
-انت أكيد بتهزر صح
قولتها وانا مصدومة
-ليه أنا بحبك وبطلب فرصة لينا سوا
-وامتي حبتني ان شاء الله للدرجادي فاكرني هبلة
بص للارض وقال بهدوء:
-انا صحيح مش بحبك واسف اني كدبت بس مش عايز اخسرك ...مش عايزك ترجعي لرائد ..ده انسان اناني...
ابتسمت بحزن وقولت:
-وانت زيه يا ادم اناني زيه بالضبط ..
-انا يا سميرة
-ايوة انت ...انت بتعمل كل حاجة تقدر عليها عشان مرجعلهوش مش عشاني ...لا عشانك انت ...انت عايزه يخسرني زي ما انت خسرت مها صح ...
بصلي وهو مصدوم دموعي نزلت وقولت:
-انا طيبة أه بس مش غبية ...أنا مش لعبة بينكم يا ادم ...مت*نتقمش من رائد فيا أنا لاني مش هسمحلك بكده ...أنا خلاص مش هسمح لأي حد يستخدمني او ي*أذيني ...
-يعني ايه
قالها بتوتر...
-يعني يا ادم طلقني احسنلك
-ولو قولت لا
اتنهدت بتعب وقولت:
-هضطر اخلع*ك مع اسفي الشديد ...
-انتي بتتحديني
هزيت راسي وقولت:
-لا بس بحمي نفسي
-هترفعي قضية طبعا لو خرجتي من هنا ...لكن أنا هحبسك
جرس الباب رن ...ابتسمت وقولت :
-اتأخرت يا ادم أنا في غيابك اتصلت بأهلي ياخدوني أخيرا هما هيعملوا بنتهم كرامة ...
بصلي ادم بصدمة...
راح وفتح الباب واهلي دخلوا ..طلعت شنطتي اللي مخبياها تحت السرير وخرجت ...حضنت امي جامد وانا بعيط ...بص ابويا بح*زن ليا وقالي :
-انا آسف يا بنتي ...أنا اللي عملت فيكي كده ...افتكرت آني لما اجوزك هسترك اتاريني ب*دمرك اكتر وخليت اللي يسوي واللي ميسواش يشتري ويبيع فيكي والنتيجة طلاق بعد اسبوعين جواز
حضنت بابا من غير ما اتكلم ...صحيح كنت زعلانة منه لانه هو اللي اجبرني علي الجواز ده بس هو كل لما افكر انه كده بيحميني ومكانش قصده يأذ*يني بيكون ده عزايا الوحيد ...بص بابا لادم بلوم وقاله :
-ها تحب نخلص هنا وتطلق ولا يكون بيننا المحاكم ...
ادم بصلي لاخر مرة برجاء بس أنا بصيت بعيد ...مكنتش اتمنى حكايتنا تخلص كده أنا عارفة ان هو مبيحبنيش ولا أنا بحبه بس برضه مهما عمل هيفضل هو الانسان اللي وقف جمبي وانا مستحيل انسي فضله ده عليا ...
ادم وافق يطلقني ...جه المأذون وحاول يرجعني عن قراري بس أنا رفضت نهائيا ..وتم الطلاق ...
روحت البيت وانا تعبانة اووي ونومت ...
مر يومين علي طلاقي بحاول اشوف هبدا حياتي منين لما جه رائد وطلب يتكلم معايا
-خير عايز ايه
-انا عرفت ان اخويا طلقك
-وجاي عشان تواسيني
-لا جاي اقولك ان دي فرصة لينا عشان نرجع سوا ...ها ايه رايك يا حبيبتي
-استني يا حبيبي هيجيلك الرد فورا ..
-براحتك يا سوسو
جبت حزام ابويا وبكل قوتي ضربته علي ضهره ...صرخ وقال:
-انتي اتجننتي يا سميرة؟!!
-ولسن هتشوف الجنان الحقيقي لو ممشيتش من هنا يا عرة ...غور يالا
مشي رائد وخلصت منه ..مكانش ينفع أقبل بحد فيهم الاتنين واخديني تحدي وانا اللي هد*مر وسطهم مش أنا بس علاقة الاخوة اللي بينهم هتت*دمر وضميري مش هيستحمل حمل زي كده ...قررت أقضي فترة عدتي في البيت بعيد عن الناس اللي هتسال مكنتش عايزة اقابل حد ...خرجت اللاب توب بتاعي وقررت أبدأ من جديد ...قررت اكتب اللي انا حاسة بيه في مذكراتي. ..فضيت كل احزاني فيه ...بمرور الوقت الفضفضة تحولت لقصص صغيرة الفتها وانا حاسة نفسي عايشة جواها وبعدين بدأت اكتب روايات كتبت كتير اووي ..رومانسي درامي رعب وطورت نفسي جامد ....
مرت سنة. .
كنت محاطة بالفانز بتوعي في حفل التوقيع الخاص بيا ...كنت بطير من الفرحة ...لو كنت فاكرة ان الحب حلو لا النجاح طلع احلي ...لما احب نفسي وافتخر بيها واصمم وانجح احسن ما اربط حياتي بإنسان يأ*ذيني ...أنا وثقت وامنت في نفسي وبتمني من الكل يعمل كده ♥️
انت
#حطم_قلبي
#سولييه_نصار
