المواجهة 🔥

أّلَـــمًوٌأّجّــــهّـةّ🔥

أّلَـــمًوٌأّجّــــهّـةّ🔥

💕#أّبًــــوٌأّبً_أّلَمًــــأّضًـيِّ💕

#للكاتــبة_ČЎŘĮŇẸ🥀

أّلَحًلَـــــقُةّ 🥀32🥀

عٌنِدٍ أّدٍمً🥀

أمر الأعوان ياخدوها غصب عنها لشمبرة غير وراح للبيرو ترما في الكرسي مرجع راسو ورا يتفكر في هدرت سراب...

فُــــلَأّشُـ بًــأّکْ⏳

ادم: عندك شي تحكيه... سراب: ا انا ع ع عندي ا اما ع عيشك من منحب حتا حد يعرف انو انا لي خبرتك.... ادم: اوكي تهناي اما تهدني ساع وريحي في الكرسي... ريحت قدامو تفرك في صباعها ترجف... سراب: ا ان انا ي يوم ج جري.مة  وسام كنت هنا في المدينة... ادم: ايه ومباعد... سراب: ا انا م مش متأكدة وخايفة لي نحكيه يضر زينة اكثر اما منجمش نخبي هاد السر خانقني.... ادم: احكس نيشان وش عندك.... سراب: ي يوم الحادث انا شفت وسام راحت مع زينة لشلال... ادم وقف بسرعة: كيفاه؟... سراب: وسام جات لدار وطلبت من زينة تحكي معاها وخذاتها وراحو لشلال غير هاك منعرف حتا شي وقت سمعت بموت وسام وشفت الحالة النفسية لي دخلت فيها زينة شكيت ا ان انها   ه هي ه هي د دارتها ا اما مقدرت ندير والو خفت عليها... ادم: متأكدة من هدرتك... سراب: ا اكيد.... ادم: كاين شخص اخر شاهد معاك....  سراب: لا انا الوحيدة لي شفت شي هادا.... ادم مسح على وجهو: اوكي تقدري تروحي اما لازم تنتبهي على نفسك وممنوع الخروج من المدينة نهائي حتا يوم المحاكمة... هزت سراي براسها وي وقفت: اوعدني متخبر حتا حد لا زينة ولا ياسين ولا اي حد..... ادم: تهناي هادي خدمتنا.... تبيمت معاه بسيف وخرج اما هو قعد حتط راسو بين ايديه يخمم....
بًـــأّکْ⏳

ادم: نشوفو شنوا مخبيا يا زينة....

عٌنِدٍ ﺰيِّنِـــةّ🥀

دخلو علبها لأعوان خذاوها غصب عنها لشمبرة اخرى... كان حالها احسن يعني فيها ضو ودافية شوي وحتا الفرش مليح رغم نفس السرير الحديدي فيها.... قعظت في السرير تخمم وش تكون حالة عائلتها درك راهم يحوسو عليها خوها وكلها محامي امها واختها توحشوها.... ألف فكرة وفكرة في راسها تخمم فيهم حتا داتها عينها ورقدت....أّلَـــمًوٌأّجّــــهّـةّ🔥

💕#أّبًــــوٌأّبً_أّلَمًــــأّضًـيِّ💕

#للكاتــبة_ČЎŘĮŇẸ🥀

أّلَحًلَـــــقُةّ 🥀33🥀

عٌنِدٍ هّـبًــــةّ 🥀

طول الطىيق ساكتين وهبة تخمم سارحة حس انها غريبة صح ميعرفهاش مليح اما متأكد انها من النوع بي اذا فتح فمو معادش يعرف يغلقو جملة... حبس الطوموبيل وتلفت ليها وحتا  هي شافت فيه... امير: بون حبيت نقلك انا ماشي سيء يا فر. خة نتي ستفزيتيني بزااف وعلى هاك درت لي درتو ةاليوم نحلفلك يمين مكنت ناوي نعملك شي انا رجل قانون ونخاف ربي مستحيل ندير حاجة هاك وخصوصي في طفلة صغيرة ومن فوق يتيمة... هية تبسمت: صخ خوفتني وتحرشت بيا اما حتا انا غلطت... هبطت راسها.. ديزولي... امير تبسم: حتا نتي سامحيني غلطت في حقك ممكن مش الموضوع لي يستاهل رد الفعل هادا قصدي البوسة... هبطت راسها حشمانة وجها يفور.... امير ضحك: نعترف انك ستفزيتي رجوليتي بحركاتك على هاك تصرفت من دون تفكير.... هبة: ا احمم ان انا  م مقصدتش... امير: هههه مصرا شي تهدني... هبة مدت ايدها ليه: اوكي نبداو صفحا جديدة ممكن!..  امير خمس معاها: اكيد اممم ممكن نتعرفو على زلة ... هبة: انا اسمي هبة  نقرا باك لغات اجنبية.... امير ضحك: لا بالحق فر. خة لو كنت مزوج بكري كانت بنتي قدك.... هبة غوبشت: متضحكش عليا.... امير: بربي معاظش ديري هاد البوزيسيون بشفافك راو لي قدتمك سريع لإلتهاب... جبدت يدها بسرعة منو حشمانة مش مصدقة وقاحتو هادي... امير مسح على شعرو يضحك: وانا امير محامي عمري29سنة يعني اكبر منك با 11سنة... هبة: ا احمم م متشرفين.... امير: هههه شرف ليا هيا اهبطي لداركم... تلفتت هبة لقات روحها في شارعهم اما بعيدة على دار تبسمت معاه وهبطت تجري دخلت لدار... اما امير شيعها بعينبه بعدها قلع....
دخلت هبة لداى لقات يماها قاعدة في صالون تبكي قربت منها تجري... هبة: يمااا وش كايين.... حاسيبة: خ ختك يا هبة ختك داوها البوليسيا ومعادش ترجع... شهقت هبة بقوة: من نيتتك كييفاه.... حاسيبة: صباح  بعدما رحتب نتي وسراب جاو البوليس داوها قال يحققو في قضية وسام... هبة: مي علاه خلاوها عندهم مفهمتش... حاسيبة تضرب في فخاذها : منعرف يا طفلة منعرف قالي ياسين انو راح يدير المستحيل باش يخرجها... هبة حبست تخمم كانها تستوعب في وش صرا معاها ليوم كلشي صرا اليوم مخها متقبلوش.... تفكرت امير خرجت تجري لقاتو راح مسحت على وجها تبكي... هبة: ياااا رب نعاود نشووفووو....أّلَـــمًوٌأّجّــــهّـةّ🔥

