أّلَـــمًوٌأّجّــــهّـةّ🔥
💕#أّبًــــوٌأّبً_أّلَمًــــأّضًـيِّ💕
#للكاتــبة_ČЎŘĮŇẸ🥀
أّلَحًلَـــــقُةّ 🥀102🥀
عٌنِدٍ هّـبًــــةّ🥀
بعدما دارو كل الفيترينات والمولات حتا تعبو حكمو كافي قعدو فيه يشربو حاجة... مريم كانت قاعدة وساكتا وطبعا هادا مش من عادتها موالفة متسكتش جملة..... هبة: شبيك نتي من البارح نشوف فيك مش قد بعضك وش كاين.... مريم تنهدت: شي تعبانة برك.... هبة: تتمسخري بيا منع، فكش انا ولا وش... مريم: هبة نسقسيك... هبة: سقسي سقسي يا بلوة هبة... مريم: زعما ماما تكون زعفانة مني يعني تكون مش راضية عليا درك... هبة: منين تجيبي في هاد الهدرة نتي علاه مترضاش عليك.... مريم عيونها دمعو: معلاباليش حاسة انها زعفانة مني... هبة: لا يا بقرة علاه تزعف منك نتي بنتها الوحيدة شحال عندها غيرك.... مريم: ان شاء الله تكون هدرتك صح تعرفي انو مزال مش متقبلة موتها... هبة تنهدت: الموت حق يا مريم ولازم تتعودي على غيابها.... مريم تنهدت: مزالو جرحي جديد... هبة: ومش راح يبرا جرحك راح يبقا دائما يوجعك اما راح تتعودي على وجيعتو مهما طولتي راح تتعودي... مريم تنهدت: هففففف سمحيلي وجعتلك راسك نروح نغسل وجهي ونجي... هبة: روحي ابلوتي روحي مجبورة نسمع تخرنينك وجياحك ماهو انا صحبتك.... تبسمت مريم وراحت خلات هبة تضحك عليها....
راحت مريم تزرب مفاقتش كيفاه دخلت في واحد.... طلعت راسها شافتو هو عقدت حواجبها... جا يحكي تعداتو خلاتو يشوف فيها مطلع حاجبو.... راح لطاولة هبة قعد قدامها... هبة: ااا انس وش هاد المفاجأة شابة.... انس: كنت جاي نشوف صاحبي هنا وشفت مريم لهيك توقعت انها تكون معاك.... هبة: اييه اهلا وسهلا نورت.... انس: منورة بوجودكم.... هبة: سامحني لبارح خليتك مع مريم ان شاء الله متكونش دارت شي عفسة هاك ولا هاك.... انس سكت تفكر وقت خرجت ليه بالغوب شبه عريانة قلب عينيه... انس: لا مدارت والو.... هبة: ايه مليح صراحة هاد طفلة مفيوزيا ودير لي جاست ماشي نورمال مي منلوموهاش مسكينة.... انس عقد حواجبو: علاه.... هبة: حكايتها ماشي بزاف شابة بالمختصر امها ماتت من حوالي شهر ونص ومن وقتها دخلت في صدمة تقدر تقول حالتها النفسية تدهورت.... انس سكت. مردش عليها... هوما هاك جات مريم مشافتش في انس نهائي... مريم لهبة: خبووش انا ماشية كلمني مؤيد لازم نرجع لدار يكون مقلق عليا خصوصي وانو لبارح مبتش في دارنا.... هبة: اوكي تهلاي في روحك.... راحت ولحقها انس لقاها تحاول تشد طكسي مي مكانش لي حبسلها.... وقف انس جنبها... انس: تحبي نوصلك... مردتش عليه مريم... حمحم وعاود سقساها: نوصلك؟.... مريم شافت فيه وتبسمت: لا نخاف نوسخلك طوموبيلتك ولا يشوفك شي حد معايا يفهمك غلط.... انس: ا نا.... قبل ما يكمل حبست طكسي قدام مريم ركبت فيها بدون ما تحكي معاه كلمة.... بقا انس مشيع الطوموبيل حتا بعدت بعدها مسح على وجهو ورجع لاكافي يستنا صاحبو....أّلَـــمًوٌأّجّــــهّـةّ🔥
أنت تقرأ
المواجهة 🔥
Mizah#جديــــد♕ #ممنووووووع_نقـــل_بدوون_اذنـــي بعد النجاح لكبير لي حصداتو كرونيك ارملتي المتمردة جيتكم بالجديد تجربة هاد المرة جديدة بزاف وستيل جديد عليا نتمنى تعجبكم 😍😍 #مقتبس_عن_قصة_حقيقية
