🥀NEVER ENDING PUZZLE //JJK 🔞 🥀 (On Hold)

Chapter 10

ඉයුන්හා එතනින් නැගිටින්න හදද්දිම

" හරි සනීපයි සද මෙතන"

ජන්ග්කුක් ඉයුන්හාගේ පපුවට තුරුල් වෙලා තවත් අත් දෙකෙන් ඉයුන්හා තද කරන් එහෙම කියද්දී ඉයුන්හාට බැලුනේ ජන්ග්කුක්ගේ මූන දිහා.

නපුරු කොල්ලා සැපට තුරුල් වෙලා නිදී.ඒ උණුසුම් හුස්ම විවර වෙලා තියෙන ෂර්ට් එකෙ ඇතුලෙන් ඉයුන්හාගේ පපුවට වදිනවා.ඒ බෝල ඇස් පියවෙලා.තොල් දෙකත් උල් කරන් ඉන්නේ හරියට පොඩි බබෙක් වගේ කියලයි ඉයුන්හාට හිතුනේ.ඒත් මේ දේවල් ඉයුන්හාගේ හිතට බර වැඩී.

කවදාවත් හිතුවේ නැහැ ජන්ග්කුක්ට මෙහෙම ලන් වෙන්න.ඒත් අද ඔහුම ඇය ලගට ඇවිල්ලා.අපේ ජිවිතේ හැමදාම වෙන්නේ නොහිතන දේවල්.කවදාවත් අපි ප්‍රාර්ථනා කරන දේවල් ඒ අයුරින්ම ඉටු වෙනවා අඩුයි.

ඉයුන්හාට ඕනේ මෙතනින් යන්න.මෙතන තවත් ඉන්න තරම් ශක්තියක් තව ඉයුන්හාට නැහැ

අනේ මන් දැන් මොකද කරන්නේ.ඇයි ජන්ග්කුක් මට මේ තරම් ලන් වෙන්නේ.අනික කවදාවත් දැකලා නැති මට මේ පැය ගානට ලන් උනේ කොහොමද.ඔයා එක තප්පරේකට හරි මට ලන්වෙනවා කියන්නේ මට ඔයාගෙන් ඈත් වෙන්න තවත් අමාරු වෙන එක විතරයි ජන්ග්කුක්.අනේ මට මෙහෙම ලන් වෙන්න එපා.

ඔව් මන් කිව්වා ඔයාට මන් ආදරෙයි කියලා.කිව්වා නෙමේ කියවුනා.මන් මොකක් කරන්නද දෙයියනේ මන් මොකක් කරන්නද..ආදරේ කියන්නේ හැගීමක්.හිත ඇතුලෙන්ම ඇතිවන හැගීමක්.ඉතින් මන් කොහොමද ඒ හැගීම් වලට දම්වැල් දාලා තද කරලා තියන්නේ.මාත් මනුස්සයෙක් මටත් හැගීම් කියලා දෙයක් තියෙනවා.

මන් දන්නවා ඔයා කවදාවත් මට ආදරේ කරන්න තියා මන් ගැන හැගීමක්වත් ඇති කර ගන්නේ නැහැ කියලා.ඒත් මට ඔයාගේ අනුකම්පාව එපා ජන්ග්කුක්.වැටි වැටි ආදරේ ඉල්ලන්න තරම්වත් අනුකම්පාව ලබන්නවත් මගේ ආදරේ පහත් නැහැ ජන්ග්කුක්.මට මගේ ආදරේ බාල්දු කර ගන්න ඕනේ නැහැ.

යන්නම ජන්ග්කුක් මන් යන්නම් ඔයාගෙන් දුර ඈතකටම මන් යන්නම්.ආයෙ නොයෙන්නම.මන් ඔයාගෙන් කවදාවත්ම ආදරේ බලාපොරොත්තු උනේ නැහැ වගේම ඉස්සරහටත් බලාපොරොත්තු වෙන්නේ නැහැ ජන්ග්කුක්.මොකද මගේ ආදරේ ඇති අපි දෙන්නටම ඇති වෙන්න ආදරේ කරන්න.