ابن الاجاويد

تكمله البارت الخامس+ البارت السادس

اندارت علينه المره جرت نفس تباوعلنه ، نسرين شلون رضت وخلت بناتج يجن وياج ..

مارضت وتعاركت ويانه ،بس مو بكيفها قابل مخلفتهن ،لو ولي امرهن هيه ، اني امهن ادره بمصلحتهن ..

ابتسمت المره وفرت ايدهاا ، ماباين ابد تعرفين مصلحتهن يازينب ، مادامج حابه كعده هناا جان اجيتي انتي والوليد وبقيتي البنوات يم عمتهن ..

شكو ام احمد جنج ماراضيه على جيتنه ، وجن ثكال صرنه ..

لاياابوي شخاله بجيبي انا ، لمصلحت بناتج احجي ، خاف ميرتاحن هناا ،

لا نرتاح انشالله ، شحلات الكعده يم امير المؤمنين ، من زمان هاويتها ، بس الله يرحمه لناظم ويسامحه ، الي خلانه نكطع رجلنه منااا ..

المره ما

احجت ولا ردت ، صاحت عذراء تعاي اخذي بنات عمج يرتاحن جوه ويبدلن .. صاحت مره ثانيه ماكو جواب ، عافتنه و مشت ليجوه ..

شوي وطلعت ، وياها بنت تطلع بكد مينا ، جارتها جرر من ياختها ،

صاحت هااي عذراء بزر الكعده خيه انطيها تلفزيون تعبده عباده بنت جعفر مافالحه بس بي ..

امي ضحكت كالت هنه بنات هالوكت كلهن هيج بوستها ، وذيج مزنبره ضايجه تالي امها دفعتها وكالت امشي وديهن يغسلن ويبدلن شبيج تصنمتي ..

اشرت تعالن ، مشينه وراها ، دخلنه لغرفه لكيت بنت كاعده جانت مجطوله من شافتنه كعدت مستغربه ، اني تفاجئت بشكلها .

حجت عذراء هاا انتي هناا عبالي فوك بالغرفه .. صاحت امشن فوك بدل ، البنت اشرتلها منوو هذني ..

ضحكت عذراء بنات عمج ناظم ياخيه ، ابوج جابهن ..

البنت فكت عيونها علينه منصدمه صاحت ياااا ، اباوع لوجهه مضروب قريب حاجبها ازرك ويم حلكها ، بطني مغصتني التفتت على مينا صافنه بوجهه وباهته من صدمه ..

سألته شبيج مسويها حادث ..

عذراء'ضحكت فرت بيدها اي حادث اسمه كاظم ..

اخذتنه للغرفه نبدل ، بين مابدلنه اسمع صوت عمي يحجي يكول نقلنه الغراض ، بس تعالن اغسلن البيت ورتبن البيت وافرشن الفراش ،

نزلت مينا واني فتحت برده ، لكيت سياره الحمل صدك مفرغيها واكف هذا الخبل المزنجر وياه رجال سمين كرشه طالع من فالينه ..

لويت بوزي مشمئزه شهل منظر قرررف ، انداريت على بيت عود النه ، مشتمل بنائه تعبان من بلوك صح طابقين ، بس الحايط مالته ناصي ، وكله رطوبه بي حديقه تصير خلف البيت امبينه ..

نزلت واني مختنكه هيه هاي العيشه رادتها امي ، نزلت من درج واسمع عمي ينتر ويحجي ويه مرته يكللها شلون تخلين ايه هناا رجلها يعاتبني جن شارده من بيت وطالعه منه ..