ابن الاجاويد

48,49

صباح  الخيرات

⚘⚘⚘⚘⚘

#قصةابن_الاجاويد

أسماء:

_٤٨_

#أبن_الاجاويد(رد الدين)

#بقلمي_أسماء_ديمير

مشت زفه ونزلت دموعنه وياهن ، عمتي راحت وياها هيه وفاطمه بس اني ضليت بسبب امان والبجي مالته ،

خفت لاتجلب بي مينا ونوب تفك العيون عليها ، عمتي حجت بين مانرجع من الزفه والمصور ، انتي ابقي هنا يم ام لهيب ، من تسمعين اجينه عود امشي لبيت ابو شعلان ..

هزيت راسي اي ..

طلعت سيارات زفه ، او الاصح التعبير موكب من سيارات حمايه وسيارات جمسي ودفع رباعي ، صح احنه ناس فقره ، وماشايفين هيج بس ماطمعنه الله شاهد بفلوسهم ولا مناصبهم ، بكد ماطمعنه بجنح يلمنه جواه ويحمينه ..

يمكن الله دزهم النه ويمكن حظنه الاكشر شمرنه عليهم ، لان رغم الحمايه الوفروه النا ، بس كلوبنه تأذت حيل ونجرحت ..

ضليت يم ام لهيب ، والبيت فرغ من ناس ، وعم الهدوء ، والطرمه خلت من سيارات ، اوووف ياميناا عسا دموعج الي طاحت هسه تكون اخر دموع حزن ، والباقي فرح وسعاده ..

صح شهم بي سيئات بس باين يحبها ، بس ارعن ، مايعرف يصرف وانسان متهور ، عكس لهيييبب تماما ..

تمنايتك هيج متهور يالهيب ، شمالك يحظي دجبرني على زواج منك وحبلني وخلي تصير فضيحه ويزوجونه ..

واكفه وافكر من طااح حظج يالتين ، شسوه بيج الجفاف ، خرب بحظج اي والله شلون تفكير عليه ، بيج جينات من زينب موو دودتي على زلمه ، ضحكت انا وروحي ..

جاا اريد البس بدله شناقصني ؟! كلهن تزوجن ثنين وثالثه ، وانا حتى خطبه مانخطبت ، صدك زركه بس ماعدي حظ الزرك ..

اجاني صوت فززني تردين تعرسين ياابه ..

التفتت بسرعه ، لازمه كلبي يمااا ..

اسم الله شبيج يبه ، تحجين انتي وروحج مثل الخبله ..

انااا .

لاابوي ، صارلج فوك نص ساعه اراقب بيج تسولفين انتي وروحج ..

جريت نفس اي والله افعال بني ادم خبلتني ..

شكو عليج ، تخبلين عشيره بحالها انتي ..

سكتت صافنه بوجهه ، ليش مارحت للزفه ، مو على اساس كافلنه واحنه امانتك ..

الامانه تتسلم وكافل العروس ولي امرها مايروح للزفه يالفهيمه ..

درت وجهي اعذرني ماصرت عروس قبل ، حتى اعرف هالسوالف ،

تحومين على عرس ، شبيج ..

باوعت عليه مقهوره سكتت والصمت شحجي ، احسه يلعب على اعصابي ، مدري هو هيج كتله من الثلج ، هدوووء و رزانه تكتل ..