Oops! This image does not follow our content guidelines. To continue publishing, please remove it or upload a different image.
" ඇත්තටම උඹ කාටවත් ම ආදරේ කරලා නැද්ද"
උඹ මගෙන් අහනවා.ඒ නිනව්වක් නැති දුඹුරු ඇස් මාව ගිලගන්ඩ වගේ බලන් ඉන්නවා.ආය ගිලින්න දෙයක් නෑ.දැනටමත් මම ඒ ඇස් අස්සෙ පතුලටම කිදා බැහැලා.වට පිට බැලුවම එහෙ මෙහෙ අපිළිවෙලට දුවපු ලේ වැල් දුඹුරු ඇස් පුරාවට ඉහිරිලා.උඹ වගේමයි.හරිම අපිළිවෙලයි.
"මම තාම ආදරෙයි "
හිනාවක් නැතුවම මම ආයෙම ඒ දුඹුරු ඇස් පතුලේ කෙළවරක ඉඩකඩක දිගෑදෙනවා.
"කාටද"
දුඹුරු ඇස් කතා කරනවා.
ඒ ඇස් හැමදාම අනන්තවත් කතා කරනවා.හැම තත්පරේම කතා කරනවා.මට එපා වෙනවා.බෝරින්...
උඹට ගානක් නෑ.හිටියා වගේමයි.ගානක් නෑ.ලොකු මුදු දාපූ ගෑනුපිරිමි අත් බීර වීදුරුවේ උඩම ...තොල් තියපු තෙත් වෙච්ච පින්තාරු පාරවල් උඩ එහෙ මෙහෙ දුවනවා.කතාව එතනින් ඉවරයි කියලා මම දන්නවා.මට එපා වෙනවා බෝරිං...
"ඕකනෙ බැරි"
මම කියනවා.
"මොකක් ද"
දුඹුරු ඇස් දුවන්නෙම එහෙ මෙහෙ.ඒවා හැමතැනම තියනවා.
"මොකක්ද බැරි..."
සුසුමකට පස්සේ උඹ හිමිට ලාලිත්‍යයකට නිකටට අතක් තද කර ගන්නවා.
"අද උඹ පට්ට ලස්සනයි සරස්" උඹ එහෙම කියලා තප්පරේකට මං දිහා බලන් භාවනාවක ගිලෙනවා.
හිත ඇතුලෙ ඔබපු සතුටේ බැලුමක් පිපිරෙන්න දඟලනවා.වැඩක් නැ.මං පුපුරව ගන්නෙ නෑ.මට තව උඹෙන් කරගන්ඩ වැඩ තියෙනවා.ඔව් . උඹෙන් මට කරගන්ඩ වැඩ තියෙනවා.
"බොරු ... මම රැවටෙන්නෑ"
රතුම රතු තොල් උල් කරලා කොණ්ඩේ අඟම අඟ ලොකු කැරැල්ල දිග නියපොත්තෙන් කරකවන ගමන් මම කියනවා.තාම හරියකට මත්වෙච්ච නැති ඒ දුඹුරු ඇස් පහල කම්මුල් මට කතා කරනවා.එව්වා දිලිහෙනවා.නාහෙ උඩ පුංචි කරාබුවට වඩා ඒවා දිලිහෙනවා.මම නෙවෙයි.වැඩියෙන් ලස්සන උඹ ...
"මේකප් එක පට්ට"
උඹට ගානක් නෑ.මූණ උඹේ නෙවෙයි වගේ.ගානක් නෑ.බෝරිං...
"මොකක්ද මාත් එක්ක බැරි සරස් "
උඹ ආයේම අහනවා. හැමදාම වගේ උඹ හැමදාම වගේ අල්ල ගන්නේ අනවශ්‍යම වචනේ.දාහක් දේවල් තිබ්බත් හැමදාම අන්තිමට උඹ එල්ලෙන්නෙ අනවශ්‍යම වචනේ...මට එපා වෙනවා.බෝරිං...
"ඔයා හරි හැමවෙලේම.මම වැරදියි..."
මම කියනවා.
ඒ දුඹුරු ඇස් හිනා වෙනවා...ඇස් ... දුඹුරුම දුඹුරු ඇස්.
"කොල්ලෙක් වෙලා ඉන්න කාලේ මතක් වෙන්නැද්ද ?" මම අහනවා....
ඒ දුඹුරු ඇස් එක තැනක නතරවෙනවා.අර අපිළිවෙල දුඹුරු ඇස්...වටේටම හෙන පුපුරනවා..වහිනවා.මම දන්නවා...උඹ ගැස්සෙනවා මට පේනවා...
"ඒ කාලේ විදිහටම ඔයා හිටියනං කියලා හිතෙනවා වෙලාවකට... ඔයා හරි වෙනස් දැං"
"මම දැං ගෑනියෙක්"
උඹ කියනවා...උඹ හරියට මැජික් එකක් වගේ...මෙච්චරකල් ගිහිනුත් මෙහෙම මෙච්චරකල් ගිහිනුත් වෙනස් වෙච්ච නැති උඹේ හිත ගැන මට තියෙන්නෙ මහ පුදුමයක්
...මට හරි බෝරිං...වෙනෙස් වෙන්නැති උඹ මට හරි බෝරිං...උඹ එන්ඩ එන්ඩ ලස්සන වෙනකොට මම බය වෙනවා.උඹ එන්ඩ එන්ඩ ෆේමස් වෙනකොට මම සෑහෙන්ඩ බය වෙනවා.උඹ එන්ඩ එන්ඩ වැඩියෙන් නිහඬ වෙනකොට මම තවත් බය වෙනවා...
"ඔහොමම කොල්ලෙක් අල්ලලා බැද ගනී "
වෙලාවකට ඇස් කදුළු පුරෝගෙන මම අහනවා...ඒ දුඹුරු ඇස් මාව තුරුළු කරගන්නවා.මට ආදරේ දැනෙනවා.ඒත්... ඒත්... මට හරි බෝරිං...
"සරස්...."
"හ්ම්ම්..."
"මාව බොරිංනේද"
අන්තිමේ උඹ අහනවා.උඹ දැනගන්න ඕනේම දේ.මට කියාගන්නම බැරිම දේ උඹ මෙහෙම මගෙන් අහනවා...
"විකාරද මනුස්සයෝ"
ගැලවෙන්න බැරිවෙන්නම මං තව තවත් අර දුඹුරු ඇස් ඇතුලේ හිරවෙලා පතුලටම දියවෙලා යන ගමන් කියනවා...
.
.
.
.
.
මගේ Danish girl ට
YOU ARE READING
OCean eyEs
Short Storyමා සතුව ඇත්තේ මහත් වෑයමක් දරා සංරක්ෂණය කළ හදවතකි... නුඹ එය සෙමින් පිරිමදින විට රළු පරළු තැනක් හමුවේනම් ... එතැන සිබින්න... මා රිදවූ අතීත තප්පර සියගනනක් නුඹ හා සිනාසෙනු බලන්න... It's about Love ❤️
