Avisala!
Dalawa ang tagapagmana ng Sapiro - ang magkapatid na sina Ybrahim at Ybarro. Itinago at inalagaan, lumaki si Ybrahim sa Lireo at maagang nakasama si Amihan. Ano ang magiging takbo ng kanilang kuwento?
Ito ang ikatlong aklat. Upang masu...
"Nagagalak ako at nakita ka na namin." Ngumiti ang rehav sa kanyang kakambal. "Matutuwa ang buong Sapiro sa iyong pagbabalik."
"Bilang isang prinsipe..." Napatigil si Ybarro. "Lumaki ako bilang isang mandirigma ... o gaya ng sabi ng nakakarami ... kabilang sa mga magnanakaw sa kabundukan ng Adjantao." Napatawa siya. "Hinihintay ko pa rin na may magsabi sa akin na isa lamang itong biro."
"Lumaki rin ako sa paniwalang kabilang ako sa mga diwata ng Lireo ... hanggang ngayon ay may bahagi pa rin sa akin na nagtataka." Seryosong sambit ni Ybrahim. "Pero kahit papaano ay nagpapasalamat ako sapagkat dahil dito ay nabigyan ako ng pagkakataon na makilala at makasama si Amihan."
"Ang hara ... " Sagot ni Ybarro. "Ang kapatid ni Alena..." Lumapit siya kay Ybrahim. "Kailangan nating mahanap si Alena ... "
.
.
.
.
.
PALASYO NG LIREO
Dahan dahang naglakad sa bulwagan si Alena. Tila ba ninanamnam niya ang bawat haligi at sulok ng palasyo.
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
Napakatagal na panahon din ... na nawalay ako sa aking tahanan. Isip niya.
Ilang sandali pa ay narinig niya ang kanyang pangalan. "Alena?" Lumingon ang sanggre.
"Binibiro ba ako ng aking mga mata? Ikaw nga ba yan..." Hindi makapaniwala si Danaya.
Lumapit si Alena at hinawakan ang kamay ng kanyang kapatid. "Ako nga ... nagagalak akong makita kang muli." Niyakap niya nang mahigpit ang sanggre.
"Labis akong nangulila..." Umiiyak na sambit ni Danaya. "Sa pag-aakalang wala ka na ... Tinanong ko noon kung bakit ikaw pa... bakit sa dinami dami ng nilalang sa encantadia...bakit ikaw pa ang dinala ni Emre sa Devas." Pinupunasan ni Alena ang luha sa pisngi ng kapatid. "...bakit hindi na lang ako..."Dagdag niya.
Maya-maya pa't napansin ni Alena ang kasama ng kanyang kapatid.
"Hi po ashti..."Akmang nahihiya pa ang diwata. "Ako po si Lira...ang totoong Lira, totoong anak ni Amihan." Nakita ni Danaya ang pagtataka sa mukha ni Alena. "Pamangkin niyo po ako...hadiya."
