المواجهة 🔥

أّلَـــمًوٌأّجّــــهّـةّ🔥

💕#أّبًــــوٌأّبً_أّلَمًــــأّضًـيِّ💕

#للكاتــبة_ČЎŘĮŇẸ🥀

أّلَحًلَـــــقُةّ 🥀68🥀

هبة: ع ع علاه ع علاه تحوس عليا... امير شاف فيها مطولا مش عارف وش يقلها هي بتصرفاتها هادي معاه ضربت كلش في زيرو حسها هانت رجوليتو.... امير: مش شي مهم نتي مزالك فر.خة متعرفيش صلاحك مش راح نخليك تلعبي بيا اما مدام لاعبتها فاهمة وتحلي في فمك وتشوكري مالا نحوس على حقي اتعابي حبيتهم.... هبة تبسمت بإستهزاء: هيه قول هاك من لأول علاه تلعب فيها مسكين.... امير قرب منها يقحر: هبببببة متخلينيش   نوريك وجهي زاوج مازلت لدرك ساكت منيش حال نحط راسي في راسك.... هبة سكتت شوي: اوكي قول وش تحوس حق اتعابك.... امير تبسم بجنب: درك بديتي تعجبيني... تبسمت هبة بإستهزاء.... امير: راح تتزوجيني..... رفعت هبة راسها بسرعة مصدومة منو لالا سيريو حست انها رجعت تتوهم وسمعتو غالط مخها توقف عن العمل نهائي.... هبة: اه😳..... امير: كيما سمعتي نتي مجبورة تواقفي على عرضي ديجا واقيل نسيتي بلي موقعتلي  على ورقة (هاد الجزء انا محكيتوش نسيتو لمرة لي فاتت🤦🏻‍♀️).... هبة ضحكت مصدومة: يخي تحكي بجدك.... امير: نتي وش رايك.... هبة: كيفاه نتزوجو شكون يتزوجو مفهمتش... امير تبسم بإستهزاء: انا وادم نزوجو 🙂.. متبدايش ###* في ث  بغبائك كيما سمعتي انا وياك نزوجو لفترة 6شهور بعدها نطلقك.... هبة سكتت شوي تحاول تخمم بعقلها: علاه وش الفايدة... امير تبسم: باش نقصلك ڨرونك لي عاملتهم علينا هيا خممي تشو تقبلي او تقبلي غصب عليك.... هبة: ههههه واذا مقبلتش يا امير وش راح تديرلي مثلا... امير تبسم: لورقة لي وقعتيلي عليها بدون ما تقرايها هي عقد زواج يعني هاك ولا هاك راكي مزوجة.... هبة مسحت على وجها مصدومة: ت تهدد فيا يخي من عقلك نتا تدير فيا هاك.... امير: والله يا روحي نتي حبيتي تخشني راسك معايا.... هبة: يخي نتا مريض كيفاه هادي نتزوجو ديجا وين نعرفو بعض وزيد انا اصغر منك على لأقل12سنة وزيد مزلت نقرا ومش مخممة في زواج نهائيا.... امير: والله ياروحي حتا انا مش ميت عليك راح نتزوجك لفترة بعدها نطلقك...هبة: علاااااه نزوجو.... امي: باسكو انا حبيت.... هبة دمعو عيونها حاسة انها عاجزة.... هبة: اذا مقبلتش راح تخبر اهلي انك مزوجني.... امير تنهد: نتي لي وصلتينا هنا.... هبة: علاه تدير فيا هاك... امير سكت شوي: مجبورة تقبلي معندكش حل.... هبة:وقتاش تطلقني... امير تنهد: شهور ونطلقو متخافيش مرانيش ميت عليك ومش راح نقرب منك تأكدي.... سكتت هبة مش قادرة تحكي حاجة... سبقها امير راح ركب طوموبيل بقات شوي ولحقاتو ركبت جنبو وقلع وصلها لدارهم غير جات تنزل حكا... امير: راح نجيب اهلي غدوة نخطبو... سكتت هبة مش قادرة تصدق وشراهي تعيش حاسة روحها في كابوس... هبطت وخلاتو مشيعها غير دخلت قلع....
اما هبة دخلت لقات امها في الكوزينة راحت حضنتها بدون اي كلمة.... زيرت عليها امها حاسة ببنتها تعبانة.... حاسيبة: وشبيك بنتي.... هبة: شي تعبانة يا ماما... حاسيبة: تهدني يخي صاي كملتي الباك مبقاش علاه تخافي.... هبة بعدت عليها تشوف فيها بعدها نطقت صدمت امها... هبة: ماما غدوة كاين لي جاي يخطبني....أّلَـــمًوٌأّجّــــهّـةّ🔥