المواجهة 🔥

أّلَـــمًوٌأّجّــــهّـةّ🔥

💕#أّبًــــوٌأّبً_أّلَمًــــأّضًـيِّ💕

#للكاتــبة_ČЎŘĮŇẸ🥀

أّلَحًلَـــــقُةّ 🥀57🥀

عٌنِدٍ أّدٍمً🥀

لفلو الطبيب كتفو... 👨🏻‍⚕️: لازم ترتاح على لأقل شهر اصابتك بليغة شوي.... ادم: وهاداك ن### لي جابوه البوليس... 👨🏻‍⚕️: تهنا مضروب زوج ضربات وحدة في رجلو وحدة في ايدو لفيناهملو وداوه البوليس لتحقيق.... وقف ادم: عيشك دكتور.... 👨🏻‍⚕️: بشفا عليك... خرج ادم لقا امير يستنا فيه... امير: هيا عاد تأخرنا... ادم: هيا... ركبو الطوموبيل طول الطريق ساكتين.... لحقو للكوميساريا.. هبط ادم دخل ديراكت لغرفة التحقيق لقا ياسين قاعد ببرود وسيليا تحاول فيه يحكي... ادم: كشما فاتني... سيليا: مفاتك والو تهنا هادا وين بدينا.... قعد ياسين حط. رجل على رجل: تفضل احكيلنا كلش.... ياسين: هههه تحسب راح نحكيلك يخي تحشب فيا حما. ر... ادم: لا انا متأكد من هاد شي ههه يخي مفيبالكش عندنا دلائل تخليك تعفن في الحبس... ياسين: 😂 تتمسخر بيا.... ادم غمز سيليا فهمتو خرجت الملفات لي جابهم امير من دار ياسين.... ادم: شوف بعينك اذا حاب المحكمة تخفف الحكم عليك احسنلك تعترف بالحسنة او راح نخلوك تعترف بالتي هي احسن😈.... ياسين مصدوم من الملفات لي يقرا فيهم.... ياسين: مش منحقكم تستجوبوني من دون حضور المحامي.... ادم: اممم صح اما للأسف نتا خسرت حتا فرصة انو عائلتك توكلك محامي ههههه راح تجرب شوي من لي كانت زينة تعاني فيه... سيليا: المحكمة راح توكلك محامي تهنا نتا برك احكي ونوعدوك نعاونوك باش يخففولك المحكمة الحكم.... ياسين سكت.... ادم: احكيانا كلش من نهار لي دحلت للوسخ هادا لليوم لي تواجهت فيه معايا.... ياسين: دخلت قبل 8سنين هاد العالم خاطر كنت في مرحلة مقودة موت بويا دمرني وخلاني نتعاطا وزيد رفقة السوء تفسد حاولت قد ما نقدر نبعد لوسخ هادا على عائلتي اما الميزيرية جبرتني نعيش ونعيشهم من مال لحرام... عجبني الحال بزاف كنت نمثل الملاك قدامكم الكل كانو يشهدو بأخلاقي وتربية بويا ليا ولخياتي.. المهم بعد سنين دخلت إلياس معايا وحتا سراب غريتها بحبي وخليتها توصل لحدود الممنوع... إلياس كان عارف وسام مش اختو وحاط عينو عليها وناوي يدي حاجتو منها قبل ما تتزوج بيك خاطر علابالو وقت تصير على اسمك مش راح يقدر يقرب منها وقبل الحادثة حاول يغتصبها اما لحقت عليها زينة في الوقت المناسب نقذتها منو و وسام خبرت زينة بحقيقة إلياس وانو يخدم في تجارة لادروڨ وطبعا زينة طلبت منها تخبرك اما هي رفضت رفض قاطع قال شنيا وسام تعرفك مهبول واذا عرفت راح. تقتل إلياس... نعرف راح تسقسيني كيفاه عرفت حقيقة المناوشات لي صرات بين زينة وسام طبيعي نعرف خاطر يومها كنت عند بيت إلياس محتاجو وعرفت بعملتو مع وسام ولعبتها غايضني الحال وهاوشتو وضربتو... عرفت انو كاين احتمال زينة تخبرك او وسام يحن قلبها ومتقدرش تخبي عليك على هاك درت خطة محبوكة باش نضرب عصفورين بحجر نتخلص من وسام ونسكت زينة... يوم الحادث تاع وسام زينة راحت زينة للغابة لي جنب الجامعة تدير سبور وقتها خدرها إلياس وخطفها خذاها لبلاصة اخرى خلاها راقدة.... في نفس الوقت بعثت انا سراب تاخذ وسام لشلال باش تكمل بقية الخطة