ابن الاجاويد

Untitled Part 43

⚘⚘⚘⚘

#قصةابن_الاجاويد

أسماء:

_٧٠_

#ابن_الاجاويد(رد الدين )

#بقلمي_أسماء_ديمير

خليت اديه على حلكي ، صخام بوجهي ،سالفه صارت بيها طلاك ،

عمتي صاحت يااا يمه لهيب بت خالك شهل حجي ؟؟!!..

فاطمه حجت شبيك لهيب على كيفك ياخوي ..

نترت بيها فاطمه ، ردي خوله حتى حلف يطلكج اذا مارديتي هاي اني كتلج ..

ذيج سكتت ، اسمع صوت بجيها طلع ، وتكللها فوكاها فوك ماامرته ضربتني وضربت اختي ودمتها ، صاير لعبه بيدهاا ويريد يطلكني لخاطرها ..

هو عافنه وصعد اجيت اصعد وراه نتر بيه انزرعي هناا انتي ..

كعدت وخليت اديه بحظني مثل الخوش ادميه هزيت راسي صار ،

عافنه وصعد ، عرفت اليوم ميعدي على خير ..

وجهي صوفر ، كلت شعده صاعد شيسوي فوك ، يماا بس لا ينزل النطااق بيده ..

ضليت افرك بيدي صخاام بوجهي اي والله ، لو منجبه وساكته مو احسن الي ..

التفتت عليه ام لهيب ، يمه ليش حاصره الرجال يمج و خليتها تكلب مشكله مو كلمن يومها ليش تسوين مشاكل .

عمه شنو حاصرته جاهل هو واحصر ، رجال شاف مرته مو زينه ، يكعد يقسم هذا يومج وهذا يومها ، شلون رجال هذا اليعوف مرته مريضه بحجه نومه اليوم يم ضرتج .

حجت فاطمه اي والله شنو الواحد يحجي الحق ، ليش طابكه ويه الباطل ..

ياباطل ولج استحي انا باطله ..

ماكلت باطله بس لو خوله مريضه ، وما بات يمه لهيب ، مو جان اجت شكت الج ، وانتي مارضيتي عليه ، على نايم بحظن الهانم ومرتك مريضه ..

سكتت ام لهيب ودارت وجها ، انداريت كلنه على طبه الباب حيل ، التفتت اني رافعه حاجبي ..

لان العينتين وياها امها ، درت وجهي مبرطمه لا هله ،

امها حجت هيج ياام لهيب صارت تفضلون الغريبه على بنت خاله ، من شوكت معزتنه قلت ، والله ياحيف وكفاتها وياه طول هالسنين وتالي يحلف عليها بالطلاك لخاطر هاي الاجت ذاك اليوم ..

حجت فاطمه مرت خالي ياوكفات هاي تحجين عنها ، اذكرج بعمايل خوله لو لاا ، انتي مو غافله عنها تعرفيها كلش زين ، ياوكفات باله ذكرني وين وكفاتها هيه بس جابت النه الوجع راس والقال والقيل ..

حجت ياياااا ام لهيب راضيه بهل حجي ..

عمتي نترت بفاطمه بس كاافي مو وكتها يمه ..

يايمه شنو مو وكتها وهيه جايه تعايرنه بشي ماله وجود ، فوك مابناتها متعديات على بنات الناس ، وضارباتها نوب فوك الحكه دكه ، رايحه زعلانه لبيت اهلها وتحجي ماارضه اذا مايجي لهيب عند ابوها هذا حجي باله احجي جدام لهيب اذا بيج خير ..