ابن الاجاويد

البارت 66

البارت السادس والستون

مساء الخيرات

⚘⚘⚘⚘

#قصةابن_الاجاويد

أسماء:

_٦٦_

#أبن_الاجاويد(رد الدين )

#بقلمي_أسماء_ديمير

وكفت لحيلي ماتت؟؟!!

هيه تهز براسها وتبجي ، لهيب حار بدمها باين موكعه المواعين ومجروحه ، الكزاز جواها مجرحها ..

وكفت على صفحه مصدومه ،

ضليت انتفس بسرعه ، لهيب شال لتين من الارض تبجي وتكرر ماتت وماشفناها ..

دفنوها ، اكيد دفنوها بايران ، هيه وصت تموت بالعراق وصت تندفن بالعراق ..

اخذها للصاله يضمد اديه ويبوس براسها ، يسكب بيها ، ام لهيب وفاطمه وراها يبجن ، ويكللها الله يرحمها يمه جانت مريضه ارتاحت ،

دمعت عيوني ، يبوو يازينب حتى بموتج انانيه ، دفنوج وماعدنه خبر ..

حسيت على ايد تخلت على جتفي ، التفتت شهم يباوعلي بأسف ..

جرني لحظنه يواسيني رفعت راسي عيوني مدمعه .

بس رغم هذا مبتسمه همست مازعلانه ، ماتت هيه ارتاحت ، انبح صوتي حجيت ، بس احنه شلون ..

اش الله يرحمهاا ..

رديت بدموعي ، ماجانت خوش ام ، امي ماجانت مثاليه ..

بس امج هاي لاتحجين هيج ، اختج مقهوره شوفيها ، التفتت على لتين صدك مقهوره حيل ، يمكن لان التقت بيها باخر ايامها وشافتها ، يمكن لقائها ويه امي برد نارها وزعلها ..

كعدت على صفحه ، خوله واكفه على صفحه ، حجت يااا يعني امجن طلعت عايشه مو كلتن احنه يتامه ..

مارديت ، شهم نتر بيا حال هنه وتسالين ..

غير اعرف ، شو هذني ماينعرف الهم اصل ،

صااح بيها خوووله لاطلعيني عن طوري ياولو ..

لوت بوزها ، ومرتك عليش ما تبجي اكو وحده توه جابو خبر امها ميته وماتبجي عليها ، نوب دافنيها بلاد الفرس غدددي ، عجل انتن ايرانيات موو ..

كمت على حيلي دايخه ماتحمل ، هاي شلون متحملتها لتين ياربي ، ضلت وراي تحجي وتشمر حجي وشهم يزمخ بيها تالي رفع ايده يضربها وسكتت ..

رحت لتين الوجهه اخمر وتشهك ، كالت خلي اروح اريد امشيلها ..

هيه وصت تندفن هناا اكيد دفنوها بايران ، التفتت عليه ضلت تبجي حيل ..

كالت كولي لاخوانج يبرولي الذمه ، ابريها مينا عليج الله ..

ترى امي هم تعذبت ، المرض كتلها من الالم ، اخر ايامها جانت حتى مشي متكدر تمشي ، بريها الذمه وادعيلها ..