وميض الحب

اسكريبت تاج وعمران❤🙈

#اسكريبت_عمران_وتاج♥️
- عمران أنت بتتكلم جد؟
* أه يا تاج للأسف سيف بيقولك إنه صلى واتضح إنه بيكذب عليكِ.
- لا حول ولا قوة إلا بالله، طيب ممكن تسيبني المرة دي اتصرف ولو فشلت اتدخل أنت.
*تمام يا حبيبي الله يعينك، أهم حاجة براحة بس عليه.
- متقلقش خير إن شاء الله.
* طيب أنا هنزل أنا على الشغل عشان متأخرش لو احتاجتي حاجة كلميني.
- إن شاء الله، في رعاية الله يا حبيبي.
🌸🌸
- جوري تعالي عايزاكِ.
- نعم يا ماما.
- نادي سيف وتعالوا أنا مستنياكم في الأوضة.
- حاضر، سيف سيف تعالى ماما عايزانا.
- أيوة يا ماما.
- بصوا حبايبي أنتوا دلوقتي كبرتوا ماشاء الله وبقى عندكم ١١سنة يعني سيف بقى راجل كبير خلاص وأنت يا جوري بقيتي انسة جميلة، وانتوا عارفين أنا بثق في رأيكم ازاي، عشان كدا عايزة رأيكم في موضوع مهم جدًا.
- اتفضلي يا ماما احنا سامعينك.
- واحدة صاحبتي كلمتني وبتشتكي إن ابنها بيكذب عليها في كل حاجة وخصوصًا الصلاة، يعني مثلا تقول له روح صلي يمشي ويلعب وبعد شوية يجي يقولها صليت، هي اكتشفت دا صدفة يعني كان ممكن جدًا يفضل كدا فترة أطول هي محتارة تواجهه ولا تعاقبة ولا تعمل إيه.
- ممكن يا ماما تتكلم معاه وتعرفه أهمية الصلاة وأنها عماد الدين وربنا هيحبنا أكتر لما نواظب عليها، كمان ربنا شايفة لما بيكذب على مامته فمش هيعرف يكذب على ربنا.
- برافوا يا جوري، المفروض إنه راجل دلوقتي مكلف وهياحاسب على الصلاة دي، ليه يفوت ثواب كبير ونعمة ربنا أنعم عليه بيها إنه يقدر يصلي في المسجد فيضيع وقته في حاجات ممكن يعملها بعد الصلاة، أيه رأيك يا سيف؟
- كلامك صح يا ماما، بس ممكن أسألك سؤالك؟ هو ممكن يكون غصب عنه يعني بيبقى عايز يروح بس في حاجة تمنعه وتخليه عايز يلعب.
- ممم فاتتني دي، طب والعمل يا جوري عندك حل.
- لا يا ماما مش عارفة حقيقي.
- تعرفوا إن دا شيطان بيوسوس له، يفضل يقوله نازل جري كدا ليه مشي براحة، طب أنت ممكن تلعب شوية قبل ما يقيموا الصلاة، طب استنى شوية ويفضل وراه لحد ما يلهيه عن الصلاة، ويفرح الشيطان أنه قدر يسيطر عليه وفاز عليه كمان، طب نعمل إيه أول حاجة نستعيذ بالله من الشيطان الرجيم، وبعدها نواظب على الصلاة ومنديش مجال للشيطان إنه يدخل له ويوسوس له ويحط قدامة على طول إن الشيطان عايز يأذيه علي طول عايزة يبعد عن ربنا، عايز يهزمه ويطلعه ضعيف، متخليش الشيطان يحقق مراده ويخليك تابع ليه، اهزمه وابعده عنك، ارضي ربنا واطلب عفوه دايمًا.
- كلامك صح يا ماما، لازم منسمعش كلام الشيطان، عن إذن حضرتك عشان عندي حفظ كتير، جاي يا سيف؟
- لأ روحي وأنا هاجي بعدين.
- في حاجة يا حبيبي؟
- أنا بس عايز اعتذر لك عشان عملت حاجة غلط .
- يعني عملت شيء بشع..، طيب أنا مسمحاك توب لربنا وابعد عن الخطأ دا ومتعملهوش تاني، أنا مش هسألك عشان دي حاجة بينك وبين ربنا، وأنا واثقة في ابني الجدع اللي إن شاء الله مش هيكرر غلطه أبدًا.
- إن شاء الله يا ماما عن اذنك.
🌸🌸🌸🌸
- وبس يا سيدي دا كل اللي حصل.
* الحمد لله، بحمد ربنا كل يوم عشان رزقني بيكِ يا أجمل هدية ونعمة من ربنا مَن بيعا عليا، الله يبارك لي فيكِ ويحفظك ليا.
- حبيبي يا عمران ويديمك في حياتي يا رب.
* تعرفي نفسي في إيه؟ نفسي الناس متعاملش ولادها بعنف وقسوة، لازم يعرفوا مخاطر كل سن ويتعاملوا معاهم بالطريقة المناسبة ليهم.
- يا ريت والله، عشان من غير ما يحسوا بيربوا جواهم كره وحقد وهما بينصحوهم بالطريقة دي يخلوهم يعندوا ويتمردوا عليهم.
* يا واد يا عاقل يا رزين أنت.
- طبعًا من يوني يا حبيبي.
*يسلم لي قلبك وروحك يا تاج القلب.
♡♡♡♡♡♡
" ويبقى حبك شغفي الذي لا ينقطع، وكياني الذي لا يحطم، وموطني الذي لا أبرح عنه"
#بنت_الشيخ
#إيمان_أبوزيد
مستنيةرأيكم