💕#أّبًــــوٌأّبً_أّلَمًــــأّضًـيِّ💕

#للكاتــبة_ČЎŘĮŇẸ🥀

أّلَحًلَـــــقُةّ 🥀34🥀

عٌنِدٍ ﺰيِّـــَنِةّ🥀

فاقت على صوت واحد من البوليس جابلها حاجة تاكلها شافت في البلاتو لقاتها بطاطا وسوب باين ماء وحدو تنهدت وقفت تروح وتجي حست انها محصوىة بزااف حابة تروح لتواليت تنهدت قريب تبكي... زينة: حسبي الله ونعم الوكيل فيك يا ادم علاه تعمل فيا هاك وش درتلك انا هفففف... بقات رايحا جاية حشمت تعيط لشي حد ياخذها لتواليت  ندمت انها حكات مع ادم وعترضت على الزنزانة السابقة على لأقل كان فيها توالات ملڨري مسخ ومش نقي اما احسن من هادا.... هي هاك سمعت صوت الباب تفتح تلفتت لقاتو هو تنهدت ولفت وجها لجهة لأخرى مش متحملة تشوفو قرب ادم قعد  جنبها في السرير يشوف قدامو... ادم: قتلك احكي ووفري عليك وعلينا هاد الدراما.... زينة: وانا قتلك معندي حتا حاجة نقولها... ادم شاف فيها: يخي نتي خايفة من حاجة شكون يهدد فيك... تلفتت ليه مصدومة: و و وش ق قصدك... ادم: زينة  يا Les yeux de cerf عيونك هادو انا اكثر شخص نفهم نضرتهم متحاوليش تلعبيها قافزة معايا... زينة تنهدت: درك علاه جاي؟ يخي تحسابلك راح نخبرك شي هههه انا مستحيل نرجع نثيق فيك نتا شخص نتستاهلش الثقة صح عندها الحق وسام انها تكره وتنتحر ماهو كانت تستنا فيك ترجع وتحلم بنهار لي تكون مرتك 4سنين يا ادم 4سنين تستنا فيك بدون ما تكره او تمل اما نتا مفهمتش حبها ليك وضليت تتماطل حتا ماتت... وقف ادم صاعر يعيط: تحسااابلك مكنتتتتش حاااب نررجع يخيي متعرفيش حبييي ليها تي راهي رووووحي ساكنتني من داااخل اما نتي كييفاه راح تفهمي الموضوع نتي اصلا معشتيش الحب ولا تحبيتي كييفاه راح تفهمي علاقتنا صدقيييني لو يمر ألف عام انا مستحيل ننسا وسام ولا بعمري راح نحب غيرها رلح نبقا وفي لذكراها لأخر نفس مني.... تبسمت زينة بوجيعة: حتا انا عندي لي يحبني يا ادم حتا انا يجي يوم نخرج من هنا وراح نتزوج وندير عايلة حتا انا عندي الحق في الحب انا صح حاليا سجلي رجع موسخ وصح متهمة بقت. ل صديقتي لأنتيم اما راح نخرج من هنا ا انا بريئة وراح نخرج اصلا منستغربش تعمل فيا هاك منستغربش ترميني في زنزانة كيف المجرمين بدون اي دليل ملموس ماهو انا معنديش الأب لي يدافع عليا على هاك كانو يحقروني من صغري يحقروني ويتنمرو عليا حتا مرضوني ودرك جاي نتا تقت. ل وش بقا فيا حاسب راح يجي يوم ونسامحك صدقني يا ادم نجوم السماء اقربلك من هاد الشي انا يتيمة صح اما تربية رجال وراح نبقا واقفة في وجهك ونبقل نكرهك لأخر يوم في عمري  نتا متستاهلش الحب نتا اناني صدقني ندمت على ساعة لي وثقت فيك فيها.... سكتت ترد في النفس لقاتو يشوف فيها نضرات غريبة مسح على وجهو وتلفت خارج من دون ما يردلها بشي وقفاتو بهدرتها.... زينة: عيطلي صحبتك البوليسية من اليوم اي هدرة نحب نهدر معاها هي وجهك منحبش نعاود نشوفو كون مليح مرة في عمىك ونفذ طلبي.... خرج ادم من دون ما يردلها بقف خارج الزنزانة ضرب ايدو بقوة على الحيط عيونو رجعو حمر.....